1 Pità 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə̀ vɨnə nyi endom vɛ ə zənə etuʼ ə shiə ghɛ ə ghe tè kɔʼse Zhə̀fè, kyi èkwaʼtè elɨmtəze sê Zhə̀fè tè lafə ətəyn. Ghənə tè nyîə tsosə̂ sèngɨŋ sə ghənə̂sè əchi zɨə sê ndom ə ghənə̂ghè.

1 Pità 3:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 2:37

È və kwuə ze sè nyi za mə è və ndəmə̂ sè nyi sepìŋ mghɨm famə njòse kyàʼ nâʼà pîza ndam tsɨs ke ə Ndɛ Ètsə̀mə kɔʼsə̂ Fezhə̀ pamə ècho tsə̂mə̀ èchwì tsə̂mə̀ etuʼve.

Ətefɨ̂aʼ 1:14

Ə̀ tè nyi zâ, ghənə e zâŋsə̀ zûŋtə̀, tsɨ̂yntə̀ nə̂ ètsə̂m yî ghə̀ zəyn yîghe è Mèli nyìə Njisə̀s, è ghɔnyìə Njisə̀sghè.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Ɛfesùs 5:33

nâʼàpî ndè ə ghàyn əfètəyn kyi sə̂ pɔŋɔ kɔ̂ŋɔ̀ zhwîə vəyn kè eghɨ kə è kɔ̂ŋɔ̀ ngɨŋ ə vəyn, nâʼàpî ndè e pɔŋɔ ngɨmnə̂ ndom ə̀ vəyn.

1 Timotì 2:10

Ə ghənə pɨlə fɛtə̂ sengɨŋ sə ghənə̂sè è ghɛ ə chûŋ ghɛ ə ghənə nə̂, kûmə̀ nə ə̀ nyi eghɛ echûŋzè se zəyn ghɛ ə nyi mə ə pomə Zhə̀fè sə̂ nə̂.

1 Timotì 2:15

Pîza Zhə̀fè tə sɔza nâʼàpî wùzhɔyn èkwə̀ tɔynə̂ apiə ə ghɔynke, ashìŋə̀ kɛ è kol təmə ə faŋa tɛ kə ndò ə vəyn ekyî epomə̂zè, fɨnə kɔ̂ŋɔ̀ ə̀ghɨ mɔʼɔghe, fɨnə ndamə èndam zɛ ə ze nyi èŋwaʼze, nə̂ va ghɛ nə ghɨ̂yn endom kə shi əghɨ̀ghe ə nyi ke ə vəyn ewìyn.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

1 Timotì 5:5

Kàyntè ə̀ zhwîə kwu vɛ ə è kyi va wùə nə è və tɔ̂ʼnə̀ è vəyn nyi mə è kwàʼtə̀ lɨmtə̂ kə se Zhə̀fè, tsə̂mə̀ kə ndo shîŋə̀ tekɨ̂m, ndɔnə ètsâmtè sê Vəyn etuʼve, èchwì.

Ipilù 11:11

Ə̀ tè nyi tɔynə̂ ekyî epomə̂zè kə Sèla, ə wùə mə è və ndumə̂ tsɛ se pîə ə vayn, tè nyi kàʼa è piə vayn kûmə̀ nə è və tə samsê Zhə̀fè nə fe nə̀ nə̂ èghɛ zɛ ə fe tè tsɨ̀ne.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,