1 Pità 3:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Tsɔ̂f ətəynze pɨl kyi sə̂ nyi ə ghàyn ə tendam. Kyì etsɔ̀f nə zɨ̂nə̀ mə mə ze mɨsə̂ va nyi se wùə vɛ ə è kyi zuʼse pɔynəse, zɨnə mə nyîə kɔʼnə̂ ə Zhə̀fè əshi nâʼà sə ŋaŋ.

1 Pità 3:4 ပူးပေါင်းရင်းမြစ်များ

Matyò 11:29

Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.

Matyò 21:5

“Pì sê ghɨ tə̀ʼ ə̀ Zayɔ̀nə̀ nə, Ghàyn fe, fɔ̀yn vâyn vɨ̀nə è pə̀ sê ghàyn è ngɨmnêzè, tsɨs etûə njàkâs, e kwuŋ ə njàkâs endomə̀vè.”

Matyò 23:26

Ghɨə fofə Falàsî ghɨ̂yn! Ghàyn shùə chi fètəyn fə wàfè è kɨsè kaŋa, ə pɨəyn ə təynke pɔŋ zo.

Matyò 5:5

Pɔsêzè nyì sê ghɨ ghɛ ə kyi ngɨmnêzè; ghənə tə kyîə àfɨa kɛ Zhə̀fè tsɨ̀nè.

Tom èchùŋ kè kə Lûk tè nyaʼ 11:40

Ghàyn nyi ke nâʼà èngo efɨae səndô! Ghàyn kwàʼtə̀ kə nə Zhə̀fè tè fɛte ke sètsɨm ə tàʼa fɛtə m̀təyn mə?

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

Ŋwàʼlè ə̀ Pɔ̂l sê ghɨə Lûmghè 1:23

Ghənə tə se ngɨmnê ə Fezhə̀ fɛ ə Fe nyi sə teshɨ̀ŋə̀ tèkɨ̂m. Ghənə pɨlə ngɨmnə̂ èfɨa mə ghɨ fɛtə̂ ègho ə ghənə̂ghè, ve fusə̂ è fɨa vɛ ə ve kwuə. Fɨa ətəynve kyaʼà kə, əghɨ msɔ̀ŋghe, kə mnɨŋ, kə senyam è kɨsè kə sezhò.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

Ŋwàʼlè ə̀ Pɔ̂l sê ghɨə Lûmghè 6:6

Ghâsènì kyi sə̂ kwaʼtə̀ kə shîŋə̀ tekɨ̂m nə kə ə tè paynte Klâys awâmnè, ə tè paynte Vəyn è tsɨsə̂ emɨ zɛ ə ghàs tè kyi chi. Zɨnə tè kyayn kə tyaʼ etsɨsə emɨ kɛ ə ke tè nə̂ nə ghâsènì nəyn pi njise. Zɨnə mə tə nə̂ ə pi taʼa fɨnə njiə ghâsènì kə ekɔ̂s.

Ŋwàʼlè ə̀ Pɔ̂l sê ghɨə Lûmghè 7:22

Ə̀ mì əfètə̂ ə̀təm, m kɔ̂ŋə̀ se chùmtè alâŋ ə Fezhə̀kè è təm ghɨmghe əkɨ̂m.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

Ngàleshyà 5:23

kyi engɨmnê, ke se kyiə sengɨŋ. Lâŋ kyîke kwiynsə̂ va nâʼà èghɛ èmɔ̀ʼ əfètəyn ə̀ghɛ nə ghɨ̂yn.

Ɛfesùs 4:2

Ghàyn nə ngɨmnə̂ sengɨŋ saynse, pɔynə̂ fɨnə wəynsə̂ èwiyn, lɛ̂sə̀ sètsas saynse kûmə̀ èkɔ̂ŋ.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

Kòlosè 3:3

Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

1 Tèsàlonikà 4:11

Ghàyn mɔmse nâʼà è tyaʼa sə̂ ndamə endom vɛ ə ve pə̂ va èfɨmsê zè sê ghɨə mɔ̀ʼɔghe. Kə ghàyn nə njiə tsɛ ə ghɨghə ghɛ. Ghàyn e fɨ̂aʼà è gho ghaynghe sə̂ kyi èfɨa vɛ ə ghàyn kyiŋə kè kə ghàs tè tsàyn sê ghàyn.

2 Tèsàlonikà 3:12

Ghàs pìə sê ghɨ ghɨ̂yn, ghənə e kyi se zɨ eghɛ zɛ ə ghàs pìə, fɨnə fo fɨ̀as se ghənə ezə ə Pɛ̂pɛ Njisə̀s Klâys nə, ghənə kyi sə ndamə èndam zɛ ə ze nyi achûŋ, fɨaʼà kə ghənə nyi kàʼa ndaʼà èfɨa vɛ ə ghənə zhiə.

1 Timotì 2:2

Ghàyn e lotə̂ paynsə̂ tsə̂mə̀ tso sê fɔ̂yntè è kɨsè ghɨə mɔ̀ʼɔ ghɛ ə ghe chisə ghɨghe kə ghâsènì ə ndamə è pɔ̂ynè, fanə̀ va ghɛ zhîze, kə ghâsènì ə nyi kàʼa ə ngɨmnə̂ Fèzhə̀, fɨnə nə̂ kə èghɛ zɛ ə è kyiŋə nə ghâsènì ə nə̂.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

Taytùs 3:2

Tsàyn sê ghənə nə kə ghənə ə wâmnə̀ ə̀ghɛ ə pighe kûmə̀ wùə vîvè, pîza nə ghənə ə ndamə è ndam ə pɔ̂ynèzè, nyi èsoynve sê ghɨghe, tsosə̂ sèngɨŋ sə ghənə̂sè əchi sê nâʼàpî ndè.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.