1 Pità 3:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

1 Pità 3:20 ပူးပေါင်းရင်းမြစ်များ

Matyò 7:14

Pîza, cho ə mbàyn zɛ ə ze njiə endam zɛ ə ze tə mìə va tətə̂ kə nyi. Ndom vɛ ə ve ndùə fumə, e tɛ kə nyi se tsɛ̀ ətəyn. Ə̀ nyi ke m̀fɨatə̀ mə ghɨ̀m kə m̀ tsɛ fu.

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Ətefɨ̂aʼ 2:41

Kûmə̀ nyi, ghɨ tsɨə ghe ə pomə̂ ewâmnè ə Pità nə zɨ̂yn, ə fiə m̀mo. Ghɨghe ə paʼsə̂ anɔ̀yn ə ghɨe poməke etuʼ nə vɛ se zaʼâ sekam sèta.

Ŋwàʼlè ə̀ Pɔ̂l sê ghɨə Lûmghè 9:22

E nyi kepî eghɨ səmɔʼ kə Zhə̀fè nə̀yn. Fe tè kɔ̀ŋ se tyə̀yn nə Fe nyɔʼsə̀ etɔŋ ə fɨnə kɔ̂ŋɔ̀ se nə̀yn nə ghɨ fe tyaʼa Vəynke. Ə̀ za nyi eghɛ zɛ ə Fe tè ngəse kol ə̀təm è ghɨ vəyn ghɛ ə ghe tè nəyn nə è və nyɔʼsə̀ ètɔŋ. Ghɨ nə ghɨnə mə tè kyi ndô sə kyi èpɔynsê.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 1:9

Ghàyn e saŋnə̂ nyi kûmə̀ nə Zhə̀fè nyîə sɔzâ ghàyn, e kyanə̀ nyiəmə kûmə̀ èsamsê zɛ ə ghàyn kyi sê Klâys.

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

1 Pità 3:19

Zuʼsə Fezhə̀sè ə tsàmtə̀ kəpî vəyn kə è ndu ndâʼà tom ə Fèzhə̀ se zuʼ sɛ ə se nyi ə ndɛ ə̀chaʼ,

1 Pità 4:19

E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.

2 Pità 2:5

È tè pâʼà faŋ kepî se fo ngəʼ sê ghɨə tuʼə shighe, pîza ə ndə̀mə̀ zâ Nuwà ə wùə èndàʼa nə̂ tom ə̀ chichi è ghɨə mɔ̀ʼɔghe ə sɛ̀mbɛ, shîŋə̀ kɛ ə fe tè pəyn è kwuŋke ə̀ zɛ ə ghɨ ghɛ ə ghe tè nyi ətəyn tè va əghɨ ə Fezhə̀ghè.

2 Pità 3:15

Ghàyn ke nə Pɛ̂pɛ ə̀ ghâsènì kolə ə̀təm nyi, fo èndom sê ghàyn kə ghàyn kyi sɔzaze. Ànyìə ghâsènì Pɔ̂l vɛ ə ghâsènì kɔ̀ŋɔ̀ ə tə nyàʼ kepî ghɛ ghɨ̀yn sê ghàyn è tɔf eghaʼâzè mə ə̀ fo Fezhə̀ sê vəyn,