1 Pità 3:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ E pɨlə tsɔ̂fə̀ sə̂ fe ngəʼ kûmə̀ ə̀ghɛ chûŋə̀ kə wùə nə̂, ezhoghɛ ə̀ nyi eghɛ zɛ ə Zhə̀fè kyiŋə̀, tsɛ̂ sə̂ fe kûmə̀ ə̀ghɛ piə.

1 Pità 3:17 ပူးပေါင်းရင်းမြစ်များ

Matyò 26:39

È və kɨŋtə̂ ndûə əshi sechə, ə nyɨ̀ŋə̀ ə chi è kyaʼzè ə tsə̀mə̀ nə, “Pɨ̀a vɨm, ə e pɔynə̂ o njìə tsɨsə̀ ngəʼ zɨ̀yn sê mi! ə̀ vachi èghɛ zɛ m kɔ̂ŋɔ̀ pîza zɛ ə ò kɔ̀ŋə̀.”

Matyò 26:42

È və kɛse ndò ə ndùə sè tsə̂mə̀ pîə nə, “Pɨ̀a vɨ̂m, ə ò va se fiə tsɨ̀sè akɛ̀ ə ngəʼ kɨ̂nə̀ ə mì ətu, mə m paʼà pɨ̀aʼà kəynke, o nə̀ èghɛ zɛ ə ò kàʼa ò nəyn.”

Ətefɨ̂aʼ 18:21

È və pɨlə pîə se ghənə kə è tè ndo nə, “Ə̂ nyi ekɔ̂ŋ ə Fezhə̀zè, m tə kɛsê pəyn.” È və wàmnə̀ za ə njiə ə ngwùʼ ə ndò zâ Plìsilà è Àkwilà fu.

Ətefɨ̂aʼ 21:14

Ghàs ə fe nə ə vayn kaʼa nəyn nə è kwiyne kwaʼtè ə vəynze, ə zàmaʼà ə pìə nə, “Ə ze kyayn ke kə Zhə̀fè kɔ̀ŋɔ̀ nə ze kyayn.”

1 Pità 1:6

Ghàyn e saŋnə̂ kûmə̀ ə̀ghɛ nə ghɨyn nâʼàpî kə ə̀ nyì zôyn sə fendîŋə̀, ghàyn zɨə ètɨ̂m kûmə̀ tèmɔ̂m kè ə tendom ə tendom.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 2:20

Pîza, ə wùə wəynsə ezhoghɛ ə pusə vəyn mə è nə̀yn pofse èghɛ, zhize ətəyn se nyi nâʼà ghè? Ə è wəynsə kə è fe ngəʼ mə è pɨl nə̂yn chùŋ, ə Zhə̀fè pɔse vəyn.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

1 Pità 4:15

Kə wùə sê ghàyn tə nəyn è və fe ngəʼ mə è zhwi wùə, kɨ̀sə è chɔŋ ndô, kɨ̀sə è nəyn ekyì eghɛ epi zhîze, kɨ̀sə è ndzɨse echô vəyn ə wùə eghɛ.

1 Pità 4:19

E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.