1 Pità 3:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

1 Pità 3:14 ပူးပေါင်းရင်းမြစ်များ

Matyò 10:28

Kə ghàyn fayn ghɨ msɔ̀ŋ ghɛ ə ghe kaʼa ə ghe zhwi ke àchaʼ ewìyn ə wûəkè, pîza mə vâyn kàʼa zhwi zuʼ sə vəynse. Ghàyn e pɨlə fânə̀ Fèzhə̀ Fɛ ə fe kaʼa Fe pofsə̂ zuʼsə wùəsè, è chaʼ ə vəynke ewùs.

Matyò 10:31

E za nyi nə ghàyn kyi va sə̂ fânə̀ kûmə̀ nə ghàyn nə̂ kɔʼnə̂ tsɛ̂ m̀nɨŋ me tsɨ̂əm̀.

Matyò 10:39

Ə̂ mɔ̀msè pîndè se sɔ̀ ə ngɨŋə̂ vəyn, ə è njise zə̂ynzè; ə njìsə̀ pîndè ngɨŋə̂ vəyn kûmə̀ Mi, ə è tə kyî èndam zɛ ə ze tə mîə va.

Matyò 16:25

Kûmə̀ nə ghɨ ghɛ ə mɔ̂msè se sɔzà ə ngɨŋə̂ ghənə̂ nə̀ njisə̀ zə̂ynzè, pîza ghɨ ghɛ njîsè ndamə ghənə̂zè kûmə̀ Mi tə kyîə zəynze.

Matyò 19:29

Ə nâʼàpî ndè vɛ è nyi mə è və zà ndɛse, kɨ̀sə əghɔnyì ə ndômnə̀, è ghe zənə, kɨ̀sə pɨ̀a è nyì, kɨ̀sə ghɔyn, kɨ̀sə mfûʼ kûmə̀ èzə zɨme, tə kɛsə̂ kyiə əghɨ nə ghɨ̂yn è fɨa nə vɨ̂yn shîŋə̀tè wəve ə è fɨyn kyi endam zɛ ə ze tə mîə va.

Ŋwàʼlè ə̀ Mâk 10:29

Njisə̀s ə pìə sê ghənə nə, “M pîə sê ghàyn səmɔʼ nə, wùə va ə è zà pɨəyn ə vəynke, kɨ̀sə è zà pî ə̀ghɔ nyìə kɨ̀sə sètsâmtè, kɨ̀sə nyì, kɨ̀sə pɨ̀a, kɨ̀sə əghɔyn, kɨ̀sə mfûʼ kûmə̀ mi è tom èchùŋ,

Ŋwàʼlè ə̀ Mâk 8:35

Kûmə̀ nə ə mɔ̀msè pîndè se sɔza ngɨŋə̂ vəyn ə è kwu, mə ə kwu pindè kûmə̀ mi è tom èchùŋ zɨ̂mè, ə è ndam faŋ.

Njɔyn 14:1

Njisə̀s ə pìə sê chùmtè èpàm sə vəynse nə, “Kə ghàyn ə fɨmsə̂ sèngɨŋ saynse. Ghàyn pomə sê Zhə̀fè, ə fɨyn pomə̂ kepî sê mi.

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

2 Kolìŋ 12:10

Kûmə̀ Klâys, m saŋnə̂ tsɛ̂ kə ndò ashìŋə̀ kɛ m pɔlə̂, ashìŋə̀ kɛ ə sôylə̀ mi, ashìŋə̀ kɛ ghɛ ghe tɛ sê mi, ashìŋə̀ kɛ ə tsə̂fsə̀ mi, è ghɛ mɔ̀ʼɔghe, ghe tsɨ̂ə tsɛ̂ àtyaʼ kɨmke. E nyi nyî kûmə̀ nə ə pə̂ ashìŋə̀ kɛ m pɔlə̂, m pɨl kyi àtyaʼ.

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Njə̂m 5:11

Ghàyn ke ndô nə ghàs njìə ə̀ghɨ ghɛ ə ghənə wəynsə wiynve nə Zhə̀fè ə pɔsê ghənə. Ghàyn ə tə zɨ kûmə̀ èwəynsê ewìyn ə Njopzè kə è tè wəynse, ghàyn ghɛ ə fe ghɛ zɛ ə Zhə̀fè tè nə̀yn sê vəyn ə kwùŋse, kûmə̀ nə Pɛ̂pɛ nyîə kosə̂ èsəyn, nə̂ chùŋ.

1 Pità 3:6

Sèla tè ndamə kə èndam nə zɨ̂yn, zɨə ndom ə̀ vəyn Aplàghâm fɨnə tɔŋtə̂ vəyn nə pɛ̀ àpɨəyn ə̀ vəyn. Ə ghàyn nə̀yn ghɛ zɛ ə̀ nyi eghɛ echûŋzè ə tàʼa zà nə ghɛ zhîze faynse ghàyn, ə ghàyn ə nyi ə̀ghɔ Sèla səmɔʼ.