1 Pità 3:1 - Ŋwàʼlè ə̀ Fèzhə̀ Mkâyn Mə̂ Fèm

¹ Zənə ghàyn pɔŋ tsosê sèngɨŋ saynse əchi sə̂ zɨə sê ndom ghaynghe. Ə ghàyn nə̀ nyi, ə ndam techûŋ taynte kaʼa ə te nəyn ə ndom ghayn ghɛ ə ghe tàʼa nyìəmə pomə, kwiyne təm ə ghənə̂, ə pomə sê Zhə̀fè ndɔ̀ʼɔ ghàyn fɨyn pi pî èghɛ sê ghənə,

1 Pità 3:1 ပူးပေါင်းရင်းမြစ်များ

Matyò 18:15

Njisə̀s ə fɨnə pîə nə, “Ə ànɛ̂ nə̀yn pofse sê ghò, o ndùə fe vəyn elùʼ mə ə̀ nyì ke ghàyn vəyn ə̀pɛ̀ ə tsà èghɛ zɛ è pofse. Ə è fe ke nə zhiə ə nə̀yn pofsê, ə nyi mə ə fɨyn pɨaʼtê.

Ŋwàʼlè ə̀ Pɔ̂l sê ghɨə Lûmghè 10:16

Pîza, ə̀ vachi əghɨ Isìlâyghè əkɨ̂m ə tè pomə tom èchùŋ ə̀təyn. Fɨ̀aʼtè Èsayà è ngɨŋə̂ vəyn nyi mə è və tə wàmnè kûmə̀ èghɛ nə zɨ̂yn nə, “Pɛ̂pɛ ə̀ zɨ nde tom zâszè ə pomə̂ ə?”

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

Ŋwàʼlè ə̀ Pɔ̂l sê ghɨə Lûmghè 7:2

Ə ghâsènì nji Chwìə ə̀ghɛ ə malə̂ghè. Ə wùzhɔyn malə wùə, lâŋkè pìə nə è kyi sə nyi yî ndôm ə̀ vəyn shîŋə̀ tekɨ̂m kə ndom pa nyi ètwɔ. Pîza ə ndom ə̀ vəyn kwu, lâŋ ə malə̂kè fɨnə ko va vəyn.

1 Kɔlìŋ 11:3

Pîza m kyiŋə nə ghàyn fe kê nə, Klâys nyi atu sê nâʼàpî wùə endômə̀ èkè, wùə ndomə̀ e nyi àtu se zhwîə vəyn, Zhə̀fè nyi àtu se Klâys.

1 Kɔlìŋ 14:34

zənə kyi sə̂ kyi mɔŋ ə ndɛ ə̀ Fèzhə̀. Ə paʼà zàmaʼà nə ghənə wamne; kè kə lâŋ ə ghɨə Njûskè pìə nə ghənə kyi va sə̂ nyi etu.

1 Kɔlìŋ 7:16

Ghò wùzhɔyn èpomə, wùə keva, ze kaʼa ə ze kyayn nə ò kàʼa ò sɔza ndom vɛvè, è ghò wùə èndomə̀ èpomə, wùə keva, ze kaʼa ə ze kyayn nə ò kàʼa ə ò sɔza zhwi vɛvè.

Ɛfesùs 5:33

nâʼàpî ndè ə ghàyn əfètəyn kyi sə̂ pɔŋɔ kɔ̂ŋɔ̀ zhwîə vəyn kè eghɨ kə è kɔ̂ŋɔ̀ ngɨŋ ə vəyn, nâʼàpî ndè e pɔŋɔ ngɨmnə̂ ndom ə̀ vəyn.

Kòlosè 3:18

Ghàyn kyi sə̂ kɔʼsə̂ ə̀ndom ghaynghe ə zəyn ə maləghe. Ə̀ nyi nyiəmə kə ghɨ ghɛ ə nyi mə ə pomə̂ se Pɛ̂pɛ kyi sə̂ nə̂.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 3:2

kûmə̀ nə ghənə nə̀ fe kə ndam taynte tsɔ̂fə̀ fɨnə zo.

1 Pità 3:7

Ndômnèghè, ghàyn è pɔŋə ndamə è zhwi ghaynghe ke nə ghənə tɛ va kə ghàyn. E za nyi nə, ghàyn kyi sə̂ tɔ̂ʼnə̀ è ghənə kûmə̀ nə Zhə̀fè tə tsɨ̂yntə̀ fo èndam zɛ ə ze tə mîə va kè sê ghàyn ə̀kɨ̂m. Ghàyn e ndamə nyiəmə kə ghàyn ə piə ə tsə̂mə̀ ndò, ghɛze e tâsə̀ va tsə̂m zaynze.

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?