1 Pità 2:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə̀ nyi sê ghàyn ghɛ ə ghàyn pomə, chi nə zɨ̀nə nyîə tsɔ̂fə̀ nâʼà sə ŋaŋ, pîza sê ghɨ ghɛ ə ghe tàʼa pomə mi: “Chi nə zɛ ə ghɨə pɛghe tè làŋ mâʼà ə kɛse sə echi epòlə̀ ndɛze.”

1 Pità 2:7 ပူးပေါင်းရင်းမြစ်များ

Matyò 21:42

Njisə̀s ə pìə sê ghənə nə, “E za nyi nə ghàyn pâʼà tyəmə̂ tɔŋɔ zɨə eluʼ ə Ŋwàʼlè ə̀ Fèzhə̀ vɨnə ə ve pîə nyiə nə: ‘Chi zɛ ə ghɨ fɨaʼa tè tə ə kɛsê sə echi epòlə̀ ə ndɛze. Ə̀ nəyn Pɛ̂pɛ nyî Ə̀ nyi eghɛ ekayntəze sê ghâsènì.”

Tom èchùŋ kè kə Lûk tè nyaʼ 2:32

Sɔ̂sè nə zɨnə mə tə nə ə ze ə nyi epayn zɛ e tyə̂nə̀ paynsə̂ ndôm vɛve sê ghɨ ghɛ ə̀ va əghɨ ə Njûsghè, fo èpomsê sê ghɨə Isìlâyghè, əghɨ ghɛ.”

Tom èchùŋ kè kə Lûk tè nyaʼ 2:34

Simyòn ə pɔsə̂ ghənə ə ke pi sê Mèli nə, “Ò ke nə Zhə̀fè ə ndə̀m vayn vɨ̂yn nə è tə ndwisè ə̀ghɨə Isìlây ghè, ghe tsɨ̂ə kə nyi, ə è pfɨse yîə, ghe tsɨ̂ə kəpi za. Ə̂ è faŋ kepî sə chwiə zɛ ghɨə nə nyə̂ʼsə̀,

Tom èchùŋ kè kə Lûk tè nyaʼ 20:17

Njisə̀s ə naynə̂ kə ghənə nyi ə pfɨfə nə, “Luʼ ə Ŋwàʼlè ə̀ Fèzhə̀ vɨnə tyə̀nə̀ nə ghe, ə ke pi nə:

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Ətefɨ̂aʼ 26:19

Fɔ̀yn Àngɨ̀lipà “Epàm ə zɨnə mə, m tè paʼà tə se nə̀yn eghɛ zɛ ə payn ekwùtwəyn ətəyn tè pi nə m nəyn.

Ŋwàʼlè ə̀ Pɔ̂l sê ghɨə Lûmghè 10:21

Pîza Èsayà tè wàmne kûmə̀ ə̀ghɨ ə Isìlâyghè nə Zhə̀fè pi nə, “Mə nɛ̀sè gho ghɨmə sə fetuʼ fe fɨ̂flèfè ə tɔŋɔ ə̀ghɨ nə ghe pəyn, ghənə tə se zɨə mi. Ghənə ə tɛ ètuke ə kɛsə̂ ə mì epàm.”

Ŋwàʼlè ə̀ Pɔ̂l sê ghɨə Lûmghè 15:31

Ghàyn e tsə̂mə̀ nə Zhə̀fè ə tɔ̂ʼnə̀ è mi kə ghɨ Njòndyâ ghɛ ə ghe ke va Zhə̀fè nə tàʼa fo ètsôs sê mi. Ghàyn tsəm kepî nə Zhə̀fè nəyn, ə ghɨ afɨfə ə fètə̂ ə̀ghɨ̀ ə Fezhə̀ghè ə Njèlusalɛ̀m fi tsâmtè zɛ m ndûə è zəyn sê ghənə.

2 Kolìŋ 2:16

Ə̀ nyi sê ghɨ ghɛ ə ghe njisə̀ ndûə, lɨ̂m endiŋ ətəynke e pofə, mə ke kaʼa ə ke zhwi ghənə. Pîza se ghɨ ghɛ ə Zhə̀fè sɔ̀zâ, lɨ̂m ətəynke e fɔmə, fo èndam. E za nyi nə wùə vîvè vayn kàʼa è nəyn fɨ̂aʼ nə zɨnə mə.

Kòlosè 2:10

Nyiəmə, ghàyn ə kyî ndam efɨ̂plèzè kûmə̀ nə ghâyn ghə̀ Klâys nyi əmɔʼ, ə nyi vəyn vɛ ə twɔʼve ekɨ̂m, è tuə tendaʼàvè ekɨ̂m nyi ə vəyn etyə̀.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

Ipilù 11:31

Ə̀ tè nəyn ekyî epomə̂zè nə ə tàʼa zhwi afɨa ə kwiə kɛ ə tè tɔŋtə nə La-àp yî ghə̀ ghɨ ghɛ ə ghe tè tə se zɨ sê Zhə̀fè. Ze tè nyi nyiəmə kûmə̀ nə è tè nyi mə è və fi ndzɨsê è pɔ̂ynè ghɨə Isìlây ghɛ ə tè pə̀yn se nyaʼtə naynê ə teluʼ.

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

1 Pità 2:4

Ghàyn pə̀yn sê Pɛ̂pɛ Njisə̀s Klâys, È nyi echi zɛ ə ze ndamə mə ghɨghe ə tə làŋ mâʼà nə e tsɔ̂fə̀ va pîza Zhə̀fè ə fe nə e nyîə kɔʼnə̂ kwəynə̂, ə chɔʼɔ nə ze nyîə kwəynə̂.

1 Pità 2:8

Ə fɨyn nyâʼ kèpi ə Ŋwàʼlè ə̀ Fèzhə̀ nə: “Ə̀ nyi echi, zɛ ə ghɨ tyamtə̂ ətəyn, ə nyi ànayn, kɛ ə ke tə nə̂ nə ghənə pfɨ.” Ghɨ nə̂ tyamtə̂ ətəyn kûmə̀ nə ghənə zɨtə̂ va tom ə̀ Fèzhə̀, ə nyi èghɛ zɛ ə Zhə̀fè tè nyi mə fe ə ndə̀m nə ghənə ə nə̂.