1 Pità 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ghàyn pə̀yn sê Pɛ̂pɛ Njisə̀s Klâys, È nyi echi zɛ ə ze ndamə mə ghɨghe ə tə làŋ mâʼà nə e tsɔ̂fə̀ va pîza Zhə̀fè ə fe nə e nyîə kɔʼnə̂ kwəynə̂, ə chɔʼɔ nə ze nyîə kwəynə̂.

1 Pità 2:4 ပူးပေါင်းရင်းမြစ်များ

Matyò 11:28

Ghàyn pəyn sê mi, ə ghàyn əkɨ̂m ghɛ ə ghàyn nyi mə pɔ se pɨàʼà ekyə̀yn etɨlə ve ə M fo zɨ̀tèkè sê ghàyn.

Matyò 12:18

“Nayne kə, ə̀ vɨ̀nə nyi wùə èfɨ̀aʼa vɨ̂m vɛ ə m chɔʼ, M kɔŋə̀ ndò vəyn kɛsə̂ saŋnə̂ ghasè vəyn. M tə tomə Sèzuʼ sɨmse ə sə nyi yîghə̀ vəyn, ə è tsɛse saʼə səmɔʼe sê ghɨatumə.

Matyò 21:42

Njisə̀s ə pìə sê ghənə nə, “E za nyi nə ghàyn pâʼà tyəmə̂ tɔŋɔ zɨə eluʼ ə Ŋwàʼlè ə̀ Fèzhə̀ vɨnə ə ve pîə nyiə nə: ‘Chi zɛ ə ghɨ fɨaʼa tè tə ə kɛsê sə echi epòlə̀ ə ndɛze. Ə̀ nəyn Pɛ̂pɛ nyî Ə̀ nyi eghɛ ekayntəze sê ghâsènì.”

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 5:26

Kè kə Pɨ̀a è ngɨŋə̂ Vəyn nyi eluʼ vɛ ə ndame ndô ətəyn, ə̀ nyì kepî famə endom ə È nə̀yn nə Vayn ə nyi eluʼ vɛ ə ndame ndô ətəyn.

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Njɔyn 6:57

Pɨ̀a vɛ È nə̀yn nə ghɨghə nyi ètwɔ ə tom mi, kûmə̀ vəyn, m pɔŋə ndamə. Kèpî kə nâʼàpî ndè vɛ ə è zhi wiyn Vɨm, M tə nə̂ vəyn nə è və nyi ètwɔ.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

1 Kɔlìŋ 3:11

Ə piə pə̂ ndò Zhə̀fè nyi mə fə ndə̀m Njisə̀s Klâys nə ə̀ nyì ke àchi andɛ kɛ ke nyi, wùə e va vɛ ə è kàʼa è fɨyn ndəm àchi ndɛ əmɔ̀ʼɔke.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.

1 Pità 1:19

Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.

1 Pità 2:7

Ə̀ nyi sê ghàyn ghɛ ə ghàyn pomə, chi nə zɨ̀nə nyîə tsɔ̂fə̀ nâʼà sə ŋaŋ, pîza sê ghɨ ghɛ ə ghe tàʼa pomə mi: “Chi nə zɛ ə ghɨə pɛghe tè làŋ mâʼà ə kɛse sə echi epòlə̀ ndɛze.”

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.