1 Pità 2:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

1 Pità 2:25 ပူးပေါင်းရင်းမြစ်များ

Matyò 18:12

Ghàyn kwàʼtə̀ nə wùə kàʼa è ghayn ghɛ ə è kyi ndzèsè wəve, emɔ̀ʼ ə njìsə̀ ə? Ə e kyâyn zâ, ə è za səmɔ̀ʼɔ sɨ̂nə̀ m̀ghɨm poləmɔ̀ʼ njòse poləmɔ̀ʼ elùʼ vɛ ə se zhiə etûə pfɨ̀yn ə è və kwîə kyiŋə zɛ è njìsè zâ.

Matyò 9:36

Kə è tè fe nɔ̂yn ə ghɨ̀kè, təm ə vəynghe ə lwinə è kosê esəyn sê ghənə. Təmə vəynghe tè lwiyn èkosê esəyn kûmə̀ nə ghənə tè nyiə kyi èfɨmsê, kyi va tsâmtèzè. Ghənə tè nyi kə sendzè ə se kyi va ngyəyn.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Ipilù 5:2

Wùə èkɔʼsə nə eshyə̀ engaŋtə kwəynə nə vɨ̂yn nyi kàʼa ə è və pɔynə̂ sê ghɨ ghɛ ə ghe ke va ghɛghe nə̂ pofsə̂, kûmə̀ nə nâʼà vəyn sə və ngɨŋ nyi kepî wùə pɔŋɔ pɔylə̂.

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.