1 Pità 2:23 - Ŋwàʼlè ə̀ Fèzhə̀ Mkâyn Mə̂ Fèm

²³ Ə̀ tè nyi nâʼàpî kə ghɨ sôylə̀ vəyn, è və tàʼa pə̀ynsè è sôylèzè. Ə̀ tè nyi kə ghɨ fo ngəʼ sê vəyn, è və tàʼa kàyntè əghɛ. È tè fo ke ngɨŋ ə vəyn sê Zhə̀ fɛ ə fe saʼa kə chichi.

1 Pità 2:23 ပူးပေါင်းရင်းမြစ်များ

Tom èchùŋ kè kə Lûk tè nyaʼ 23:41

ò fɨyn ke kəpi nə ghâsènì kwuə səmɔʼ kûmə̀ əghɛ ə piə kə ə ghâsènì nəyn pîza wùə nə vɨ̂nə kwuə kə səndô.”

Tom èchùŋ kè kə Lûk tè nyaʼ 23:46

Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.

Tom èchùŋ kè kə Lûk tè nyaʼ 23:9

È və njiə ashîŋə̀ ə pfɨftə̂ əghɛ sê Njisə̀s pîza è və tàʼa pəynse nâʼà emɔ̀ʼ.

Ətefɨ̂aʼ 17:31

Kûmə̀ nə Zhə̀fè tè nyi mə Fe ə ndə̀m tuʼ fɛ ə Fe tə saʼa ghɨghe əkɨ̂m ətəyn fà mbi, ke chichi. Fe tə nə, ə wùə vɛ ə è chɔʼ ndəm saʼ ghɨ nə ghɨyn sê vəyn. Fe tyə̀yn chwìə nə zɨnə̀ se nâʼà pîndè mə È ndwisə̀ wùə nə vɛ ekwu.”

Ətefɨ̂aʼ 4:29

Zôyn nyi, ə Pɛ̂pɛ, kwaʼte fâynsè zɨnə ə ghənə fâynsə̀ ghàs ə fo kwəynsə atyaʼ sê ghàs, ghɨ əfɨaʼa ghɛghe, ə ghàs ə ndâʼà tom zɛ, fânə̀ va fɨa.

Ətefɨ̂aʼ 7:59

Ghənə ə faŋa sè tɨmnə̂ kə ndò Shìtifɨ̀yn, è ve tsə̂mə̀ ə pìə nə, “Pɛ̂pɛ Njisə̀s, njì zuʼ sɨmse.”

Ətefɨ̂aʼ 9:1

Sɔ̂l tè pa kâyntə̀ kə ètyaʼa nə zhi nə̀ zhwitə̂ sèchùmtè sə Pɛ̂pɛse. È və ndò ndûə sê wùə èkɔʼsə nə èshyə̀ engaŋtə kwəynə,

Ŋwàʼlè ə̀ Pɔ̂l sê ghɨə Lûmghè 2:5

Pîza, ghàyn nyi mə tɛsê təm ghaynghe, ə tə nə ghàyn maʼà va ghɛ ghaynghe pighe, E tyə̂ nə ghàyn zɔmtə̂ kə epɔynsê ə Fezhə̀zè ə ghàyn ətu, mə È tə pɔynsə ghàyn ə Fetuʼ fə saʼfe. Fumə ə fetuʼ Zhə̀fè tə tyə̂nə̀ paynsə̂ ètɔŋ enyɔʼsə ə vəynve, ə è tyəyn paynsê kepî nə ndom vɛ ə è saʼa ətəyn nyi chichi.

Ɛfesùs 6:9

Pɛ̀ efɨ̀aʼghè, ghàyn e pɔŋɔ fɛtə kyîə ə̀ghɨ fɨaʼa ghaynghe. Kə ghàyn nə kwayntə ghɛ sê ghənə. Ghàyn e ke nə wùə vɛ ə è nyi pɛ̀ èfɨ̀aʼ sê ghàyn əkɨ̂m nyi ekwùtwəyn, njîə nâʼàpî ndè kè eghɨ.

2 Tèsàlonikà 1:5

Kol ə təm zayn nə zɨ̂nə̀ nyiə tyə̂nə̀ ə ndayn nə Zhə̀fè nyîə saʼa ə̀ghɨ chichi, nyi se nə̀yn nə ghàyn ə kwəynə̂ sə̂ nyi elùʼ efɔ̂yn ə Fezhə̀ fɛ ə ghàyn fe tsôsvè kûmə̀ vəynve.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Ipilù 12:3

Ghàyn e kwâʼtə̀ endom vɛ ə Njisə̀s tè fe tsôsvè ətəyn əgho ghɨ̀ ghɛ ə piə ətəyn pîza kolə kə ndò təmə. Ghàyn e tɔ̂ʼnə̀ kə ndɔ̀ʼɔ ghɛze tə tâsè ghàyn ə ze nəyn ə ghàyn ə fɨnə samsə̂ va Zhə̀fè.

1 Pità 3:9

Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.

1 Pità 4:19

E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.

Etyə̂yn ə paynsêzè 19:11

Mə fe èkwutwəynve mə ə chwìe, mə fe àkenyàm efɨfəkè fumə ə mì əshi. Ə tè tɔŋtə wùə vɛ ə è tè nyɨŋə etûə ə̀təyn nə, Fɨ̂aʼ e təmghe əkɨ̂m, è nə Pì səmɔʼ. È tè nyi chichi endom vɛ ə è saʼa ghɨghe ətəyn, è kɨsè endom vɛ ə è tè no ghɔŋze ətəyn.