1 Pità 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Pîza, ə wùə wəynsə ezhoghɛ ə pusə vəyn mə è nə̀yn pofse èghɛ, zhize ətəyn se nyi nâʼà ghè? Ə è wəynsə kə è fe ngəʼ mə è pɨl nə̂yn chùŋ, ə Zhə̀fè pɔse vəyn.

1 Pità 2:20 ပူးပေါင်းရင်းမြစ်များ

Matyò 26:67

Ghənə ə ke tsɨlə mtɛ̂ ə vəyn ekyàʼ ə pusə vəyn, ghɨ ghɛ ə tè wulə vəyn,

Matyò 5:47

Mə ghàyn tɔŋtə kə soyn saynse, ə nyi mə ghàyn nə̀ èghɛ zɛ ə nâʼà tsɨ̀yntsɨ̀ynə̀ wùə kàʼa è nəyn. Pî ə̀ghɨ ghɛ ə ghe keva Zhə̀fè nə̀ kəpî za?

Ŋwàʼlè ə̀ Mâk 14:65

Yîghə̀ ə zhə̀tə̀ tsɨlə̂ m̀tɛ̂ ə Njisə̀s ewìyn, kɨytə̂ ə̀shi vəynghe, pusə vəyn, pîə nə, “Tsàyn nə pus nde gho ə?” Sokə̀ʼse ə njìə vəyn sanə pusə.

Tom èchùŋ kè kə Lûk tè nyaʼ 6:32

Ə ghàyn za se kɔ̂ŋɔ̀ kə ghɨ ghɛ ə ghe kɔ̂ŋɔ̀ ghàyn, nâʼà chùŋ ə̀təyn ə nyi ghè ə Zhə̀fè əshi ə? Kûmə̀ nə naʼapi ə̀ghɨ epighe kɔ̂ŋɔ̀ kə ə ghɨ ghɛ ə ghe kɔ̂ŋɔ̀ ghənə.

1 Kɔlìŋ 4:11

Se tàyn zôyn, chɨ̀ŋ zafə ghàs, pfɨ̀ŋə̀ m̀mò e fɨnə zafə ghàs. Ghàs màʼà kə êshɔʼ ə sendzɨsve, e pusə ghàs, ghàs e kyîŋə̀, kiva luʼe ndaməve.

Ngàleshyà 4:18

E tsɔ̂fə̀ sə tɨ̂mə̀ eghɛ ezhoghɛ ə ghɛ ə təynze nyi eghɛ echûŋzè, e kyi sə nyi zamə shîŋə̀ tekɨ̂m ə̀ va ke ezhoghɛ ə m nyi ghâsènì.

Ɛfesùs 5:10

Ghàyn mɔmse zaʼlê sə̂ ke fɨnə nə̂ ə̀ghɛ ghɛ ə Zhə̀fè kɔ̂ŋɔ̀.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

1 Pità 2:19

Ghàyn e nə̂ nyiəmə kûmə̀ nə Zhə̀fè nyiə pɔsə̂ wùə vɛ ə è kolə təmghe əfètəyn èfe ngəʼze mə è paʼà nə̀yn pofsê. È nə̀ nyiəmə kûmə̀ nə è ke ndô nə ə̀ nyi eghɛ zɛ ə Zhə̀fè kyiŋə.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

1 Pità 3:17

E pɨlə tsɔ̂fə̀ sə̂ fe ngəʼ kûmə̀ ə̀ghɛ chûŋə̀ kə wùə nə̂, ezhoghɛ ə̀ nyi eghɛ zɛ ə Zhə̀fè kyiŋə̀, tsɛ̂ sə̂ fe kûmə̀ ə̀ghɛ piə.