1 Pità 2:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

1 Pità 2:2 ပူးပေါင်းရင်းမြစ်များ

Matyò 18:3

ə pìə nə, “M pîə sê ghàyn səmɔʼ nə, ə̀ tsɛ̂ kə va mə wùə ə kwiynê ndam ə vəyn sə̂ nyi ke kə vayn vɨ̂nə̀, è vayn kaʼa è tə nji elùʼ efɔ̀yn ekwùtwəynve.

Matyò 19:14

Njisə̀s ə pìə sê chùmtè èpàm sə vəynse nə, “Ghàyn za mɨ̂ətə̀m ə m̀ pəyn sê Mi, kə ghàyn fɨyn tâmtè ghənə kûmə̀ nə fɔ̂yn ə Fezhə̀vè nyì sê ghɨ ghɛ ə ghe nyi nyiə kə ghənə.”

Ŋwàʼlè ə̀ Mâk 10:15

M pîə sê ghàyn səmɔʼ nə, ə faŋ pîndè se pomə efɔ̂yn ə Fezhə̀vè kə̂ vayn èpɔ, ə è tə tàʼa nji elùʼ efɔ̀yn nə vɨ̂yn.”

Tom èchùŋ kè kə Lûk tè nyaʼ 18:17

M piə sê ghàyn səmɔʼ nə, ə̀ faŋ pi ndè se pomə efɔ̀yn ə Fezhə̀e kə vayn pɔ, è vâyn tə nji elùʼ efɔ̀yn nə ghâyn.”

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

Ɛfesùs 2:21

Ə̀ nyi vəyn vɛ ə è kokyi ndɛ nə zɨ̂yn, è ze kɔʼɔ se fɨ sə ndɛ ètsə̀mə ə̀ Pɛ̂pɛ.

Ɛfesùs 4:15

Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.