1 Pità 2:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghàyn e nə̂ nyiəmə kûmə̀ nə Zhə̀fè nyiə pɔsə̂ wùə vɛ ə è kolə təmghe əfètəyn èfe ngəʼze mə è paʼà nə̀yn pofsê. È nə̀ nyiəmə kûmə̀ nə è ke ndô nə ə̀ nyi eghɛ zɛ ə Zhə̀fè kyiŋə.

1 Pità 2:19 ပူးပေါင်းရင်းမြစ်များ

Tom èchùŋ kè kə Lûk tè nyaʼ 6:32

Ə ghàyn za se kɔ̂ŋɔ̀ kə ghɨ ghɛ ə ghe kɔ̂ŋɔ̀ ghàyn, nâʼà chùŋ ə̀təyn ə nyi ghè ə Zhə̀fè əshi ə? Kûmə̀ nə naʼapi ə̀ghɨ epighe kɔ̂ŋɔ̀ kə ə ghɨ ghɛ ə ghe kɔ̂ŋɔ̀ ghənə.

Njɔyn 15:21

Ə nə nə̂ ə̀ghɛ nə ghɨ̂yn sê ghàyn nâʼà ə̀kɨ̂m ə Mì ezə, kûmə̀ nə ghənə ke va wùə vɛ ə è tom Mi.

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 13:5

Kûmə̀ zɨnə, ghàyn kyi sə̂ zɨə se tu endaʼve, ə̀ vachi ke kûmə̀ nə ghàyn fanə̀ epɔynsê, pîza ghàyn ke ke pî ndò nə, təm ghaynghe nyîə tsâ se ghàyn nə ə̀ nyi zamə kə ghàyn kyi se nə̀yn.

1 Kɔlìŋ 15:10

Pîza kûmə̀ àfùʼ ə Fèzhə̀kè, m nyi wùə vɛ m nyi vəyn. Mə fùʼ nə kɨ̂yn paʼà njìsè sə ndô. Mə pɨl fɨ̂aʼ nâʼà sə ŋaŋ, ə fɨaʼa tsɛ̂ nâʼàpî ndè əfètəyn ə ghɨətomə nâʼàpî kə ə̀ tè laynsə fɨaʼà va mi, ə̀ tè fɨ̂aʼ afùʼ ə Fèzhə̀ nə kɛ ə mì ewìyn.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 8:1

Ghàs kyiŋə ə ghɔnyì ghasə nə ghàyn ke fùʼ kɛ ə Zhə̀fè tè tyə̀yn ə sendɛ sə Fezhə̀sè ə Màsèndonyà.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

Ipilù 10:2

Ə̂ tè nyi nə fo nə tɨnə ə nyi kàʼa ə te nəyn nə ghɨ ghɛ ə ghənə ngɨmnə Zhə̀fè ə kwəynə̂ mɨ̂sə̀, mə ghənə ə tə tsɨsə̂ fɨnə fo va, nyiəmə ə ghənə ə fɨnə kwàʼtə̀ va nə ghənə ə nə̀yn pi.

1 Pità 2:20

Pîza, ə wùə wəynsə ezhoghɛ ə pusə vəyn mə è nə̀yn pofse èghɛ, zhize ətəyn se nyi nâʼà ghè? Ə è wəynsə kə è fe ngəʼ mə è pɨl nə̂yn chùŋ, ə Zhə̀fè pɔse vəyn.

1 Pità 4:15

Kə wùə sê ghàyn tə nəyn è və fe ngəʼ mə è zhwi wùə, kɨ̀sə è chɔŋ ndô, kɨ̀sə è nəyn ekyì eghɛ epi zhîze, kɨ̀sə è ndzɨse echô vəyn ə wùə eghɛ.