1 Pità 2:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghàyn e ngɨmnə̂ kə əghɨ ə̀kɨ̂m, kɔ̀ŋɔ̀ sèngɨŋ saynse kə ghɨ ə pomə, fânə̀ Fèzhə̀, fɨnə ngɨmnə̂ Fɔ̀yn Èghaʼâ vɛ ə è saʼa ghàyn.

1 Pità 2:17 ပူးပေါင်းရင်းမြစ်များ

Matyò 22:21

Ghənə ə pə̀ynsə̀ nə, “Ə̀ nyi zə Kaysàzè.” Njisə̀s ə ke pì sê ghənə nə, “Ghàyn fo sê Kaysà fɨa vɛ ə kyi Kaysà, ə fo sê Zhə̀fè fɨa vɛ ə kyi Fezhə̀.”

Njɔyn 13:35

Ə ghàyn kyi kɔ̂ŋ sê wùə èmɔ̀ʼ emɔ̀ʼ, ə nâʼàpî ndè ə ke nə ghàyn nyi sechùmtè èpàm sɨmse.”

Ŋwàʼlè ə̀ Pɔ̂l sê ghɨə Lûmghè 12:10

Ə nâʼàpî ndè ə kɔ̂ŋə̀ ànyì ə̀ vəyn è təm ə vəynghe əkɨ̂m. Ə nâʼàpî ndè ə fo èkɔʼsê se ànyì tsɨ̂ə tsɛ̂ kə è fo sê ngɨŋə̂ vəyn.

Ŋwàʼlè ə̀ Pɔ̂l sê ghɨə Lûmghè 13:7

Ghàyn ndaʼ se tu endaʼve fɨa kɛ ə ghàyn kyi se ndàʼ sê ghənə. Ghàyn maʼ ŋwàʼlè se ghɨ ghɛ ə ghe kyiŋə nə ghàyn maʼ ŋwàʼlè, ə̂ nyi ekɛ se ndàʼ kûmə̀ afɨa kə ghàyn kyi, ghàyn ə ndàʼà. Ghàyn e fo èkɔʼsê se ghɨ ghɛ ə nyi se fo èkɔʼsê se ghənə, è ngɨmnêzè sê ghɨ ghɛ ə nyi se ngɨmnə ghənə.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ɛfesùs 5:21

Ghàyn e ngɨmnə̂ sèngɨŋ saynse kûmə̀ nə ghàyn fànə̀ Klâys.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

1 Timotì 6:1

Ghɨ ghɛ ə ghe fɨaʼà kə ekɔ̂s kyi sə̂ fo èkɔʼsê eghaʼazè sê pɛ̀ efɨ̀aʼ ə ghənə̂ghè, kə wùə vîvè ə vayn kàʼa è wamne ghɛ epize kûmə̀ èzə ə Fezhə̀zè, è zaʼlê ə ghasènìze.

Ipilù 13:1

Ghàyn ndu ke èshike sə̂ kɔ̂ŋɔ̀ sèngɨŋ saynse kə ghɔ nyìə.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 2:13

Ghàyn tsose ngɨŋ saynse ə chi ə zɨtə̂ se nâʼàpî ndè vɛ ə ghɨ ndəm nə è və saʼa ghàyn. Ghàyn e nə̂ nyiəmə se chùmtè eghɛ zɛ ə Pɛ̂pɛ tè nəyn. Ghàyn e zɨə fɔ̀yn è ghaʼa vɛ ə è saʼa ghɨghe əkɨ̂m,

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”