1 Pità 2:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

1 Pità 2:12 ပူးပေါင်းရင်းမြစ်များ

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Matyò 5:11

Pɔsê nyì sê ghàyn ezhoghɛ ghɨ sòlə̀ ghàyn, chɔʼɔ àghol kaynke, fɨnə wamtə̂ tèkyì tə ekwaŋte tekɨ̂m kûmə̀ ghàyn kè kûmə̀ nə ghàyn nyi əghɨ ghɨmə.

Matyò 5:16

Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

Tom èchùŋ kè kə Lûk tè nyaʼ 1:68

“Tsîtèzè nyì sê Zhə̀ fə ghɨə Isìlâyfè kûmə̀ nə fe ə pə̀yn se naynə̂ əghɨə fəynfe, se fɨnə zhɔnə atu ə ghənəà

Tom èchùŋ kè kə Lûk tè nyaʼ 19:44

Ghənə tə kəʼsə̂ ghàyn kè əkɨ̂m paʼsə̂ kəpî è ghɔyn ghɛ ə ghe nyi ə ghàyn ə sendɛ. Chie tə faŋa va etuə zhize fâyn kûmə̀ nə ghàyn pâʼà fe ke shîŋə̀ kɛ ə Zhə̀fè nə̂ pə̀ se pɔsê ə ghàyn ətəyn.”

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Njɔyn 13:31

Ə̀ tè nyi kə Njondàs fɨ ndû zâ, Njisə̀s ə ke pì nə, “Shîŋə̀kè ə kwəyn kə ə fe tyaʼ ə Va Wûəkè. Ə fɨyn fe kepî èpomsê ə Fezhə̀zè tɔynə̂ ə Vayn.

Ətefɨ̂aʼ 15:14

Shimùyn ə kwùʼ tsayn paynsê se ghàs kə Zhə̀fè tè chwìte tɔ̂ʼnè ə Vəyn sə shi sê ghɨ ghɛ ə̀ vachi ə̀ghɨ ə Njûsghè, mə Fe njîə fɨsə̂ ə̀ghɨ ghənə ə fètəyn nə ghə nyi ə̀ghɨ Vəynghe.

Ətefɨ̂aʼ 24:13

Ghənə vayn kàʼa ə tyəyn kə chwìə ghɛ zɛ ə ghənə pîə nə mə nə̀yn pofsê.

Ətefɨ̂aʼ 25:7

Ə pə̀ kə ghənə pə̂yn è Pɔ̂l, ghɨ ə Njûs ghɛ ə ghe tè ndò Njèlusalɛ̀m ə tyəmə̂ ə vəyn etipì, ə zhə̀tə̀ se pì əghɛ ə pighe kûmə̀ vəyn mə ghənə vayn kaʼa tyən nə ghe nyi səmɔʼ.

Ətefɨ̂aʼ 28:22

Pîza, ghàs nyiə kyiŋə se zɨ ekwâʼtè zɛze kûmə̀ nə ghàs tsɛ̂ nâʼàpî ghayn, zɨə kə ghɨ wàmnə̀ ghɛ ghe tsɔ̂fə̀ va kûmə̀ èkyî anɔ̀yn kɨ̂nə̀ ə ò nyi ətəyn nyi.”

Ŋwàʼlè ə̀ Pɔ̂l sê ghɨə Lûmghè 12:17

Ə wùə nə̀yn pi sê ghò, kə ò nəyn pə̂ynsè pi sê vəyn. Pîza ghàyn kyi sə kwaʼtə̀ sə nə̂ chùŋ ə ghɨghe əshi ə̀kɨ̂m.

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 15:9

È tè pə̀yn se nə̀yn nə ghɨə ghɛ ə̀ va əghɨ ə Njûsghè ə pɔmsə̂ Fèzhə̀ ə Fəynfe ekosê esəynze. E nyi kə nyâʼ ə ŋwàʼlè ə̀ Fèzhə̀ nə, “Nyiəmə m tə tsîtə̀ ghò ə fètə̂ ə̀ghɨ ghɛ ə vachi ə̀ghɨ ə Njûsghè. M nə zhəmə sènjàŋ tsitə̀ èzə zɛze.”

1 Kɔlìŋ 14:25

kûmə̀ nə tom ə Fezhə̀ ə nə̀yn ghɨghe ə kê ə̀ghɛ ghɛ ə ghənə tè nyi mə ə ndə̀tè ə ghənə ə fèteyn ə̀təm. Nyiəmə, ghənə tə tɨmə ə̀ ndzɨs ə ngɨmnə̂ Fèzhə̀ pîə nə, “Zhə̀fè nyîə ndɨŋ nyi ə ghàyn ə fètəyn.”

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 13:7

Ghàs tsə̂mə̀ se Zhə̀fè nə kə ghàyn tə nəyn pofsê èghɛ zhîze. Ghàs tsə̀mə̀ chîəva tsə̂m nə zɨ̂yn kə ghɨghe ə pîə nə Zhə̀fè ə pomə̂ ghàs, pîza ghàs pɨlə kyiŋə kə nə ghàyn ə nə̂ èghɛ zɛ ə ze nyi chichi, naʼapi kə ghɨə mɔ̀ʼɔghe kwaʼtə̀ nə Zhə̀fè paʼà pomə̂ ghàs kə ghɨətomə.

2 Kolìŋ 8:21

Ghàs kyiŋə kə sə̂ nə̂ èghɛ zɛ ə ze nyi chichi. Ghàs nə̀ kə va ə Zhə̀fè əshi, ghàs nə̀ kəpi ndò əghɨ mɔ̀ʼɔghe əshi.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 4:8

Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

1 Tèsàlonikà 4:12

Ə ghàyn nə̀ nyî ə ghɨ ghɛ ə va əghɨ ə poməghe ə ngɨmnə̂ ghàyn, ə ghàyn ə naynə̂ va sê wùə vîvè.

1 Timotì 2:2

Ghàyn e lotə̂ paynsə̂ tsə̂mə̀ tso sê fɔ̂yntè è kɨsè ghɨə mɔ̀ʼɔ ghɛ ə ghe chisə ghɨghe kə ghâsènì ə ndamə è pɔ̂ynè, fanə̀ va ghɛ zhîze, kə ghâsènì ə nyi kàʼa ə ngɨmnə̂ Fèzhə̀, fɨnə nə̂ kə èghɛ zɛ ə è kyiŋə nə ghâsènì ə nə̂.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Ipilù 13:18

Ghàyn e tsə̂mə̀ kə sê ghàs. Ghàs ke ndô nə təm ghasghe saʼa va ghàs, kûmə̀ nə ghàs kyiŋə kə sə̂ nə̂ eghɛ zɛ ə ze tsɔ̂fə̀ shîŋə̀ tekɨ̂m.

Ipilù 13:5

Kə ghàyn pomə nə kɔ̂ŋ ekɛze ə nyi ə ghàyn endam, ghàyn e nyi èsaŋnêzè è fɨa kɛ ə ghàyn kyi kûmə̀ nə Zhə̀fè ə tsɨ̀nə̀ nə, “M tə zâ va ghàyn nâʼà səkɔs, va se tə kyiynê ə ghàyn.”

Njə̂m 3:13

Ə wùə nyi ə ghàyn əfètəyn kyi ètɔfə eghaʼâzè, fɨnə zɨə kê ə̀ghɛ, è və tyə̀nə endam echûŋ zɛ ə è ndamə, sə̂ nə̂ ə̀ghɛ chûŋghè è ngɨmnêzè è kɨsè tɔf eghâʼazè.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

2 Pità 3:11

Kə se nyi se tə pofsê efɨa èkɨ̂m fa endom, ghàyn kyi sə̂ nyi èkyì əghɨ̀ ə̀kè? Ndam taynte kyi sə̂ nyi èŋwaʼze, mə ghàyn ə fo təynte sê Zhə̀fè,