1 Pità 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.

1 Pità 2:1 ပူးပေါင်းရင်းမြစ်များ

Matyò 15:7

Ghàyn ghɨ ekaŋkaŋa nə ghɨ̂yn! Fɨ̀aʼtè Èsayà tè nyi achûŋ kə è tè pì ghɛ zɛ ə Zhə̀fè tè tom vəyn nə,

Matyò 23:28

Kèpî famə endom nə vɨnə mə, ə pɨəyn ghàyn chwìtə̀ sê nâʼàpî ndè nə ghàyn nyîə zo, pîza ə fə̀təyn, ə̀ lwiyn kê èkaŋkaŋa nə ze è pi.

Matyò 24:51

Ə pɛ̀ èfɨ̀aʼ ə̀təyn tsɨfse vəyn nâʼà sə ŋaŋ. Ə è tsɨfse vəyn eghɨ kèpî kə è tsɨfsè ghɨə ə kaŋkaŋə nə. Fumə ə è və chîə kwɨlə ə̀sɔŋ.”

Matyò 7:5

Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.

Ŋwàʼlè ə̀ Mâk 12:15

Njisə̀s ə fe kê m̀nàŋ mə ghənə̂m, ə pfɨfə sê ghənə nə, “Ghàyn kyiŋnə̂ ècho zɨm kûmə̀ ghè? Ghàyn pəyn èkɛ akasve ə ghàyn tyəyn ə m fê.”

Tom èchùŋ kè kə Lûk tè nyaʼ 11:44

Ngəʼ èghaʼâ nyi sê ghàyn ghɛ ə ghàyn nyi kə teshyə̂ tɛ ə pfɨ̂mə̀ ghɨghe ətəyn, ə tàʼa ndə̀mə chwiə, ghɨghe ekwiə tsɛ̂ etu ətəyn, ke va.”

Tom èchùŋ kè kə Lûk tè nyaʼ 12:1

Ə̂ pə̀ kə Njisə̀s tè wàmnè ghɛ nə ghɨ̂nə̀, ghɨghe e zûŋtə̀ pə̀ kə setsɨ̀ setsɨ̀, e sè nyi kə ə kàʼa ə nyayle yiə, è və zhə̀tə̀ sè wàmnə̀ sê chùmtè èpàm sə vəynse piə nə, “Ghàyn tɔ̂ʼnə̀ kûmə̀ ghɨə Falàsîə ghɨ̂yn ə kaŋkaŋa nə̂ ghɛ nyi, ndam tə ghənə̂tè njiə əfètə̂ ə̀ ghɨ kè kə fèsə̀ʼ njiə əfètə̂ àpayn ə kwaŋa.

Tom èchùŋ kè kə Lûk tè nyaʼ 6:42

Ò kàʼa ò pi zayn sê ànɛ̂ nə, ‘tyəʼ m fɨse saʼlə̀ fə fe kâʼfè ə ghò eshi,’ mə ò kyi akûm ə gho e shi ə? Ghɨ ekaŋkaŋə nə ghɨ̂yn! Fɨse chì kôm ə fekàʼ kɛ ə ghò eshi, ə o nyi kàʼa ò fɛte fe se njiə fɨsê esaʼ ə fe kàʼ zə ànɛ̂ eshi.”

Njɔyn 1:47

Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”

Ŋwàʼlè ə̀ Pɔ̂l sê ghɨə Lûmghè 1:29

Ghənə nyi mə ə lwiyn èkyì tə ghɛ əpi tekɨ̂m kə; ətəm epighe, è fɨə ə shize, nyaŋə əghɨ əmɔ̀ʼɔ, kyi àghə̀ʼ, zhwiə ə̀ghɨ, kɔŋə̀ ètsôs, kɔŋə̀ sə chɔŋtə̂, lɛsə ə̀ghɨ, piə èfim.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

1 Kɔlìŋ 5:8

Nyiəmə, ə ghâsènì zhi zhia ə fetuʼ fe zaʼatsɛ nə fɨnə mə. Ghâsènì piə zhiə ndò, kə ghâsènì nə zhi è payn ə kwaŋ kɛ ə ke kyi fèsə̀ʼ fe mɨfe mə nyi pi, è kɨsè təm ə pighe, pîza ə ghâsènì pɨl zhi è payn kɛ ə ke kyi va fɨ̀sə̀ʼ mə ə̀ za nyi ə təmə zoghe è ghɛ zɛ e nyi səmɔʼ.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ɛfesùs 4:31

Ghàyn maʼa kwàʼtè epi nâʼà èkɨ̂m, è tɔŋ ezafəve è zɔ̂zè, è ndise, nâʼàpî èpof èkèze.

1 Tèsàlonikà 2:3

Chyatê zɛ ə ghàs chyatə ghàyn vachi kûmə̀ ètsas zhîze, è kwaʼtè epize, pî kûmə̀ nə ghàs mɔ̀msə̀ se lə̀ŋtə ghàyn.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

Njə̂m 3:14

Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

Njə̂m 4:11

Ghɔnyì ghɨmə, kə ghàyn ə wâmnə̀ ghɛ əpighe kûmə̀ ə̀ ghɔnyì ə mɔ̀ʼɔghe ə ghàyn ə fètəyn. Ə̀ pofsə pi ndè zə ànyìə vəyn kɨ̀sə è saʼa vəyn, ə ze ə tyə̂nə̀ nə è pìə èghɛ epi nə zɛ kûmə̀ Èsaʼ fɨnə saʼa kepî Èsaʼ ətəyn. Ə wùə saʼa Saʼze, ə nyi mə è ndə̀mə̀ va saʼ ətəynze, è pɨlə pîə nə saʼ ətəynze kyi va ghɛ zhîze se nə̀yn è vəyn.

Njə̂m 4:5

Ghàyn kwàʼtə̀ nə ŋwàʼlè ə Fèzhə̀ wamə ndò kə è pìə nə, “Zhə̀fè nyiə səmtə̂ nâʼà sə ŋaŋ nə zuʼ sɛ ə fe nyi mə fe ə ndə̀m ə ghâsènì ə fètəyn tsamte ghâsènì sə̂ kɔ̂ŋə̀ vəyn.”

Njə̂m 5:9

Kə ghàyn ə kwânə̀ sèngɨŋ saynse ə ghɔnyì ghɨmə kə Zhə̀fè tə tàʼa saʼ ghàyn. Zhə̀fè tyəm ke echò ndɛ nyi èpɨaʼtêzè se nji ə ndɛ.

1 Pità 2:16

Ghàyn e ndamə èndam zaynze kə əghɨ ghɛ ə va ekɔ̂s sê wùə vîvè, pîza kə ghàyn nji zɨnə mə se ndə̀tè ə pi ə ghàyn ə tendam; ghàyn pɨl ndam kə ekɔ̂s sê Zhə̀fè.

1 Pità 2:22

Ə nyàʼ ə Ŋwàʼlè ə̀ Fèzhə̀ nə, “È tè paʼà nə̀yn ghɛ epi zhîze, ə tàʼa tyəmə wam akaŋ nâʼà səkɔs.”

1 Pità 3:10

E nyi nyî kûmə̀ nə ə nyàʼ ə Ŋwàʼlè ə̀ Fèzhə̀ nə: “Ə wùə kɔ̂ŋɔ̀ sə̂ ndamə àchûŋ, fe kə ghɛ əchûŋghè kyànə̀ sê vəyn shîŋə̀ tekɨ̂m, kə è və wâmnə̀ wâmnè epize, kə è və wâmnə̀ wâmnè akaŋze.

1 Pità 4:2

Famə endom, ə ghàyn tə tàʼa ndamə mɨ̀sè endam zaynze fâ əchi endom vɛ ə njà sewìynse kyiŋə, ə ghàyn ə pɨlə ndamə kè kə̂ Zhə̀fè kyiŋə.

1 Pità 4:4

Zôyn, ghɨ ghɛ ə ghe ke va Zhə̀fè nyi è kaynze nə ghàyn fɨyn va əmɔʼ sə ndamə kə senyam sə mbvɨyn sɛ ə vayn kàʼa chise. Zɨnə mə ə nə̀yn, ghənə ghɛ ə kɛse sè sôylə̀ ghàyn.

Etyə̂yn ə paynsêzè 14:5

Ə pâʼà tyəmə̂ kê ghənə kə əghɨ ewamə nə akaŋghe, kyi va tsasze.