1 Pità 1:22 - Ŋwàʼlè ə̀ Fèzhə̀ Mkâyn Mə̂ Fèm

²² Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 1:22 ပူးပေါင်းရင်းမြစ်များ

Njɔyn 15:17

Ə kɨnə nyi alâŋ kɨma nə, ghàyn kɔŋ ngɨŋ saynse.”

Njɔyn 15:3

Ghàyn kàyne nyi ndò ezoze kûmə̀ èzaʼlê zɛ ə m zaʼlə sê ghàyn.

Njɔyn 17:17

Nə̀yn nə ghənə zo kwəynə̂ tɔynə̂ səmɔʼ Zɛ̂zè. Kyə̀ Zɛze nyi səmɔʼ.

Njɔyn 17:19

Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.

Ətefɨ̂aʼ 15:9

Fe paʼà tyə̀yn sə nɨŋ sê ghâsènì è ghənə. Fe ə lɛ̀sè fo pisə ghənə̂sè kûmə̀ nə ghənə ə pomə̂.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 2:8

Pîza ghɨə mɔ̀ʼɔ kwaʼtə̀ kə se ngɨŋ sə ghənə̂sè, tə se pomə̂ nə ghɛ zɛ ə Zhə̀fè pìə nyì səmɔʼ, ghənə e nə̂ ə̀ghɛ ghɛ ə Zhə̀fè pìə nə ghe tsɔ̂fə̀ va. Zhə̀fè tə tyə̂nə̀ ènyɔ̂ʼsè etɔŋ ə vəyn sê kyì əghɨ̀ nə ghɨ̂yn, ə È pɔynse ghənə.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Ngàleshyà 3:1

Ngôə ghɨə Ngàleshyà vɨ̀nə! Ə lɔʼ ndô ghàyn nə? Piə ə tə fɛte tyə̀yn mɨsè se ghàyn kə ə tè paynte Njisə̀s Klâys ə awâmnè ə?

Ngàleshyà 5:5

Zuʼsə Fezhə̀sè tɔynə̂ ekyî epomə̂zè nyîə nə̂ nə ghàs ə kyi ke èkwaʼtè se tə nə̀yn sə nyi chichi ə Zhə̀fè əshi.

Ngàleshyà 5:7

Ghàyn tè kwiə kə nâʼà endom echûŋ. M ke va nə ə̀ tè fɨyn tâsè ghè ghàyn nə kə ghàyn kyi faŋsê èghɛ zɛ ə ze nyi səmɔʼ ə?

Ɛfesùs 4:3

Ghàyn momse nâʼà è tyaʼa se faŋə kə afɨa àmɔ̀ʼ kɛ Zuʼse Ŋwaʼase fɛte ghàyn sətəyn tɔynə̂ ə pɔ̂ynè zɛ ə è tsɨ̂yntə̀ ghàyn.

Filìpây 1:9

M tsə̂mə̀ nə Zhə̀fè nəyn kɔ̂ŋ zɛ ə ghàyn kyi sê ngɨŋ saynse è kɨsè sê Zhə̀fè, ə zə ndəmə̂ ndûə kə əshi. M tsə̂mə̀ kəpi nə ghàyn ə ke ə̀ghɛ ghɛ ə ghe nyi səmɔʼ kûmə̀ Fèzhə̀, è kɨsè nə ghàyn ə ke sənɨŋ ə tə̂ èghɛ zɛ ə̀ nyì ze chûŋzè è zɛ ə̀ nyì ze pize.

1 Tèsàlonikà 3:12

Ghàs tsə̀mə̀ kəpî nə Pɛ̂pɛ nəyn ə kɔ̂ŋ zɛ ə ghàyn kyi sê ngɨŋ saynse, è kɨsè sê ghɨə mɔ̀ʼɔghe əkɨ̂m ə ndəmə̂ ndûə kə ndò, kèpî kə zɛ ə ghàs kyi sê ghàyn.

2 Tèsàlonikà 1:3

Ghàs kyi sə̂ fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn ə ghɔnyìə. Ə̀ nyì ke nâʼà èghɛ echuŋzè kə ghàs nə̂ nyi kûmə̀ nə kyî epomə̂ zaynze sê Klâys ndəmə̂ ndûə kə èshike, kɔ̂ŋ zaynze sê ngɨŋ saynse e fɨnə ndəmə̂ ndûə kə èshike.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

1 Timotì 1:3

M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

1 Timotì 1:5

M pìə èghɛ nə zɨ̂yn sê ghò kûmə̀ nə m kyiŋə nə ghɨə pomə ə kyi èkɔ̂ŋ zɛ ə ze fɨ ə təm ə zoghe, mə təm ə ghənə̂ghè saʼa va ghənə fɨyn kyi èkyî èpomə zɛ ə ze nyi səmɔʼ.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

1 Timotì 5:2

Ò njîə ə̀zəyn ə nduməghe kə nyì ghɛghe, njìə sèngɔ̀yn kə ghɔnyì ghɛghe zəynghe. Kə ò nə ndəʼ kwaʼtè se nə̀yn ə pi ghâyn ghə̀ ghənə nâʼà endom vîve.

2 Timotì 1:14

Zuʼse Ŋwaʼa sɛ ə se nyi ə ghâsènì əfètəyn nə̀ tsâmtə̀ ghò se fo atyaʼ kə ò fɛte kyî ə̀ghɛ ə chûŋ ghɛ ə fo sê ghò.

Ipilù 11:8

Ə̀ tè nyi tɔynə̂ ekyî epomə̂zè kə Aplàghâm tè zɨ sê Zhə̀fè kə fe tɔŋə vəyn nə è ndu endaʼ zɛ ə Zhə̀fè tsɨ̀nè nə fe nə̀ fo sê vəyn. È və zɨə ə ndò ndûə nyiəm ke pî va ndaʼ ətəynze.

Ipilù 13:1

Ghàyn ndu ke èshike sə̂ kɔ̂ŋɔ̀ sèngɨŋ saynse kə ghɔ nyìə.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.

Njə̂m 4:8

Ghàyn pə̀yn paʼse sê Zhə̀fè kə fe pə̀yn paʼse sê ghàyn. Ghɨ əghɛ piə ghɨyn! Ghàyn shù gho ghaynghe əghɛ piə! Ghàyn ghɨ kaŋkaŋə nəghe, ghàyn e kwâʼtə̀ kə ə̀ghɛ ə chûŋghè!

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 2:17

Ghàyn e ngɨmnə̂ kə əghɨ ə̀kɨ̂m, kɔ̀ŋɔ̀ sèngɨŋ saynse kə ghɨ ə pomə, fânə̀ Fèzhə̀, fɨnə ngɨmnə̂ Fɔ̀yn Èghaʼâ vɛ ə è saʼa ghàyn.

1 Pità 3:1

Zənə ghàyn pɔŋ tsosê sèngɨŋ saynse əchi sə̂ zɨə sê ndom ghaynghe. Ə ghàyn nə̀ nyi, ə ndam techûŋ taynte kaʼa ə te nəyn ə ndom ghayn ghɛ ə ghe tàʼa nyìəmə pomə, kwiyne təm ə ghənə̂, ə pomə sê Zhə̀fè ndɔ̀ʼɔ ghàyn fɨyn pi pî èghɛ sê ghənə,

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.

2 Pità 1:7

pî kə ghàyn nə̀ Zhə̀fè e saŋnə̂, ghàyn e kyi àshîŋə̀ əghɔ nyì ghaynghe, famə ashìŋə̀ kɛ ə ghàyn kyi sè ghɔnyì ghaynghe, ghàyn e kyi kepî èkɔ̂ŋ.

1 Njɔyn 3:11

Ə̀ zɨ̀nə nyi tom zɛ ə ghàyn tè zɨ ə zhə̀te nə, ghâsènì ə kɔ̂ŋə̀ sèngɨŋ sə ghasènìse.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.

1 Njɔyn 4:12

Wùə pâʼà tyəmə̂ fe Fèzhə̀, pîza mə ghâsènì kɔ̀ŋɔ̀ ngɨŋ sə ghasènìse, ə Zhə̀fè ə nyi sə afɨa àmɔ̀ʼ ghasènyìə ghə ghənə, kɔ̂ŋ ə Vəynze e nyi mə zə lwiyn ə ghâsènì endam.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.

Etyə̂yn ə paynsêzè 2:4

Pîza, m ghâmə̀ ghò kûmə̀ èghɛ èmɔ̀ʼ, ze nyi nə ò fɨnə kɔ̂ŋɔ̀ va mi kə ghàyn tè kɔ̂ŋɔ̀ sə shi.