1 Pità 1:2 - Ŋwàʼlè ə̀ Fèzhə̀ Mkâyn Mə̂ Fèm

² Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 1:2 ပူးပေါင်းရင်းမြစ်များ

Matyò 24:22

Pîza Zhə̀fè nyi mə è və fàftè tuʼ mə ètsòs nə mɨ̂yn. Ə È tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə È chɔʼ ndə̂m È tə fâftə̀ mtuʼ nə mɛ.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Ŋwàʼlè ə̀ Mâk 13:20

Pîza Pɛ̂pɛ nyi mə è və fàftè tuʼ mə ètsòs nə mɨ̂yn. Ə è tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə è chɔʼ ndə̂m, è və fàftè tuʼ nə mɛ.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Ŋwàʼlè ə̀ Mâk 13:27

È tə tomə sètsì sə vəynse ə tepòlə̀ tə mbi tekɨ̂m nə se kwi zùŋtè ə̀ghɨ ghɛ Zhə̀fè chɔʼ ndə̂m, se ndò ə epòlə mbize emɔ̀ʼ se nduə tàyn ətə̂ zə mɔ̀ʼɔze.

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

Ətefɨ̂aʼ 15:18

Ə̀ tè nəyn mi kə ghɨghe ə ke ə̀ghɛ nə ghɨ̂yn nâʼà sə mɨ.›”

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

Ŋwàʼlè ə̀ Pɔ̂l sê ghɨə Lûmghè 11:28

Ghɨ Njûsghè ə kwiynsə̂ se zɨə tom èchùŋ nə zɨ̂nə̀, zɨnə mə ə nə̀ ghənə e nyi sèpàyn sə Fezhə̀sè. Ghɛ nə zɨ̂nə ə nə̀yn Zhə̀fè fɛ Fe sɔ̂zâ ghàyn ghɨ ghɛ ə ghàyn vachi ə̀ghɨ ə Njûsghè, pi kə ze nyi za, Zhə̀fè ə chitê ghɨə Njûsghè ə pa kɔŋə̀ ghənə kûmə̀ m̀kâyn mɛ ə è tè zhi yîghə̀ pɨ̀a pɨ̀a ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 16:19

Ghɨ ghəkɨ̂m ə zɨ ndom vɛ ə ghàyn nyiəmə ə tyə̂m ətəyn se zɨ eghɛ ə Fezhə̀zè, zɨnə mə e nə̂ nə mə saŋnə̂. M kyiŋə nə ghàyn ə tɔfə sə nə̂ ə̀ghɛ ə chûŋghè, kiva ghɛze se nə̀yn è pi.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

Ŋwàʼlè ə̀ Pɔ̂l sê ghɨə Lûmghè 8:33

Ə̀ tə pîə ndè nə ghɨ ghɛ ə Zhə̀fè chitê nyi mə ə pfɨ̀ saʼa? Ə̀ pi Fezhə̀ è ngɨŋə̂ vəyn nə ghâsènì nyi əghɨ ghɛ ə ghe nyi chichi ə və shi.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

2 Kolìŋ 10:5

Ghàs pofsə̂ èsaʼnê, è wâmnè tə eghaŋsə nə ewìyn tɛ ə te nə̂ nə kə ghɨə ke Zhə̀fè. Ghàs chisə tèkwâʼtè tə ghɨ̀tè, nə̂ nə ghənə ə nə̂ ə̀ghɛ endom vɛ ə Klâys kyiŋə.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Ipilù 10:22

Kə ze nyi nyî, ə ghâsènì pəyn paʼsê ə Zhə̀fè ə ngwùŋ è təm ə səmɔʼghe, èkyî epomə̂ ə səmɔʼze, è təmghe mə ə shù zosê ə tə̂ ghɛ ghɛ ə ghe saʼa ghâsènì, è wîyn mə ghasènîəm mə ə shù ə mmò mə̂ èzomè.

Ipilù 11:28

Ə̀ tè nəyn ekyî epomə̂zè nə è zhə̀te zhia azaʼa tsɛke, ə tsà sê ghɨə Isìlâyghè nə ghənə zɔʼ ndə̂mə̀m ə ghənə mkwaʼsè mə sè ndɛm kə tsì èpofsə zɛ ə è tè kwìə zhwitə̂ ə̀ghɔyn endômə̀ ə ghɨ̀ghə shighe nə tàʼa zhwi əghɔyn endômnè ə shi ə ghɨ̀ ə Isìlâyghè.

Ipilù 12:24

Ghàyn ə pə̀yn sê Njisə̀s vɛ ə è tè pɨaʼte kàyn mə èfɛ̂m. Ghàyn ə pə̀yn ə mndəm mə Njisə̀s mɛ ə tè wə mə ə m̀ tsɨ̀nə̀ fɨa echûŋve tsɨ̂ə tsɛ̂ àfɨa kɛ ə ndə̂m mə Apɛ̀lmè tè tsɨ̀ne.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

1 Pità 1:14

Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.

1 Pità 1:19

Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

2 Pità 1:2

Ə fùʼ ə Fezhə̀kè è pɔ̂ynè ə nyi sê ghàyn nâʼà sə ŋaŋ kûmə̀ nə ghàyn ke ndô vəyn, fɨyn ke Pɛ̂pɛ ə̀ ghâsènì Njisə̀s.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.

2 Njɔyn 1:13

Ghɔ ànɛ̂ vê zhɔyn vɛ ə Zhə̀fè chɔʼ zâ tomə ètɔŋtê sê ghò.

Njût 1:2

M tsə̀mə̀ nə Zhə̀fè ndu ke èshike se fo ghàyn èkosê esəynze, è pɔ̂ynè, è kɔ̂ŋzè setsɨ̀ setsɨ̀.