1 Pità 1:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Piə ghàyn piə ə tsə̂mə̀ sê Zhə̀fè, ghàyn e tɔŋtə̂ vəyn nə Pɛ̂, ə nyi vəyn vɛ ə è saʼa ghɨghe əkɨ̂m, saʼa zâ, saʼa nâʼàpî ndè kè eghɨ ə ghɛ ghɛ ə ghənə nə̂yn. E za tyə̀nə̀ nə ghàyn kyi sə̂ kɔʼse vəyn nâʼà sə ŋaŋ kə ghàyn pa ndamtə̂ kɔʼɔ fa əchi.

1 Pità 1:17 ပူးပေါင်းရင်းမြစ်များ

Matyò 6:9

Ə̀ vɨnə nyi endom vɛ kə ghàyn ə tsə̂mə̀ ətəyn: Zhə̀fè, Pɨ̀a vâs vɛ ə è nyi ekwùtwəyn: Ə kɔʼsêzè ə nyi èzə zɛze,

Filìpây 2:12

Ghɔnyì ghɨmghe kɔ̀ŋghè, ghàyn tè nyiə zɨə èghɛ zɛ ə m tè pìə kə m tè nyì ghâsènì. Pi zôyn kə m va ə ghàyn ə ngwùŋ, e nyîə ngəsə̂ tsɔ̂fə̀ nə ghàyn nəyn fɨ̂aʼ zɛ m tè pi nə ghàyn nəyn. Ghàyn e kyi èfâyn ə ghàyn ə fètəyn, tsosə̂ sèngɨŋ saynse əchi ə Və shi. Ghàyn momse nâʼà ètyaʼke se nə̀yn efɨaʼ zɛ ə Zhə̀fè kyiŋə nə ghàyn nəyn kə sɔza zɛ ə ghàyn nyi mə ə kyî ə nyi mə ze ə lwiyn kwəyn.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Ɛfesùs 1:17

M pîə m tsə̀mə̀ nâʼàpî ashìŋə̀ àkè, m chyatə̂ Fèzhə̀ Pɛ̂pɛ ə ghâsènì Njisə̀s Klâys, mə za nyi Pɨ̀a vɛ ə è kyi tyaʼa nə è fo Zuʼsə vəyn sɛ ə se fo tɔfe fɨnə tyə̂nə̀ paynsə̂ ə̀ghɛ kayntə ə vəynghe kə ghe nəyn ə ghàyn ə fɛte ke vəyn.

Ngàleshyà 2:6

Ghɨ ghɛ ə tè njìə sə etu fumə tè paʼà fɨyn kyi ghɛze se kwəynsê etùə èghɛ zɛ m zaʼlə. Kə ghənə tè nyì pî ètu kɨ̀sə ghənə tè va, ze mə tyə̂nə̀ va ghɛ zhîze sê mi kûmə̀ nə Zhə̀fè kɔ̀ŋə̀ va wùə ə̀ mɔʼɔ, panə̀ vîvè.

Ŋwàʼlè ə̀ Pɔ̂l sê ghɨə Lûmghè 11:20

E nyi səmɔʼ. Ə tè fɨafte tsɨsè fu kûmə̀ nə ghənə tè paʼà pomə, ə fɨnə pasə̂ ghàyn fu ewìyn ə fekàʼ kûmə̀ nə ghàyn tè nyi mə ghàyn ə pomə̂, pîza, ghàyn kyi va sə̂ pfɨnə̀ àngàŋtè. Ghàyn e pɨlə fânə̀.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Kòlosè 3:25

Zhə̀fè tə pɔynsə̂ nâʼàpî ndè vɛ ə è nə̀yn pi, ə naʼapi pi èkè zɛ ə è nə̀yn. È tɔ̀ʼɔ̀ va wùə vîvè.

Ɛfesùs 6:9

Pɛ̀ efɨ̀aʼghè, ghàyn e pɔŋɔ fɛtə kyîə ə̀ghɨ fɨaʼa ghaynghe. Kə ghàyn nə kwayntə ghɛ sê ghənə. Ghàyn e ke nə wùə vɛ ə è nyi pɛ̀ èfɨ̀aʼ sê ghàyn əkɨ̂m nyi ekwùtwəyn, njîə nâʼàpî ndè kè eghɨ.

Ɛfesùs 3:14

Ə̀ za nyi eghɛ zɛ ə ze nə̂yn m vɛ m tɨm ndzɨs ghɨmə ə Pɨ̀a ə shi tsə̂mə̀ sê ghàyn,

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.

2 Kolìŋ 5:6

Ə̀ za nyi eghɛ zɛ ə ghâsènì ngɛse kyi ə̀təm. Ghâsènì ke ndô nə ə ghâsènì nyì ke fayn ewìyn, ə ghâsènì ə nyi nâʼà è ghafke sê Zhə̀fè.

2 Kolìŋ 1:2

Ə Zhə̀fè, ə Pɨ̀a sê ghâsènì yî Pɛ̂pɛ Njisə̀s Klâys fo fùʼ ə Vəynke sê ghàyn è pɔ̂ynè.

2 Kolìŋ 7:11

Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.