1 Pità 1:12 - Ŋwàʼlè ə̀ Fèzhə̀ Mkâyn Mə̂ Fèm

¹² Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

1 Pità 1:12 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 15:10

M piə sê ghàyn nə, ə wùə èpi emɔ̀ʼ pə̂ynsè təm ə vəynghe ə kɛse ndùə sê Zhə̀fè, tsì sə vəynse esaŋnə̂ kəpi zâ.”

Tom èchùŋ kè kə Lûk tè nyaʼ 2:26

mə Zuʼse Ŋwaʼase ə tə tyə̀yn sê vəyn nə è tə kwuə va ə̀ tsɛ̂ kə va mə è və fe wùə vɛ Pɛ̂pɛ tè se nyi mə è və chɔʼ se tom.

Tom èchùŋ kè kə Lûk tè nyaʼ 9:6

Ghɨətom ə vəynghe ə fɨə kwiə ndùə kə ə tə̀ʼ ə tə̀ʼ, ndàʼà ndùə tom èchùŋ, fɨnə tsuʼə ə̀ghɨ naʼapi ghayn ə ghənə fe.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Ətefɨ̂aʼ 10:44

Kə Pità tè pa wâmnə̀, Zuʼse Ŋwaʼase ə tso pə ə nâʼà pî ndè ətu vɛ ə è tè zɨtə wâmnè ə vəyn.

Ətefɨ̂aʼ 16:10

Kè kə Pɔ̂l tè fe ghɛ nə ghɨ̂yn ə telaynəlayn, ghâsè ghə̀ ghənə ə pɨaʼtə̂ kə sə ashìŋə̀ nə kɛ se tyàŋà ndù endaʼ ə Màsèndonyàzè kûmə̀ nə ghàs ə tə fe nə Zhə̀fè kyiŋə nə ghàs ndu ndaʼà tom èchùŋ sê ghənə fu.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 4:8

Ə̀ tè nyi za Pità e nyi mə è və lwiyn è Zuʼse Ŋwaʼase. È və pə̀ynsə̀ sê ghənə nə, “Ghɨə chisəghe è chəʼ sendaʼse,

Ətefɨ̂aʼ 8:25

Ə̀ tè se nyi kə Pità yî Njɔyn tsâyn mɨ̂sè ghɛ ghɛ ə ghənə ke kûmə̀ tom ə̀ Pɛ̂pɛ, ghənə ə kɛsə kwɨlə ə Njèlusalɛ̀m, ə piə ə kwɨlə ndò sè fɨnə ndàʼà kwɨlə̂ ndùə kə tom èchùŋ ə setə̀ʼ se tsɨəse apàs endaʼ ə Sàmalyàkè.

Ŋwàʼlè ə̀ Pɔ̂l sê ghɨə Lûmghè 1:15

Kûmə̀ zɨnə mə, wiyn vɨmve nyîə nyûŋnə̀ kəpî nə m ndaʼa tom èchùŋ sê ghàyn ghɛ ə ghàyn ndamə ə Lûm.

Ŋwàʼlè ə̀ Pɔ̂l sê ghɨə Lûmghè 1:17

Ə̀ nyi fâ ə tom èchùŋ ə Zhə̀fè tyə̀ paynsə̂ kə è nə̀ ghɨghe e nyi chichi ə və shi. Ghɨə nyi chichi ə Zhə̀fè əshi kûmə̀ èpomə̂ zɛ ə ghənə kyi. E nyi nyiəmə kə nyi mə ə nyàʼ ə ŋwàʼlè ə̀ Fezhə̀ nə, “Wùə vɛ ə è nyi chichi ə Zhə̀fè əshi kûmə̀ èpomə̂ zɛ ə è kyi.”

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

1 Kɔlìŋ 2:10

Pîza ə̀ nyì sê ghâsènì ghɛ ə Zhə̀fè nyi mə fə nə̀yn Zuʼse ə Vəynse sɛ se tyə̂yn paynse ghɛ ə ndətə ə vəynghe sê ghâsènì. Ghɛ zhîze va ə Zuʼse ə Fezhə̀sè vayn kaʼa se faŋ se kê. Zuʼsə Fezhə̀sè ke kepî ndò ghɛ ghəkɨ̂m ghɛ ə Zhə̀fè tè pɨaʼte sê ghɨ ghɛ ə ghe kɔ̂ŋə̀ vəyn.

2 Kolìŋ 1:22

È və ndə̀m chwìə ə̀ Vəyn ə ghâsènì ewìyn, ə fo Sèzuʼ se Ŋwaʼase ə ghâsènì ətəm se tyə̀yn nə Fe tə fo mɨ̂sə̀ èfɨa vɛ ə Fe tsɨ̂nè.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Ngàleshyà 1:12

M tè pâʼà zɨ tom nə zɨ̂yn sê wùə m̀sɔŋ, pî nə wùə zaʼle zə̂ynzè se mi. Ə̀ tè tyə̀n paynsê Njisə̀s Klâys è zə̂ynzè se mi.

Ngàleshyà 1:16

se tyə paynsə̂ Va vəyn sê mi, kə mə ndaʼà tom èchùŋ se ghɨ ghɛ ə̀ vachi ə̀ghɨ Njûsghè, m tè paʼà ndù nə wùə təfte mi.

Ɛfesùs 3:10

ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 11:13

Ghɨ nə ghɨnə nâʼà ə̀kɨ̂m tè nyîə kyi èkyî epomə̂zè sê Zhə̀fè se nduə zaʼâ kə ghənə kwu. Ghənə tè paʼà kyi fɨa kɛ ə Zhə̀fè tè tsɨ̀ne pîza, ə̀ tè nyì sə aghaf tsɔ̀fə kə ghɛ zɛ ə Zhə̀fè tè tsɨ̀ne nə ze tə kyaynə̀ kyayn, ghənə tè nyiə ke èghɛ zɛ ə ze nə̀ kyaynə̀ ə pomə̂ zəynze. Ghənə ə tə wàmnè kè nâʼà è cho ghənə̂ghè ə pìə nə ghənə nyi fa chi kə ghɨ etumə è kə ghɨ ghɛ ə chûm ə ghənə endaʼ.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

Ipilù 4:2

Ghâsènì se nyi mə ə zɨ tom èchùŋ kèpi èghɨ kə pɨ̀a ə ghasènìghe tè zɨ elùʼ ashəshəve. Ghənə tè zɨ nâʼà pî za, è zə tàʼa tsàmtè ghənə kûmə̀ nə ghənə tè zɨ ə tàʼa pomə̂ èkyî epomə̂zè.

1 Pità 1:25

pîza ghɛ ə Pɛ̂pɛze tə ndamə faŋə.” Ghɛ ə Fezhə̀ nə zɨnə mə nyi tom èchùŋ zɛ ə tè ndàʼa sê ghàyn.

1 Pità 4:6

Ə̀ za nyi eghɛ zɛ ə tè pɔŋ tsayn tom èchùŋ nâʼàpî se ghɨ kwutəghe, pî kə ghɨ ə pighe nyi mə ə saʼ ghənə, ə pìə nə ghənə ə pfɨ̀ saʼ, pîza zuʼsə Fezhə̀sè tə nə̂ ə ghənə kyi ndamze mə ze tə mîə va.

Etyə̂yn ə paynsêzè 5:11

Mə ke piə m naynə̂ ndò ə zɨə sèkyə sə setsìsè, kamse etûə sèkam, è mâlàmsè. Ghənə tè nyi mə ə tyəm ə kyìŋə̀ nga fèkyə̂ fə efɔ̀yn fɛ, paʼsə̂ è fɨa endamə vɛ è kwàʼ è chəʼ sɛ.