1 Njɔyn 5:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghe nyi kepî ə̀ ta ə ghe tyəmə tsɛ̀ èsaʼ fa chi, ə Sezuʼ, è môm è kɨsè ndə̂mə̀m. Ghɛ nə ghɨnə mə ə ta e pomə̂ èghɛ èmɔ̀ʼ ghâsènì kê səmɔʼ kûmə̀ Njisə̀s kûmə̀ nə Zuʼse tsâ ndò sê ghâsènì, ghâsènì nyîə ke nə ə tə fo môm sê Njisə̀s è môm, È və sɨ̀sə̀ m̀ndəm mə vəynm̀ kə È tè kwu. Ndom tɨ̀nə tèta tyə̂nə̀ nə Klâys nyi Vâ ə Fèzhə̀.

1 Njɔyn 5:8 ပူးပေါင်းရင်းမြစ်များ

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Ŋwàʼlè ə̀ Mâk 14:56

Ghɨ ətsɨəghe e wamtə̂ èkwaŋ ə Njisə̀s ətu, pîza wâmnè ə ghənə̂zè e kwəynə̂ va.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 19:34

Sokə̀ʼ vîvè èmɔ̀ʼ ə pɨlə njîə èghɔŋ ə tsuʼə pùʼə̀ etipìə Njisə̀szè, kè sə ashìŋə̀, ndə̂m è môm ə pɨ̀a fɨə.

Ətefɨ̂aʼ 15:15

Ghɛ nə ghɨnə̀ ə nə̀yn nə ghɛ zɛ ə fɨ̀aʼtèsè tè pi kwəyn. Ə nyi mə ə nyàʼ nə,

Ŋwàʼlè ə̀ Pɔ̂l sê ghɨə Lûmghè 8:16

Zuʼsə Fezhə̀sè tsɨ̂yntə̀ ngɨŋə̂ vəyn è zuʼsə ghasènìse, se tsàyn nə ghâsènì nyi ə ghɔ Fezhə̀ghè.

2 Kolìŋ 1:22

È və ndə̀m chwìə ə̀ Vəyn ə ghâsènì ewìyn, ə fo Sèzuʼ se Ŋwaʼase ə ghâsènì ətəm se tyə̀yn nə Fe tə fo mɨ̂sə̀ èfɨa vɛ ə Fe tsɨ̂nè.

Ipilù 13:12

E za nyi kepî èghɨ kə Njisə̀s tè fe tsôsvè ə kwuə etipì ə tɔ̂ŋ èghaʼâ ə̀ Njèlusalɛ̀m, kə è shu zosê sèpi sə ghɨ̀sè è ndə̂m mə Və̂ynmè.

Ipilù 6:4

E pɔynə̂ va se ghɨ ghɛ ə nyi mə ə tə kyî chi payn ə Fezhə̀zè, ə mɔ̀mə̀ zɨə è fo ə Fezhə̀zè, ə fɨnə kyiə Sèzuʼ se Ŋwaʼa ə Fezhə̀sè,

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

1 Njɔyn 5:9

Ghâsènì pomə̂ ndò ghɛ ghɛ ə ghɨ pîə, pîza zɛ ə Zhə̀fè piə, e tsɛ̂ ndò zə wûəzè. E nyi nyiəmə kûmə̀ nə ə̀ nyi Fezhə̀ ə Fe tsâ sê ghâsènì è ngɨŋə̂ Vəyn kûmə̀ Vâ vəyn.