1 Njɔyn 5:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

1 Njɔyn 5:20 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Tom èchùŋ kè kə Lûk tè nyaʼ 21:15

kûmə̀ nə nâʼà mi tə fo ewâmnè è tɔf eghaʼâzè sê ghàyn, ə wùə tàʼa kyàyn se kɔ̀psè əghɛ nə ghɛ ə ghàyn piə.

Tom èchùŋ kè kə Lûk tè nyaʼ 24:45

È və wàmne za e paynsə̂ mɨ̂sè etu ghənə kə ghənə zɨ ke əghɛ ghɛ ə ghe nyi ə Ŋwàʼlè Fèzhə̀,

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 10:30

Pɨ̀a è Mi nyi ke sə eghɛ èmɔ̀ʼ.”

Njɔyn 14:20

Shìŋə̀ kɛ ə tuʼfə təynfe tə pə̂, ə ghàyn ke nə M nyi ə Pɨ̀a vɨ̂mvè ewìyn, è kɨsè nə ghàyn nyi ə Mì ewìyn kè eghɨ kə M nyi ə ghàyn ewìyn.

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 14:9

Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?

Njɔyn 15:4

Ghàyn e nyi ke sê Mi, kə mə pɔŋ nyi ke sê ghàyn. Twɔmve vayn tsɨ̀ynə muə ngɔyn ə fèkàʼ sə vəyn və ngɨŋ, ve kaʼa ve nəyn ke zɨnə mə ezhoghɛ ve faŋ ə fekàʼ. Ngɔnə̀ fèkàʼ vayn mu etwɔm sə zə̂ynzè ə ngɨŋ ə̀ tsɛ̂ kə va mə è zə zùŋ ə nyìə fèkàʼ. E nyi kepî èghɨ nə ghàyn vayn mu etwɔm ə̀ tsɛ̂ kə va mə ghàyn zùŋ ə mì ewìyn.

Njɔyn 17:14

Mə tə tsàyn tom Zɛ sê ghənə, ghɨ ə mbighe e sè panə̀ ghənə kûmə̀ nə ghənə va kə ghɨ mbiə, kèpî eghɨ kə M va kə wùə mbi.

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 20:28

Tɔ̀mɔ̂s ə pìə se Vəyn nə, “Pɛ̂pɛ Vɨm, Zhə̀ fɨmfe!”

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ɛfesùs 3:18

kə ghàyn ə tsɨ̂yntə̀ tɔfə kwəynə̂ ghâynghə̀ ghɨə Fezhə̀ mɔ̀ʼɔ sə̂ ke nə kɔ̂ŋ ə Klâys zə zhamə kə luʼte kɨ̂m.

Filìpây 3:9

M mə nyi fɨake amɔ̀ʼ ghasè Vəyn. Ə̀ vachi se chùmtè alâŋ ə ze nə̂yn mi nə mə nyi chichi ə Zhə̀fè əshi, pîza m nyi chichi ə Zhə̀fè əshi kûmə̀ nə mə pomə̂ Klâys, mə ə̀ nəyn Fezhə̀ nə mə nyi chichi kûmə̀ nə mə pomə̂ Klâys.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Taytùs 2:13

kə ghâsènì lɨmtə è kwâʼtè elɨmtəze tuʼ fe kayntəfe kə pomsê ə Fezhə̀ fə ghâsènì fe ghaʼâfè è sɔ̀zà Njisə̀s Klâys tə pə̂.

Ipilù 1:8

Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.

1 Njɔyn 2:23

Ə̂ kwiynse pîndè Vayn, ə nyi mə è və kwiynsê kepî Pɨ̀a. Pîza ə̂ pomə pîndè Vayn, ə nyi mə è və pomə kepî Pɨ̀a.

1 Njɔyn 2:24

Ghàyn kyi se faŋə kə ezaʼlê zɛ ə tè zaʼle ghàyn ətəyn ə zhə̀te. Ə ghàyn nə̀yn nyiəmə, ə ghàyn faŋ sə afɨa àmɔ̀ʼ ghâyn ghə̀ Vayn, è Pɨ̀a.

1 Njɔyn 2:6

Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

1 Njɔyn 4:2

Ghɛ zɛ ə ghàyn kaʼa ə ghàyn nəyn se ke nə wùə kyi tê Sèzuʼ sə Fezhə̀ nyi nə, nâʼàpî ndè vɛ ə è pì nə Njisə̀s Klâys te pə̀yn ə mbi ewìyn ə wûə m̀sɔ̀ŋve, ə nyi mə è nyîə kyi Sèzuʼ sə Fezhə̀ sè.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

1 Njɔyn 5:15

Kə ghâsènì se ke nə è zɨə ndò ghâsènì, nâʼàpî èghɛ èkè zɛ ə pfɨf, ə ke kepî nə è nə̀ fo ndò sê ghâsènì.

1 Njɔyn 5:18

Ghâsènì ke ndô nə ghɔ Fezhə̀ vayn kàʼa ə nə̂ ndùə kə pi, kûmə̀ nə Va Fèzhə̀ tɔ̀ʼnə̀ ndò è ghənə, mə wùə èpi vayn kàʼa è nəyn ghɛ epi zhîze sê ghənə.

1 Njɔyn 5:5

Ə̀ nyiə kàʼa ə̀ tɨm zhi ndè mbi ə? Ə̀ nyì ke vɛ ə è pomə nə Njisə̀s nyi Va Fèzhə̀.

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!

Etyə̂yn ə paynsêzè 19:11

Mə fe èkwutwəynve mə ə chwìe, mə fe àkenyàm efɨfəkè fumə ə mì əshi. Ə tè tɔŋtə wùə vɛ ə è tè nyɨŋə etûə ə̀təyn nə, Fɨ̂aʼ e təmghe əkɨ̂m, è nə Pì səmɔʼ. È tè nyi chichi endom vɛ ə è saʼa ghɨghe ətəyn, è kɨsè endom vɛ ə è tè no ghɔŋze ətəyn.

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.

Etyə̂yn ə paynsêzè 6:10

Ghənə ə pɨa nâʼà è kyə̀ ètɛ nə, “Pɛ̂pɛ, Pɛ̀ Àtyaʼ Akɨ̂m, ò nyi èŋwaʼve, wâmnə̀ səmɔʼ! Ò nə̀ tsɨsə tânə̀ zàyn tsɔ̀fə kə ò saʼ ghɨ ghɨ̀nə̀ ə chi se fo etsôs sê ghənə kə ghənə tè zhwite ghàs ə?”