1 Njɔyn 5:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ə ghâsènì tyəm ə Zhə̀fè əshi ə pfɨfə nâʼàpî ghè endom vɛ ə è kyiŋə ə ghâsènì ə ke nə è nə̀ zɨə ndò sê ghâsènì.

1 Njɔyn 5:14 ပူးပေါင်းရင်းမြစ်များ

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

Njɔyn 11:42

M ke ndô nə Ò ndamə zɨə ndò tsə̂m zɨme. Pîza m wàmnə̀ zôyn sə chùŋ ə̀ghɨ ghɨ̀yn ə ghe tyəm fâyn, kə ghənə pomə nə ə̀ tom ghô è Mi.”

Njɔyn 14:13

M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 16:24

Se zaʼâ zôyn, ghàyn pâʼà pfɨf fɨa kyîke ə Mì ezə. Ghàyn pfɨf, kə ə fo sê ghàyn, kə saŋnê zaynze ə nyi mə zə lwiyn kwəyn.”

Njɔyn 9:31

Ghâsènì nyîə ke nə Zhə̀fè zɨtə̂ va tsə̂m ə ghɨ̀ə epighe, pîza È zɨtə̂ kə è tsə̂m əghɨ̀ ghɛ ə fo kɔʼsêzè sê Vəyn nə̂ èghɛ zɛ ə È kyiŋə.

Ɛfesùs 3:12

Epomə̂ ghasènìze è tsɨ̂yntè zɛ ə ghâsènì kyi ghâsènì ghə̀ Klâys ə nə̀yn nə ghâsènì ə nyi mə ə kaʼa piə nduə ndò sê Zhə̀fè mə fânə̀ va fɨa, ke səmɔʼ nə fe nə̀ fiə ghâsènì.

Ipilù 10:35

Nyiəmə, ghàyn e nyi ke endom vɛ ə ghàyn tè nyì chi sə shi, kə ghàyn fayn ghɛ zhîze kûmə̀ nə təm ə tɛ ghaynghe nə̀ pə̂ ghàyn èmaʼte eghaʼâzè.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Njə̂m 4:3

Pî ezhoghɛ ə ghàyn pfɨf, Zhə̀fè fo va kûmə̀ nə ghàyn pfɨfə va è kwâʼtè echuŋzè. Ghàyn pfɨfə kə nə ə fo ghàyn ə nə̂ ə̀ghɛ ghɛ ə wiyn vaynve kɔ̂ŋə̀ è fɨa nə vɨ̂yn.

Njə̂m 5:16

Nyiəmə, ghàyn e tsâ sèpi saynse sê ngɨŋ saynse, tsə̂mə̀ sê ngɨŋ saynse kə Zhə̀fè ə tsuʼə ghàyn. Tsə̂m ə wûə ə̀ chichize nyîə kyi kàyntè àtyaʼ, nə̂ ghɛ ə kayntəghe e kyânə̀.

1 Njɔyn 2:28

Ghɔnyì ghɨmə zɨnə mə tyə̂nə̀ nə, ghàyn kyi se faŋə kə sə afɨa àmɔ̀ʼ ghâyn ghə̀ Klâys kə shîŋə̀ kɛ ə È tə pə̂, ə ghàyn ə kyi ə̀təm ə tɛ, se tyə̂m ə və shi mə ə ghomə̂ va.