1 Njɔyn 4:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Zhə̀fè tè tyə̀yn ekɔ̂ŋ ə vəyn sê ghâsènì kə Fe tom Va Vəyn èmɔ̀ʼ ə mbi, kə ghâsènì ə kyi èndam tɔynə̂ sê vâ vəyn nə vɨ̂yn.

1 Njɔyn 4:9 ပူးပေါင်းရင်းမြစ်များ

Ŋwàʼlè ə̀ Mâk 12:6

Wùə èmɔ̀ʼ vɛ ə è tè faŋ kə è tom tè nyi va vəyn vê kɔ̀ŋ. È və tomə kwûŋsə̀ vəyn pîə sê ngɨŋə̂ vəyn nə, ‘Ghənə nə̀ ndùə fânə̀ vayn vɨ̂m.’

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Njɔyn 10:10

Wùə chɔŋɔ pə̂ tsɛ̂ kə se chɔŋ, se zhwi è kɨsè se pofsê. M pəyn kə ghɨghe ə kyi èndam zɛ ze lwinə kwəynə.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 3:18

Ghɨ ghɛ ə pomə sê Va ətəyn, tə pfɨ̂ə va saʼ, pîza ghɨ ghɛ ə tàʼa pomə kàyne nyi mə ə pfɨ̀ saʼ. Kûmə̀ nə ghənə paʼà pomə se Vâ Fèzhə̀ vɛ ə̀ nyì ke Vəyn.

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 6:29

Njisə̀s ə pə̀ynsə̀ nə, “Ghɛ zɛ ə Zhə̀fè kyiŋə nə ghàyn nəyn nyi nə ghàyn pomə sê Mi vɛ ə È tom.”

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Njɔyn 6:57

Pɨ̀a vɛ È nə̀yn nə ghɨghə nyi ètwɔ ə tom mi, kûmə̀ vəyn, m pɔŋə ndamə. Kèpî kə nâʼàpî ndè vɛ ə è zhi wiyn Vɨm, M tə nə̂ vəyn nə è və nyi ètwɔ.

Njɔyn 8:29

Vɛ ə È tom Mi nyi ghasè Vəyn, È paʼà zà Mi Mî nɨŋ kûmə̀ nə M zâŋsə̀ nə̂ kə èghɛ zɛ ə È kɔ̀ŋə̀.”

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Njɔyn 9:3

Njisə̀s ə pə̀ynsə̀ nə, “Fôf ə vəynze kyi va ghɛ zhîze se nə̀yn è pisə vəynse, pî zə pɨa, pî zə nyì. Zɨnə kyayn kə tyaʼa Fezhə̀kè fɨ̂aʼ tɔynə̂ ə vəyn ewìyn.

Ŋwàʼlè ə̀ Pɔ̂l sê ghɨə Lûmghè 8:32

Ə̀ vayn kàʼa ndəʼ nyi Fèzhə̀, ə fɛ ə fe tè tàʼa ghə̀ʼtè se fo Vâ vəyn se ghâsènì əkɨ̂m. È tè nji vəyn ə fo nə È kwu ə ghâsènì ətu ə̀kɨ̂m, nyiəmə, È tə fo va zayn fɨave ekɨ̂m vɛ ə ghâsènì pfɨfə sê vəyn ə?

Ipilù 1:5

E nyi ke nâʼà nyî endom nə tsì vîvè va ə Zhə̀fè tyəm pî sê zə̂yn nə, “Ò nyi Vayn vɨm; se zhə̀tè ndàyn, m nyi Pɨ̀a sê ghò.” Zhə̀fè pâʼà tyəmə wàmnə̀ kûmə̀ tsìə vəyn ə pìə nə, “M tə nə̂ ə mə nyi Pɨ̀a sê vəyn, è nyi Vayn sê mi.”

1 Njɔyn 3:16

Kwu zɛ ə Njisə̀s Klâys tè kwu ə ghâsènì ə tu, tyə̂nə̀ àfɨa kɛ ə kɔ̂ŋzè nyi kəynke sê ghâsènì. Nyiəmə, ghâsènì kyi sə̂ nyi kepî èpɨaʼtêzè se kwu ə ghɔnyì ə ghâsènì ghə tu.

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

1 Njɔyn 5:11

Ghɛ zɛ ə Zhə̀fè pìə nyi nə, fe ə fo ndam zɛ ə ze tə mîə va sê ghâsènì, ndam nə zɨ̂nə̀ e nyi ə vəyn ə Vayn.

1 Njɔyn 5:13

M nyâʼà ə̀ghɛ ghɨyn sê ghàyn ghɛ ə ghàyn pomə sê Vâ Fèzhə̀ kə ghàyn ə ke nə ghàyn nyîə kyi èndam zɛ ə ze tə mîə va.