1 Njɔyn 4:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Nâʼàpî ndè vɛ ə è kɔ̀ŋɔ̀ va ghɨə mɔ̀ʼɔ ke va Zhə̀fè kûmə̀ nə nâʼàpî èghɛ èkè zɛ ə Zhə̀fè nə̀ tyə̀nə̀ èkɔ̂ŋ zɛ ə È kyi sê ghɨghe.

1 Njɔyn 4:8 ပူးပေါင်းရင်းမြစ်များ

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

Ɛfesùs 2:4

Pîza, Zhə̀fè nyîə kosə̂ èsəyn sê ghɨ nâʼà sə ŋaŋ fɨnə kɔ̂ŋɔ̀ ə̀ghɨ nâʼà sə ŋaŋ.

Ipilù 12:29

kûmə̀ nə Zhə̀fè ə ghasènìfe nyi kə ewus ə ve nyɔ̂ʼə̀ pofsə kəndô.

1 Njɔyn 1:5

Tom zɨ̀nə ə ghàs ndàʼà sê ghàyn zôyn nyi mə ghàs zɨ sê Njisə̀s Klâys. È nyi nə: Zhə̀fè nyi epayn, kyi va ghɛze se nə̀yn è lɨma nâʼà səkɔs.

1 Njɔyn 2:4

“Ə wùə pìə nə e ke ndô Zhə̀fè”, pîza ndə̂mə̀ va lwɔ̂ŋ ə Vəynve, ə è və nyi wùə àkaŋ, səmɔʼ e va ə vəyn ətəm.

1 Njɔyn 2:9

Ə̀ pìə pîndè nə e ndamə epayn, pîza pa pânə̀ ànyìə vəyn, ə ze ə tyə̂nə̀ nə è pa ndamə kə alɨm.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 3:6

Pîndè vɛ ə è ndamə kə Klâys vayn kàʼa è nəyn pi. Pîza nâʼàpî ndè vɛ ə è ndù kə shi sə nə̂ pi tyə̀nə̀ nə è pâʼà tyəmə̂ fe vəyn, pî se ke vəyn.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.