1 Njɔyn 4:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.

1 Njɔyn 4:7 ပူးပေါင်းရင်းမြစ်များ

Njɔyn 13:34

M fo èsaʼ e feze sê ghàyn zôyn nə ghànə kɔ̂ŋɔ̀ sèngɨŋ saynse. Kè kə M kɔ̂ŋ ghàyn, ghàyn e kɔ̂ŋɔ̀ kəpî sèngɨŋ saynse.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

1 Kɔlìŋ 8:3

Pîza mə wùə kɔ̂ŋɔ̀ Zhə̀fè, ə Zhə̀fè ə ke vəyn.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

2 Timotì 1:7

Kûmə̀ nə Zuʼ sɛ ə Zhə̀fè fo sê ghâsènì nə̀ va nə ghâsènì ə fànə̀, Zuʼ sə Fezhə̀sè pɨlə nə̂ nə ghâsènì ə nyi mə ə lwiyn kwəyn è tyaʼke, è kɔ̂ŋzè, è kɨsè sə ko kyîə sèngɨŋ sə ghasènìse.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

1 Njɔyn 2:10

Pîza mə ə kɔ̂ŋɔ̀ pîndè ànyìə vəyn, ə ze ə tyə̂nə̀ nə è ndamə epayn, ghɛ zhîze va ə vəyn endam se nə̀yn nə wùə pfɨ əfètə̂ pi.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 2:4

“Ə wùə pìə nə e ke ndô Zhə̀fè”, pîza ndə̂mə̀ va lwɔ̂ŋ ə Vəynve, ə è və nyi wùə àkaŋ, səmɔʼ e va ə vəyn ətəm.

1 Njɔyn 2:7

M nyâʼà va lâŋa feke sê ghàyn ə soyn ghɨmə. M nyâʼà alâŋə mɨke, mə ghàyn tè nyîə kyi ə zhə̀te. Lâŋ ə mɨ nə kɨnə̀ nyi tom zɛ ə ghàyn nyi mə ə zɨ

1 Njɔyn 3:9

Nâʼàpî ndè vɛ ə è nyi Va Fèzhə̀ nə̀ va pi, kûmə̀ nə ghənə nyiə kyi ètsɨsə̂ Fezhə̀zè. Ghənə e va se nə̂ pi kûmə̀ nə ghənə nyi əghɔ Fezhə̀ghè.

1 Njɔyn 4:11

Ghɔnyì ghɨm ghe kɔ̀ŋə̀, kə ze nyi nə Zhə̀fè tè nyîə kɔ̀ŋə tsɛsə̀ ghâsènì, ə zə tyə̂nə̀ nə ghâsènì kyi sə̂ kɔ̂ŋə̀ sèngɨŋ sə ghasènìse.

1 Njɔyn 4:12

Wùə pâʼà tyəmə̂ fe Fèzhə̀, pîza mə ghâsènì kɔ̀ŋɔ̀ ngɨŋ sə ghasènìse, ə Zhə̀fè ə nyi sə afɨa àmɔ̀ʼ ghasènyìə ghə ghənə, kɔ̂ŋ ə Vəynze e nyi mə zə lwiyn ə ghâsènì endam.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

1 Njɔyn 4:8

Nâʼàpî ndè vɛ ə è kɔ̀ŋɔ̀ va ghɨə mɔ̀ʼɔ ke va Zhə̀fè kûmə̀ nə nâʼàpî èghɛ èkè zɛ ə Zhə̀fè nə̀ tyə̀nə̀ èkɔ̂ŋ zɛ ə È kyi sê ghɨghe.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

2 Njɔyn 1:5

Wùzhɔyn, m pîə sê ghò nə ghâsènì ə kɔ̂ŋə̀ sèngɨŋ sə ghasènìse. M fo chîə va lâŋ ə feke sê ghò, ə pa nyi ke kɛ ə tè kyi nâʼà ə zhə̀te.