1 Njɔyn 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pîza, ghâsènì nyi əghɨ ə Fezhə̀ghè. Nâʼàpî ndè vɛ ə è ke Zhə̀fè zɨtə̂ ndò se ghâsènì, nâʼàpî ndè vɛ ə è ke va Zhə̀fè zɨtə̂ va se ghâsènì. Ə̀ vɨnə nyi endom vɛ ə ghâsènì kàʼa ke sə nɨŋ ə̀ fètə̂ Sèzuʼ sɛ ə se nyi səmɔʼ è sɛ ə̀ nyì sə akaŋse.

1 Njɔyn 4:6 ပူးပေါင်းရင်းမြစ်များ

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Njɔyn 10:27

Ndzè sɨmse nyîə zɨə kyə̀ zɨ̂m M ke səynse, se chumtə̀ Mi.

Njɔyn 10:3

Wùə vɛ ə è tsɨ̀ŋnə̀ cho mbàyn nə zɛ ə è chwi cho əndɛve sê vəyn. È tɔŋɔ nâʼàpî ndzè èkè kə zə̂ynzè ezə, è və njìə fɨə è səynse.

Njɔyn 13:20

M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Njɔyn 14:17

Tsàmtè nə vɨ̂yn nyi Sezuʼ sɛ ə se tyə̂nə̀ paynsə səmɔʼ kûmə̀ Fèzhə̀. Ghɨ mbiə vayn kàʼa fi Tsàmtè nə vɨ̂yn kûmə̀ nə ghənə fe va vəyn, ke va vəyn. Sê ghàyn, ghàyn ke ndô vəyn kûmə̀ nə è ndamə ghâynghə̀ ghənə, nyi se nə̀yn sə̂ nyi ə ghàyn ewìyn.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Njɔyn 18:37

Paylɛ̀t ə pfɨfə sê Vəyn nə, “Piə e za tyə̀nə̀ nə ò nyi fɔ̀yn ə?” Njisə̀s ə pə̀ynsə̀ nə, “Ə̀ pì ghô nə M nyi fɔ̀yn. Ə tè piə Mi nə M pəyn ə mbi, kə Mə nyi tsɛ̀ èsaʼ səmɔʼ. Naʼapî ndè vɛ ə è nyi wùə ə̀ səmɔʼ nyîə zɨə sê Mi.”

Njɔyn 20:21

Njisə̀s ə pìə kwəynsə̂ sê ghənə nə, “Ə pɔ̂ynè ə nyi sê ghàyn! M tomə ghàyn kèpî kə Pɨ̀a Vɨ̂mvè tè tom Mi.”

Njɔyn 8:19

Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

Njɔyn 8:23

Njisə̀s ə pìə sê ghənə nə, “Ghàyn nyi əghɨ mə ghàyn ndò fa chi, pîza M ndo pə̂yn ekwùtwəyn. Ghàyn nyi əghɨ mə ə ndo pə̂yn fa mbi, pîza M vachi wùə ə̀ mbi zɨ̀nə̀.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 11:8

Ə nyi mə ə nyàʼ ə ŋwàʼlè ə̀ Fèzhə̀ nə, “Zhə̀fè ə nə̀yn nə ghənə ə nyi èngo. Se zaʼâ ndàyn, ghənə vayn kàʼa ə fe, vayn kàʼa zɨ.”

1 Kɔlìŋ 14:37

Ə wùə ke nə è nyi fɨ̀aʼtè ə̀ Fèzhə̀, pî nə è kyi èfo mə ə̀ fo se Zuʼ, ə è və kyi se pomə̂ nə ghɛ zɛ m nyâʼà sê ghàyn ndò sê Pɛ̂pɛ.

2 Kolìŋ 10:7

Ghàyn nji shîŋə̀kè ə ghàyn fɛte naynê ə̀ghɛ. Ə wùə pìə nə e nyi wùə ə̀ Klâys, ə è tɔʼ kwàʼtè èghɛ zɛ ə è pìə kûmə̀ nə̀ ghàs pɔŋ nyi kepî ə̀ghɨ Klâysə̀ kə vəyn.

2 Tèsàlonikà 1:8

Ə̀ tə pə̂ nyi kə è tso pə̂ yî tsì sə vəyn nə sɛ, ə wûsmə pɛ̂, ə è fɨ̂aʼ è wus nə vɨnə̀ se fo ètsôs sê ghɨ ghɛ ə ghənə tè tə Zhə̀fè, nə̂ va ghɛ zɛ ə tom èchùŋ kûmə̀ Pɛ̂pɛ ə̀ ghâsènì Njisə̀s Klâys pìə.

1 Timotì 4:1

Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

1 Njɔyn 4:4

Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.

1 Njɔyn 4:8

Nâʼàpî ndè vɛ ə è kɔ̀ŋɔ̀ va ghɨə mɔ̀ʼɔ ke va Zhə̀fè kûmə̀ nə nâʼàpî èghɛ èkè zɛ ə Zhə̀fè nə̀ tyə̀nə̀ èkɔ̂ŋ zɛ ə È kyi sê ghɨghe.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Njût 1:17

Pîza, ghàyn kwaʼte ə soyn sɨmse ghɛ zɛ əghɨtom ə Pɛ̂pɛ ə ghâsènì Njisə̀s Klâys tè tsàyn sê ghàyn sə mɨ.