1 Njɔyn 4:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Kûmə̀ nə ghâsènì nyì sə afɨa àmɔ̀ʼ ghasènyìə ghə̀ Zhə̀fè, kɔ̀ŋ zɛ ə ghâsènì kyi ə ghâsènì ə təm ndəmə̂ ndûə ndò se lwiyn ə kwəyn. Nyiəmə, ghâsènì tə nə̂ ə fânə̀ va ə fetuʼ fə saʼfe pîza ghâsènì tə nə̂ ə kyi ə̀təm ə tɛ se tyəmə̂ ə Zhə̀fè əshi, kûmə̀ nə ghâsènì ndamə kə kə̂ Klâys fa mbi.

1 Njɔyn 4:17 ပူးပေါင်းရင်းမြစ်များ

Matyò 10:15

M pîə sê ghàyn səmɔʼ nə ə̀ tə nə̂ ə nyi etuʼ ə saʼe, ə Zhə̀fè chwite kosê esəyn ghaʼâzè sê tɔ̂ŋ ə̀ Sondòm è ghɨə Ngòmolà tsɛ̂ kə Fe chwîtə̀ sê ghɨə tɔ̂ŋ nə ghɨ̂nə̀.”

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Matyò 11:22

M piə sê ghàyn səmɔʼ nə, ə tə nə̂ ə nyi etuʼ ə saʼe, Zhə̀fè tə chwîtə̀ èkosê esəyn tsɨəze sê ghɨə Tayà è ghɨə Sindɔ̀nə̀ tsɛ̂ kə Fe tə chwîtə̀ sê ghàyn.

Matyò 11:24

M piə sê ghàyn nə, ə tə nə̂ ə nyi etuʼ esaʼ ə Fezhə̀vè, ə Zhə̀fè chwite kosê esəyn tsɨze sê ghɨə Sondòmə̀ tsɛ̂ kə fe kaʼa Fe chwite sê ghàyn.”

Matyò 12:36

M tsâ sê ghàyn səmɔʼ nə ə̀ tə nə̂ ə nyi ə fetuʼ fə saʼfe ə nâʼà pîndè tsayn ghɛ epi zɛ ə è nyi mə è və tyəmə pîə.

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 17:22

Mə fo pomsê ekayntəze sê ghənə, ə nyi zɛ ə Ò tè fo sê Mi, kə ghənə tsɨyntè nyi ke sə wûə èmɔ̀ʼ, eghɨ kə ghasè ghò nyi ke se eghɛ èmɔ̀ʼ.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

Ipilù 9:27

Ə ndə̀m nə nâʼàpî ndè tə kwuə kə shîŋə̀ze emɔ̀ʼ, epàmə̂ ə̀təyn ə Zhə̀fè saʼ ghənə.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

Njə̂m 2:22

E za tyə̀nə̀ nə kyî epomə̂ ə vəynze è fɨ̂aʼ ə vəynze tè nyi ke sə afɨa àmɔ̀ʼ. Ə̀ tè nəyn efɨ̂aʼ ə vəyn nə kyî epomə̂ ə vəynze kwəyne.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

1 Njɔyn 2:28

Ghɔnyì ghɨmə zɨnə mə tyə̂nə̀ nə, ghàyn kyi se faŋə kə sə afɨa àmɔ̀ʼ ghâyn ghə̀ Klâys kə shîŋə̀ kɛ ə È tə pə̂, ə ghàyn ə kyi ə̀təm ə tɛ, se tyə̂m ə və shi mə ə ghomə̂ va.

1 Njɔyn 2:5

Pîza mə ə ndə̀mə̀ pîndè ghɛ zɛ ə fe piə, ə kɔ̂ŋ zɛ ə è kyi sê Zhə̀fè ə nyi mə zə lwiyn kwəyn. Ə̀ za nyi endom vɛ ə ghâsènì ke ətəyn nə ə nyi sə afɨa amɔ̀ʼ ghasènìə ghə̀ Zhə̀fè.

1 Njɔyn 2:6

Ə̂ pìə pîndè nə zhi nyi sə “Afɨa àmɔ̀ʼ” yî Zhə̀fè, ə è və kyi sə̂ kwîə ə Njisə̀s Klâys ə tendom.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.

1 Njɔyn 3:7

Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.

1 Njɔyn 4:12

Wùə pâʼà tyəmə̂ fe Fèzhə̀, pîza mə ghâsènì kɔ̀ŋɔ̀ ngɨŋ sə ghasènìse, ə Zhə̀fè ə nyi sə afɨa àmɔ̀ʼ ghasènyìə ghə ghənə, kɔ̂ŋ ə Vəynze e nyi mə zə lwiyn ə ghâsènì endam.