1 Njɔyn 3:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

1 Njɔyn 3:8 ပူးပေါင်းရင်းမြစ်များ

Matyò 12:28

Ə̀ fo chîə va Peelzepùl ètyaʼa sê Mi, pîza M fɨaʼà atyaʼa Sezuʼ ə Fezhə̀sè sə̂ chûmə̀ fɨsə̂ tèpamə̂ tə satàyntè ə ghɨghe ewìyn. Zɨnə kyànə̀ se tyə̀nə̀ sê ghàyn nə fɔ̂yn ə Fezhə̀vè ə pə̀yn ə ghàyn əfètəyn.

Matyò 13:38

Fûʼ ətəynke e nyi mbi, ngwàʼ èchùŋ zɛ e nyi əghɨ ghɛ ə ghe nyi etyə̀ èfɔ̀yn ə Fezhə̀vè, yîyn epike e nyi ə̀ghɨ ghɛ ə ghe nyi ə̂ ndə̂plè etyə̀.

Matyò 4:3

Ndə̂plè ə pə̀ sê Vəyn ə pìə nə, “Ə ò nyi vâ Fèzhə̀, O tsâ sê chi ghɨnə nə ghe kəmne sə apayn ə kwaŋke.”

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Tom èchùŋ kè kə Lûk tè nyaʼ 10:18

Njisə̀s ə piə sê ghənə nə, “Ma fe kə Satàyn ndò ekwùtwəyn ə pfɨ̀ə, mɨ̂anə̀ kə eghol.

Njɔyn 12:31

Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.

Njɔyn 16:11

Ə è fɨyn tyəyn èndom vɛ ə Zhə̀fè tə saʼa ghɨghe ətəyn, kûmə̀ nə fɔ̀ynə̀ mbi vɨ̀nə nyi mə ə kàynè saʼ vəyn.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ŋwàʼlè ə̀ Pɔ̂l sê ghɨə Lûmghè 16:20

Zhə̀fè mə za nyi pɔ̂ynè ə̀ ghâsènì môtə̀ kə nyi ə fe kəʼse satàyn è gholə. Ə fùʼ ə Pɛ̂pɛ ə̀ ghasènìke Njisə̀s Klâys ə nyi ghâyn ghə̀ ghənə.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Kòlosè 2:15

Zhə̀fè ə tə tɛ tsɛ twɔʼve, è kɨsè tu ə te ndaʼàvè ə mbi. Kwu ə vəynze awâmnè ə tə nə̀yn nâʼàpî ndè ə fe nə tyaʼa vəynke ə tɛ tsɛ twɔʼve ekɨ̂m.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.

2 Pità 2:4

Zhə̀fè tè paʼà faŋ se fo ngəʼ sê tsì sɛ ə se tè nəyn pi, pîza ə màʼà tsosə̂ ghənə elùʼ ewùs, elùʼ vɛ ə nyi mə ə fà ghənə alɨm, nə ə ndəm ghənə se zaʼâ kə tuʼ ə saʼve kwəyn.

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

1 Njɔyn 5:19

Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.

Njût 1:6

Ghàyn kwaʼte tsì sɛ ə se tè tàʼa faŋ elùʼ efɨaʼa vɛ ə Zhə̀fè tè fo nə ghənə ə nə̂, ghənə ə tə pɨl zàmaʼà luʼ vɛ ə̀ tè nyì və ghənə̂vè. Ə nyi mə ə kol ghənə è chaʼ sɛ ə tə zhə̂nə̀ va ə ndə̀mə̀ ghənə ndɛ̂chaʼ àlɨm kə ghənə ə lɨmtə̂ fètuʼ fe ghaʼâ fə saʼ fɛ ə Zhə̀fè tə saʼa pɔynsə ghənə ətəyn.

Etyə̂yn ə paynsêzè 20:10

Ə ke njìə ndə̂plè zɛ ə è tè kyìŋse ghənə ə màʼa tsose elùʼ wusve e pɛ̂ ətəyn è fɨake mə ke lɛ̂ pâŋə̀ ndò e tɔŋtə̂ nə sɔlfɔ̀. Ə̀ nyi eluʼ vɛ ə tè màʼa tsosê nyàm èpamə zɛ è kɨsè fɨ̀aʼtè àkaŋ zɛ. Nâʼà ghənə əkɨ̂m tə zɨə m̀lùŋtsuŋ fumə èchwì è tuʼve nâʼà kə ghè tə ghayn.

Etyə̂yn ə paynsêzè 20:15

Nâʼàpî ndè vɛ ə zə vəynze tè va əfètə̂ ŋwàʼlè ə̀ghɨ̀ endamə nə ghɛ, ə màʼà tsosə̂ vəyn elùʼ vɛ ə wusve tè pɛ ətəyn.