1 Njɔyn 3:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.

1 Njɔyn 3:7 ပူးပေါင်းရင်းမြစ်များ

Matyò 5:20

M tsâ sê ghàyn nə, ghàyn tə njiə elùʼ efɔ̀yn ə Fezhə̀zè kè ezhoghɛ ghɛ zɛ ə ghàyn nə̀ sê Zhə̀fè tsɨ̀ə zə setyə̀ynsè se elwɔ̀ŋsè è ghɨ Falàsîə.

Tom èchùŋ kè kə Lûk tè nyaʼ 1:75

nyi ke ə̀ghɨə və, tyəm ke chichi ə ve shi se zaʼâ kə tuʼ mə̂ ghâsènìm tə kɔʼ mi.

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ŋwàʼlè ə̀ Pɔ̂l sê ghɨə Lûmghè 2:13

Ə̀ vachi èzə zɛ ə wùə zɨ lâŋkè ə ze nə̂ nə wùə ə nyi chichi ə Zhə̀fè əshi, pîza sə nyi chichi ə Zhə̀fè əshi, wùə kyi sə nə̂ èghɛ zɛ ə lâŋkè kyiŋə.

1 Kɔlìŋ 6:9

Pîə e za nyi nə ghàyn keva nə ghɨ ghɛ ə ghe va chichi tə kyiə va luʼve elùʼ efɔ̀yn ə Fezhə̀vè mə? Kə wùə tə lesê ngɨŋə̂ vəyn. Ghɨ ghɛ ə ghe nyîŋə̀ è zənə kɨ̀sə ə ndômnə̀, è ghɨ ghɛ ə ghe ngɨmnə fɨ̂aʼsèvè kɨ̀sə əghɛ ə ghe kimə saʼ ə malə̂zè è ndômnè ghɛ ə ghe nyîŋə̀ è ndômnè əmɔ̀ʼɔ,

Ɛfesùs 5:6

Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.

Ɛfesùs 5:9

M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Ipilù 1:8

Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.

Ipilù 7:2

Aplàghâm ə zûŋtə̀ èfɨa vɛ ə è kyi fi eghɔ̀ŋ ə chyâtə̀ se epɨ̀as eghɨm ə fo apâs àmɔ̀ʼ sê Mèlkisendèk. Ghɛ əshi zɛ ə zə zɨnə nə Mèlkisendèk tyə̀nə̀ nyi nə, “Fɔ̀yn ə Chichi.” È tè nyi fɔ̀yn ə Salèm, mə ze tyə̂nə̀ nə, “Fɔ̀yn ə̀ pɔ̂ynè.”.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Njə̂m 2:19

E tsɔ̂fə̀ kə ò pomə nə Zhə̀fè nyì ke fèmɔ̀ʼ! Nâʼàpî tèpamə̂ tə Satàyntè nyîə pomə̂ kə pîza fɨnə tsɨŋtə̂ è fâynzè.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

1 Njɔyn 2:26

M nyâʼà ə̀ghɛ ghɨ̀nə se ghàyn kûmə̀ ə̀ghɨ ghɛ ə ghe mɔ̂msə̀ se lesə̂ ghàyn.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.

1 Njɔyn 4:17

Kûmə̀ nə ghâsènì nyì sə afɨa àmɔ̀ʼ ghasènyìə ghə̀ Zhə̀fè, kɔ̀ŋ zɛ ə ghâsènì kyi ə ghâsènì ə təm ndəmə̂ ndûə ndò se lwiyn ə kwəyn. Nyiəmə, ghâsènì tə nə̂ ə fânə̀ va ə fetuʼ fə saʼfe pîza ghâsènì tə nə̂ ə kyi ə̀təm ə tɛ se tyəmə̂ ə Zhə̀fè əshi, kûmə̀ nə ghâsènì ndamə kə kə̂ Klâys fa mbi.