1 Njɔyn 3:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

1 Njɔyn 3:5 ပူးပေါင်းရင်းမြစ်များ

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Tom èchùŋ kè kə Lûk tè nyaʼ 23:41

ò fɨyn ke kəpi nə ghâsènì kwuə səmɔʼ kûmə̀ əghɛ ə piə kə ə ghâsènì nəyn pîza wùə nə vɨ̂nə kwuə kə səndô.”

Tom èchùŋ kè kə Lûk tè nyaʼ 23:47

Tuə sesokə̀ʼke ə fe ghɛghe ə ghe kyàyn ə tsìtə̀ Fèzhə̀ piə nə, “Səmɔʼ, wùə vɨ̂nə a kyi va pi!”

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 1:31

M tè ke va Vəyn, pîza mə pə̀ fo m̀mo è môm endom se nə̀yn nə ghɨə Isìlâyghè ke Vəyn.”

Njɔyn 14:30

M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,

Njɔyn 8:46

Ə̀ nyi nde ə ghàyn ə fètəyn ə è kàʼa è tyəyn nə Mə nə̀yn pi ə? Ə M tsâ səmɔʼ sê ghàyn, kûmə̀ ghè ə ghàyn pomə va sê Mi ə?

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

1 Pità 1:18

Ghàyn ke nə Zhə̀fè ə tə zhɔyn fɨse ghàyn endam e mɨ zɛ ə pɨ̀a ghaynghe tè ndamə. Zhə̀fè tè pâʼà zhɔyn ghàyn è fɨake kə ekɛ mə ve kàʼa ə ve pof.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

1 Pità 2:22

Ə nyàʼ ə Ŋwàʼlè ə̀ Fèzhə̀ nə, “È tè paʼà nə̀yn ghɛ epi zhîze, ə tàʼa tyəmə wam akaŋ nâʼà səkɔs.”

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

1 Njɔyn 1:2

Tom nə zɨ̂yn ə è fo ndam zɛ e tə mîə va nyî, tè tyəyn ngɨŋ ə vəyn, ghàsə fe sè tyəm kə setsɛ̀ èsaʼ sê Vəyn. Ghàs wàmnə̀ sê ghàyn kûmə̀ tom nə zɨ̂yn kə è tè nyì yî Pɨ̀a, ə nə̀ nə ghàs ə ke Vəyn.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,