1 Njɔyn 3:2 - Ŋwàʼlè ə̀ Fèzhə̀ Mkâyn Mə̂ Fèm

² Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

1 Njɔyn 3:2 ပူးပေါင်းရင်းမြစ်များ

Matyò 5:8

Pɔsê nyì sê ghɨ ghɛ təm ə ghənə̂ghè zo, Ghənə tə fe Fèzhə̀.

Tom èchùŋ kè kə Lûk tè nyaʼ 17:30

Ə̀ za nyi kə ghɛ tə nə̂ ə ghe ə nyi etuʼ vɛ ə Va Wùə pə̀ ətəyn.

Tom èchùŋ kè kə Lûk tè nyaʼ 20:36

E tə nə̂ ə ze ə nyi nyî kûmə̀ nə ghənə tə nə̂ ə fɨnə kwuə va. Ghənə tə nə̂ ə nyi kepî eghɨ kə setsì, fɨyn nyi ə̀ghɔ Fezhə̀ kûmə̀ nə ghənə ə zòmə̀.

Njɔyn 1:12

Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Ŋwàʼlè ə̀ Pɔ̂l sê ghɨə Lûmghè 8:16

Zuʼsə Fezhə̀sè tsɨ̂yntə̀ ngɨŋə̂ vəyn è zuʼsə ghasènìse, se tsàyn nə ghâsènì nyi ə ghɔ Fezhə̀ghè.

Ŋwàʼlè ə̀ Pɔ̂l sê ghɨə Lûmghè 8:18

M njîə va nə tsôs vɨ̀yn ə ghâsènì fe zôyn fa ashìŋə̀ nyì nâʼà eghɛ zhîze, ə ghâsènì fɨ̀aʼnè vəynve è pomsê zɛ ə tə tyə̂nə̀ paynsə̂ sê ghâsènì ashìŋə̀ kɛ ə ke nyi se tə pə̀yn.

Ŋwàʼlè ə̀ Pɔ̂l sê ghɨə Lûmghè 8:19

Nâʼà efɨa èkɨ̂m vɛ ə Zhə̀fè Pom nyîə lɨmtə̂ se shîŋə̀ nə kɛ ə Zhə̀fè tə tyə̂nə̀ paynsə̂ ghɔ Vəynghe.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

1 Kɔlìŋ 13:12

Ghɛ ghɛ ə ghâsènì fe zôyn nyì ke kə ghe nyi anâynè mə ke tɔ̂ʼɔ̀ panə va, pîza ghâsènì tə fe shwi m̀shwi awulə. Ghɛ zɛ m ke zɔ̂yn nyì ke àpɨaʼ, mə awulə, m tə kê nâʼàpî ghè, kepî kə Zhə̀fè ke nâʼàpî ghè kûmə̀ mi.

1 Kɔlìŋ 15:49

Kè kə ghâsènì kyàʼà kə wùə vɛ ə tè fɛte è chîəm, ə̀ nyì kepî zamə kə ghâsènì tə nə̂ ə kyaʼà kə wùə vɛ ə è ndò ekwùtwəyn.

1 Kɔlìŋ 2:9

Pîza kè kə nyâʼ ə ŋwàʼlè ə Fezhə̀ nə: “Ghɛ zɛ wùə tàʼa tyəmə fe, Pî se tyəmə zɨ, Ghɛ zɛ ə wùə tàʼa tyəmə kwàʼtè nə ze kaʼa ə ze kyayn ə̀ nyi zəynze ə Zhə̀fè nyi mə fə pɨaʼtê sê ghɨ ghɛ ə ghe kɔ̂ŋɔ̀ Vəyn.”

2 Kolìŋ 3:18

Ghâsènì əkɨ̂m nyîə kyi èpomsê ə Fezhə̀zè shîŋə̀ kɛ ə kyaʼ tə ghasènìte nyi ndɔ̀ʼɔ kɨyte, ə kyì epomsê nə zɛ mə, ə ze pə̂ se Pɛ̂pɛ, mə è nyi Sezuʼ, se kwiynə̂ ghâsènì nə ə nyi ke kə vəyn kə ghâsènì ə kyi èpomsê zɛ ə ze nyanə nduə kə èshike.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 4:6

Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Filìpây 3:21

È tyaʼ ə Vəyn kɛ ə ke naynə ghɛghe əkɨ̂m, è tə kwiynə̂ àchaʼ ewìyn ə ghâsènì kɨ̂nə̀, ewiyn vɛ ə ve kyi va tyaʼke, kə ghâsènì tə kyi kàyntè èwìyn kè kə È tè kyi ashìŋə̀ kɛ ə Zhə̀fè tè zòmse Vəyn.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

1 Njɔyn 2:28

Ghɔnyì ghɨmə zɨnə mə tyə̂nə̀ nə, ghàyn kyi se faŋə kə sə afɨa àmɔ̀ʼ ghâyn ghə̀ Klâys kə shîŋə̀ kɛ ə È tə pə̂, ə ghàyn ə kyi ə̀təm ə tɛ, se tyə̂m ə və shi mə ə ghomə̂ va.

1 Njɔyn 2:7

M nyâʼà va lâŋa feke sê ghàyn ə soyn ghɨmə. M nyâʼà alâŋə mɨke, mə ghàyn tè nyîə kyi ə zhə̀te. Lâŋ ə mɨ nə kɨnə̀ nyi tom zɛ ə ghàyn nyi mə ə zɨ

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 3:21

Ghɔnyì ghɨmə, ə təm ə ghasènìghe saʼa va ghâsènì, kə ghâsènì nə fayn se tyə̂m ə Zhə̀fè əshi shîŋə̀ kɛ ə tsə̂mə̀.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

Etyə̂yn ə paynsêzè 2:28

M tə fo kəpî fèlî fə pɨsə̀pɨsə̀fè sê wùə vɛ ə è nò zhi pi

Etyə̂yn ə paynsêzè 22:4

Ghənə tə fe èkyâʼ ə Fezhə̀zè shwi m̀shwi, ə zə ə vəynze ə nyi mə ə nyàʼ ə ghənə echo àtu.