1 Njɔyn 2:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 2:29 ပူးပေါင်းရင်းမြစ်များ

Njɔyn 1:13

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ətefɨ̂aʼ 22:14

È və pìə sê mi nə, ‹Zhə̀ fɛ ə pɨa ghasènìə tè kɔʼsə ə chɔʼ ghô nə ò nəyn kwâʼtè ə Veynze, ə ò fe wùə èfɨaʼa ə̀ Vəyn vɛ ə è nyi chichi, ə ò zɨ kə è wàmnə̀ è kyə̀ vəyn zə ngɨŋ.

Ətefɨ̂aʼ 3:14

Njisə̀s tè nyi wùə èŋwaʼa, fɨyn nyi wùə ə̀ chichi, pîza ghàyn ə kwiynsə̂ Vəyn ə chyatə̂ Paylɛ̀t nə è pɨl za wùə, mə è zhwiə ə̀ghɨ.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ipilù 7:2

Aplàghâm ə zûŋtə̀ èfɨa vɛ ə è kyi fi eghɔ̀ŋ ə chyâtə̀ se epɨ̀as eghɨm ə fo apâs àmɔ̀ʼ sê Mèlkisendèk. Ghɛ əshi zɛ ə zə zɨnə nə Mèlkisendèk tyə̀nə̀ nyi nə, “Fɔ̀yn ə Chichi.” È tè nyi fɔ̀yn ə Salèm, mə ze tyə̂nə̀ nə, “Fɔ̀yn ə̀ pɔ̂ynè.”.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.

1 Pità 1:3

Ə ghâsènì ə tsɨ̂tə̀ Fèzhə̀, Pɨ̀a Pɛ̂pɛ ə̀ ghâsènì Njisə̀s Klâys! Fe ə kose səyn sê ghâsènì nâʼà sə ŋaŋ ə fo èndam e fe sê ghâsènì endom nə Fe ə tə zòmsè Njisə̀s Klâys ekwu, zɨnə mə nə̂ ghàs ə kyi ekwâʼtè elɨmtə zɛ ə ze vayn kàʼa ə ze pfɨse ghàs,

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

1 Njɔyn 3:5

Ghàyn ke nə Klâys tè pə̀yn ə mbi se kəʼsê ə sepi sə ghasènìse. È pâʼà tyəmə̂ nə̂ pi zhîzè.

1 Njɔyn 3:7

Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.

1 Njɔyn 5:18

Ghâsènì ke ndô nə ghɔ Fezhə̀ vayn kàʼa ə nə̂ ndùə kə pi, kûmə̀ nə Va Fèzhə̀ tɔ̀ʼnə̀ ndò è ghənə, mə wùə èpi vayn kàʼa è nəyn ghɛ epi zhîze sê ghənə.

1 Njɔyn 5:4

kûmə̀ nə nâʼàpî va Fezhə̀ èkè nyi mə è və tɨm zhi mbi. Ə̀ nyi ekyî epomə̂ ə ghasènìze ə ze nə̂yn nə ghâsènì tɨm zhi mbi.

3 Njɔyn 1:11

Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.