1 Njɔyn 2:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ghàyn kyi se faŋə kə ezaʼlê zɛ ə tè zaʼle ghàyn ətəyn ə zhə̀te. Ə ghàyn nə̀yn nyiəmə, ə ghàyn faŋ sə afɨa àmɔ̀ʼ ghâyn ghə̀ Vayn, è Pɨ̀a.

1 Njɔyn 2:24 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Tom èchùŋ kè kə Lûk tè nyaʼ 9:44

“Ghàyn tɔʼ zɨ eghɛ zɛ m kyiŋə sê pi sê ghàyn. Ə nə̀ fo Va Wùə sê ghɨə.”

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Njɔyn 8:25

Ghənə ə pfɨfə sê Njisə̀s nə, “Ò nyi nâʼà ndè?” Njisə̀s ə pə̀ynsə̀ nə, “M nyi wùə vɛ ə M fe tsàyn sê ghàyn ə zhə̀te nə M nyi Vəyn.

Filìpây 4:15

Ghàyn ghɨ ə Filìpâyghè, ghàyn nyiə fɛte ke nə shîŋə̀ kɛ m tè zhə̀te se ndàʼa tom èchùŋ mə m ndo pə̂yn ə Masèndonyà, ə̀ tè nyi ghàyn ghɨə Fezhə̀ ə shighe se tsàmtə mi. Ə̀ nyeʼe nyi ke ghàyn kə tè tsàmte mi.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Ipilù 2:1

Ghɛ nə ghɨnə tyə̀nə̀ nə ghâsènì kyi se fɛtə̂ kyiə tom èchùŋ nə zɨ̂yn ə ghâsènì zɨ nyi kə ghâsènì nə tàʼa njìsè endom.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 2:7

M nyâʼà va lâŋa feke sê ghàyn ə soyn ghɨmə. M nyâʼà alâŋə mɨke, mə ghàyn tè nyîə kyi ə zhə̀te. Lâŋ ə mɨ nə kɨnə̀ nyi tom zɛ ə ghàyn nyi mə ə zɨ

1 Njɔyn 3:24

Ghɨ ghɛ ə ndə̂mə̀ lwɔ̀ŋ ə vəynve nyì yî Vəyn sə afɨa àmɔ̀ʼ, è ve nyi kepî sə afɨa àmɔ̀ʼ yî ghə̀ ghənə. Ghâsènì nyîə ke nə ghâsènì nyì sə afɨa àmɔ̀ʼ tɔynə̂ ə sezuʼ sɛ ə è fo sê ghâsènì.

1 Njɔyn 4:13

Ghâsènì nyiə ke nə ghâsènì ndamə sə afɨa àmɔ̀ʼ è Zhə̀fè, è kɨsè nə Zhə̀fè ndamə sə afɨa àmɔ̀ʼ è ghâsènì, kûmə̀ nə È və fo Zuʼ sə Vəynse sê ghâsènì.

1 Njɔyn 4:15

Nâʼàpî ndè vɛ ə è pì nə Njisə̀s nyi Va Fèzhə̀, è və nyi sə afɨa amɔ̀ʼ yî Zhə̀fè, Zhə̀fè e nyi sə afɨa amɔ̀ʼ yî vəyn.

1 Njɔyn 4:16

Nyiəmə, ghâsènì ke ndô, fɨnə pomə̂ nə Zhə̀fè nyîə kɔ̂ŋə̀ ghâsènì. Zhə̀fè nyi ekɔ̂ŋ, mə ghɨ ghɛ ə ghe ndamə ekɔ̀ŋ, ndamə sə afɨa àmɔ̀ʼ yî ghə̀ Zhə̀fè, Zhə̀fè endamə sə afɨa àmɔ̀ʼ yî ghə̀ ghənə.

2 Njɔyn 1:2

M kɔ̂ŋɔ̀ ghàyn kûmə̀ səmɔʼ zɛ ə è nyi ə ghâsènì əfètəyn, ə səmɔʼ zɛ ə è tə ndamə faŋə.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.

3 Njɔyn 1:3

Ghɔnyì yîghe tè pə̀yn tsâyn sê mi nə ò nə̀ kə nâʼà èghɛ zɛ ə ze nyi səmɔʼ, tyəm ke eghɛ zɛ ə ze nyi səmɔʼ, m saŋnə̂ nâʼà sə ŋaŋ.

Etyə̂yn ə paynsêzè 3:11

Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.