1 Njɔyn 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Pîza, vɛ ə Zhə̀fè kɨmne ndə̂m, è və fo Zuʼse Ŋwaʼase sê ghàyn, se ə pə̂ nâʼà sê ghàyn ə̀kɨ̂m nə ghàyn ə ke eghɛ zɛ ə ze nyi səmɔʼ.

1 Njɔyn 2:20 ပူးပေါင်းရင်းမြစ်များ

Matyò 13:11

Njisə̀s ə pìə sê ghənə nə, “Zhə̀fè fo ghàyn ètyaʼa nə ghànə ke ə̀ghɛ e ndətə efɔ̀yn ekwùtwəynə, pîza ə tàʼa fo atyaʼ nə kɨ̂yn se ghɨ mɔ̀ʼɔ.

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Tom èchùŋ kè kə Lûk tè nyaʼ 4:18

“Zuʼ sə Pɛsè nyi ə mìə tu kûmə̀ nə è chɔʼ mi nə mə tsâ tom èchùŋ sê ghɨ ghɛ ə nyi mə pɔ. È və tom mi nə m tɔŋɔ ndâʼà sê ghɨ ghɛ ə tè nyi mə kyitê, nə tuʼve ə kwəyn kə za ghənə, ə fɨnə tomə mi nə m ndaʼa sê ghɨ fofə nə tuʼve ə kwəyn kə ghənə fe luʼte, se fɨnə fɨsê əghɨ ghɛ ə nyâplə̀ ə̀ ghənə ə ngəʼ,

Tom èchùŋ kè kə Lûk tè nyaʼ 4:34

“Wə̂e! Ò kyiŋə ghè ə ghàs əfètəyn ə Njisə̀s, va wùə Nazalɛ̀t vɨ̀yn, ò pə̀yn se pofsə̂ ghàs mə? M kendô fɨa kɛ ə ò nyi kəynke. Ə̀ nyi ke nâʼà ghò wùə è Ŋwaʼa Fèzhə̀.”

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 3:14

Njisə̀s tè nyi wùə èŋwaʼa, fɨyn nyi wùə ə̀ chichi, pîza ghàyn ə kwiynsə̂ Vəyn ə chyatə̂ Paylɛ̀t nə è pɨl za wùə, mə è zhwiə ə̀ghɨ.

1 Kɔlìŋ 2:15

Nâʼàpî ndè vɛ ə è kyi Zuʼse zɨ kê kə ə̀ghɛ ə̀kɨ̂m, pîza mə wùə vîvè vayn kaʼa è zɨ kê èghɛ kûmə̀ vəyn,

Ipilù 1:9

Ò kɔ̂ŋɔ̀ kə ə̀ghɛ ə chichiə, pânə̀ ə̀ghɛ ə piə. Ə̀ za nyi eghɛ zɛ ə Zhə̀ fɛfe chɔʼ ghô ə fo ghò èsaŋnêzè ə nə̀ nə o kɔʼnə̂ tsɛ̂ nâʼàpî ndè vɛ ghayn ghənə nyi.”

Ipilù 8:11

Wùə sê ghənə tə nə̂ ə è və zaʼlə̂ va ə və mɔʼɔ̂ pî se pì sê kɔ ə ghənə̂vè nə, ‘Ghàyn ke Pɛ̂pɛ.’ Kûmə̀ nə ghənə əkɨ̂m tə nə̂ ə ke mi, se zhə̀tə kə wùə etətə̂ ə ghənə ə fètəyn se nduə fɨ ə wûə èghaʼâ.

1 Njɔyn 2:27

Pîza, ghàyn nyi mə ə kyî Zuʼse Ŋwaʼase, se ndamə ə ghàyn ə fètəyn, kûmə̀ zɨnə mə, ghàyn fɨnə kyiŋə va nə wùə zaʼle ghàyn èghɛ zɛ ə ze nyi səmɔʼ. Kûmə̀ nə Zuʼse zaʼlə̂ ghàyn è nâʼàpî ghè vɛ ə ghàyn nyì se kê, mə ghɛ zɛ ə Zuʼse zaʼlə nyi səmɔʼ, ə̀ vachi àkaŋ. Zamə, ghàyn faŋ ke sə afɨa àmɔ̀ʼ ghâyn ghə̀ Klâys kə ə Zuʼse zaʼlə.

1 Njɔyn 4:13

Ghâsènì nyiə ke nə ghâsènì ndamə sə afɨa àmɔ̀ʼ è Zhə̀fè, è kɨsè nə Zhə̀fè ndamə sə afɨa àmɔ̀ʼ è ghâsènì, kûmə̀ nə È və fo Zuʼ sə Vəynse sê ghâsènì.

Njût 1:5

Pî kə ghàyn kàyne ke ə̀ghɛ nə ghɨnə mə, m kyiŋə se fɨnə Pɨ̀əytè ə ghàyn nə Pɛ̂pɛ ə shɨŋ ə̀ mɔ̀ʼɔ zhîzè ə tè fɨse ghɨə Isìlây ghè ə ngəʼ endaʼ ə Enjìpzè, pîza epàm ətəyn ə pofsə̂ ə̀ghɨ ə Isìlây ghɛ ə ghe tè tàʼa pomə̂ se vəyn.

Etyə̂yn ə paynsêzè 3:7

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Fìlàndefìyà nə: Ə̀ zɨ̀nə nyi tom mə è ndòm pə̂yn se wùə vɛ ə è nyi èŋwaʼzè è səmɔʼ, kyi àchɔʼ ə Ndàfîtkè, shîŋə̀ kɛ ə è chɔʼ cho ndɛve, wùə e va se fɨnə fâ, fâ, wùə e va se fɨnə chɔʼ.

Etyə̂yn ə paynsêzè 4:8

Fɨa endamə nə vɨnə tè nyi, nâʼàpî kɨ̂yn e kyi tèghɛ tètufə, kyi ə̀shi wiynve ekɨ̂m, nâʼàpî ə ghənə etîə tèghɛ̀. Ve tè zhəmə senjàŋ shîŋə̀ tekɨ̂m, zhəmə èchwì zhəmə etuʼve pìə nə, “È nyi Èŋwaʼe, È nyi Èŋwaʼe, È nyi Èŋwaʼe, Pɛ̂ mə nyi Fezhə̀ pɛ̀ àtyaʼ akɨ̂m. È tè nyiə nyi, è nyì ndô zôyn fɨyn nyi se tə pə̀yn!”