1 Njɔyn 2:13 - Ŋwàʼlè ə̀ Fèzhə̀ Mkâyn Mə̂ Fèm

¹³ M nyâʼà ə̀ghɛ nə ghɨyn sê ghàyn ə pɨ̀aghe kûmə̀ nə ghàyn nyi mə ghàyn ə kê Vəyn vɛ ə è tè nyi ə zhə̀te. M nyâʼà əghɛ nə ghɨyn sê ghàyn ə ngwàʼ ə wùə kûmə̀ nə ghàyn se nyi mə ghàyn ə tɛ tsɛ wùə èpi.

1 Njɔyn 2:13 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 13:19

Ghɨ ghɛ ə zɨə tom kûmə̀ èfɔ̂yn ə Fezhə̀e zɨə kê va nyi kə ngwàʼ zɛ ə è tàyntè aghòl endomke. Ndə̂plè ə pə̀ njiə ndô èghɛ zɛ ə fə zho ə ghənə təm.

Matyò 13:38

Fûʼ ətəynke e nyi mbi, ngwàʼ èchùŋ zɛ e nyi əghɨ ghɛ ə ghe nyi etyə̀ èfɔ̀yn ə Fezhə̀vè, yîyn epike e nyi ə̀ghɨ ghɛ ə ghe nyi ə̂ ndə̂plè etyə̀.

Matyò 5:37

Pîza ə ò pì nə ò nə̀ nə̀ èghɛ, “O pìə nə m nə̀ nə̂ zəynze” kə ò pi nə, “ày m nə̀ nə̂ va zəynze” nâʼà pî èghɛ èkè zɛ ò paʼse ətəyn ndo sê satàyn.

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 14:7

Njisə̀s ə pìə se ghənə nə, zôyn kə ghàyn ke mi, ghàyn nə̀ kê kəpî pɨ̀a vɨ̂mvè, mə se zhə̀tè zôyn se ndù əshi ghàyn ə fe Vəyn, ə kê Veyn.”

Njɔyn 14:9

Njisə̀s ə pə̀ynsə̀ pfɨfə nə, “Piə e za nyi nə mə ndam ghâsènì sə aghaf nyî ə Filìp, ò ke va Miə? Nâʼàpî ndè vɛ è nyi mə è və fe mi, nyi mə è və fe Pɨ̀a, kûmə̀ ghè ə ghàyn fɨnə pîə nə, ‘Tyə̀yn Pɨ̀a sê ghàs ə?

Njɔyn 16:3

Ghɨ tə nə̂ ə̀ghɛ nə ghɨyn sê ghàyn kûmə̀ nə ghənə paʼà kê Pɨ̀a Vɨ̂m ə tàʼa ke Mi.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 17:21

M tsə̂mə̀ nə ghənə ə tsɨ̂yntè nyi ke sə eghɛ èmɔ̀ʼ, kèpî èghɨ kə Ghò ə Pɨa Vɨm nyi ə Mì ewìyn, M nyi ə Ghò ewìyn. Nə ə ghənə faŋ sê ghasè Ghò kə ghɨ mbi ghɨnə pomə nə ə̀ tom Ghò Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Njɔyn 8:19

Ghɨ ə Falàsî ghə ke pfɨf sê Vəyn nə, “Pɨ̀a Vɛ̂ vàyn?” Njisə̀s ə pə̀ynsə̀ sê ghənə nə, “Ghàyn ke va Mi, ke va Pɨ̀a vɨm. Ə ghàyn fe ke Mi, mə ghàyn ke kepî ndò Pɨ̀a vɨ̂mè.”

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

1 Timotì 5:1

M pìə sê ghò nə kə ò nə nə̂ ò wàmnə̀ sê wùə ndumə sə atyaʼ. Ə ò wàmnə̀, ò njìə kə nâʼà vəyn kə pɨ̀a vɛ̂vè. Ò piə ò nə̀ èghɛ sê kwuŋte, ndumə̂ tsɛ̂ ghənə, ò njìə ghənə kə ə ghɔnɛ̂ghe ndômə̀ghè.

Taytùs 2:6

Kèpî èghɨ famə endom, zaʼle kwuŋ tɛ ə te kwûʼtè malə nə ghənə ə kyîə sèngɨŋ sə ghənə̂sè.

1 Njɔyn 1:1

Ghàs tsà sê ghàyn kûmə̀ tom zɛ ə è fo ndamze. Tom nə zɨ̂yn tè nyì ndò tsɔ̀fə kə mbi zhə̀te. Ghàs ə tè zɨ kə è tè wàmnə̀ sə ghàs ə ngɨŋ, ə fe kə nâʼà vəyn è shi ghasə ə fɨnə kûmə̀ kə nâʼà vəyn è gho ghasə sè wâmnə̀ zôyn kûmə̀ vəyn.

1 Njɔyn 2:1

M nyâʼà əghɛ ghɨ̀yn sê ghàyn ə ghɔyn ghɨmə kə ghàyn ə fɨnə nə̂ va ghɛ ə piə. Pîza, ə nə̂ pîndè ghɛ epi, ə è və ke nə ghâsènì nyiə kyi wùə chichi, ə̀ nyi Njisə̀s Klâys, È ve chyatə̂ Pɨ̀a ə ghâsènì elùʼ.

1 Njɔyn 2:12

M nyâʼà ə̀ghɛ nə ghɨ̂yn sê ghàyn ə ghɔyn ghɨmə kûmə̀ nə Zhə̀fè ə lɛ̀sè fo pi saynse kûmə̀ èzə ə Njisə̀s Klâyszè.

1 Njɔyn 2:14

M nyâʼà əghɛ nə ghɨyn sê ghàyn ə ghɔyn ghɨmə kûmə̀ nə ghàyn nyi mə ə kê Pɨ̀a. M nyâʼà se ghàyn ə pɨ̀aghe kûmə̀ nə ghayn nyi mə ə kê Vəyn vɛ ə è tè nyi ə zhə̀te. M nyâʼà əghɛ nə ghɨyn sê ghàyn ə ngwàʼ ə wùə kûmə̀ nə ghàyn nyîə tɛ, ghɛ ə Fezhə̀zè e nyi ə ghàyn ətəm, mə ghàyn ə tɛ tsɛ wùə èpi.

1 Njɔyn 3:12

Ghâsènì kyi va sə̂ nyi kə Kên. È tè nyi wùə ə̀ ndə̂plè, ə zhwiə ànyìə vəyn. È tè zhwi vəyn kûmə̀ ghè? Kûmə̀ nə Kên tè nyiə ndamə nə̂ ə̀ghɛ ə pighe, ànyìə vəyn e nə̂ ghɛ ə ghe tè nyi chichi ə Zhə̀fè ə shi.

1 Njɔyn 4:4

Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.

1 Njɔyn 5:18

Ghâsènì ke ndô nə ghɔ Fezhə̀ vayn kàʼa ə nə̂ ndùə kə pi, kûmə̀ nə Va Fèzhə̀ tɔ̀ʼnə̀ ndò è ghənə, mə wùə èpi vayn kàʼa è nəyn ghɛ epi zhîze sê ghənə.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 2:7

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Fezhə̀sè pìə sê ndɛ sə Fezhə̀sè. Ə̂ nò zhi pîndè, ə m fo vəyn èndomve kə è kwɨl tam ə fekàʼ fə endam fɛ ə fe ndəmə ə Zhə̀fè afùʼ mtamke.”