1 Njɔyn 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Wùə vɛ ə è panə̀ ànyìə vəyn ndamə alɨm, kwîə tsɛ̂ əfètə̂ alɨm, mə ke ə nə̀yn vəyn è ve fe va nə e ndùə ghayn zə.

1 Njɔyn 2:11 ပူးပေါင်းရင်းမြစ်များ

Njɔyn 12:35

Njisə̀s ə pìə sê ghənə nə, “Ə ghàyn fe pa kyi epayn kè sə fendiŋə̀ fə ashìŋə̀fè nyî, ə ghànə kwîə, luʼte e pa panə, kə lɨma nə̂ ka ghàyn. Ə wùə kwìə alɨm, ə è və fe kê va nə e ndùə ghaynze ə?

Njɔyn 12:40

“Zhə̀fè ə nə̀yn, ghənə ghe fôf ə fɨnə tɛsə̂ ə̀təm ə ghənə̂ghè kə shiə ghənə̂ ghə fe va, kwâʼtè tə ghənə̂tè e zɨə kê va, ə ghənə fɨyn va se pə̀yn se Mi, kə M tsuʼ ghənə.”

2 Kolìŋ 3:14

Kwaʼtè tə ghənə̂tè tè nyi mə fìyn, pî se kɔʼɔ zaʼâ ndàyn, kwaʼtè tə ghənə̂tè nyi mə ə fìyntè nâʼà pi ashìŋə̀ àkè kɛ ə ghənə tɔŋɔ ŋwàʼlè àlâŋ. Ə kaʼa nji tsɨsè ke àfɨa əkɨytə nə kɨnə mə ezhoghɛ ə wùə tsɨ̀yntè paʼse yî Klâys.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

Taytùs 3:3

Ə̀ tè nyì sə shi, ghâsènì tè nyîə ngô kəpi, tɛ ètuve, nə̂ pofsə̂ kəpi ə̀ghɛ. Ə tə chwìtè pofsê ghâsènì, ze ə nə̀ ghâsènì e nyi èkɔ̂s se ghɛ ə tsɨə ghɛ ə ghâsènì tè kyiŋə, è kyì əghɛghe əkɨ̂m ghɛ ə wiyn ə ghasènìve tè tyə̀nə nə ve nyîə tsɔ̂fə̀. Ndam ə ghasènìze tè nyîə kyi pi setsɨ̀, ghâsènì e kyiŋə sə̂ kyi èfɨa vɛ ə ghɨə mɔ̀ʼɔghe kyi, fɨnə pânə̀ sèngɨŋ sə ghasènìse.

2 Pità 1:9

Pîza ə ghàyn nə̀ va ghɛ nə ghɨ̂yn, ə ghàyn ə nyi kə ghɨ ghɛ ə ghe nyi mə ə fòf, shiə ghənə̂ghè e tɔ̀ʼɔ̀ fe va luʼte. Ə zə nyi nə ghàyn ə lɛ̀sè nə Zhə̀fè ə lɛ̀sè fo pi saynse epàmse.

1 Njɔyn 1:6

Ə ghâsènì sè piə nə ghasènìə ghə̀ Zhə̀fè nyì sə afɨa àmɔ̀ʼ pîza fɨnə kwîə alɨm, ə ze ə tyə̂nə̀ nə ghâsènì wamə àkaŋ, nə̂ va ghɛ zɛ ə ze nyi səmɔʼ.

1 Njɔyn 2:10

Pîza mə ə kɔ̂ŋɔ̀ pîndè ànyìə vəyn, ə ze ə tyə̂nə̀ nə è ndamə epayn, ghɛ zhîze va ə vəyn endam se nə̀yn nə wùə pfɨ əfètə̂ pi.

1 Njɔyn 2:9

Ə̀ pìə pîndè nə e ndamə epayn, pîza pa pânə̀ ànyìə vəyn, ə ze ə tyə̂nə̀ nə è pa ndamə kə alɨm.

1 Njɔyn 3:15

Wùə vɛ ə è pànə̀ ànyìə vəyn nyi wùə vɛ ə è zhwiə. Ghàyn e ke nə nâʼàpî ndè vɛ ə è zhwiə kyi va ndam zɛ ə ze tə mîə va.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

Etyə̂yn ə paynsêzè 3:17

Ò pìə nə, ‘ò nyiə kyi èkɛ, mə o fɨ̂aʼ kɛve, lâʼà va fɨake.’ Pîza ò pìə za ke va nə ò nyi afɨa ə laʼsəke, è fɨa ə kosə nə esəynke, nyi afɨf mə o fòf fɨnə kwiə è sas ezomze.