1 Njɔyn 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə ghâsènì kyi komə̂ ewìynze kûmə̀ sèpi sə ghasènìse, ə Zhə̀fè lɛse fo sepi sə təynse, ə È shu zose ghâsènì nâʼàpî ə ghe vɛ e va chichi ə ghâsènì endam ə Vəyn əshi. È nə̀ nə̂ nyiəmə kûmə̀ nə È pìə pi nə ghɛ, È və nə̀ kə zamə.

1 Njɔyn 1:9 ပူးပေါင်းရင်းမြစ်များ

Matyò 3:6

Ə pə̀ kə ghənə tsɛ̂ fɨ̀aʼtè tə ghənə̂tè, è və fo m̀mo sê ghənə ə tsô Njondàyn.

Ŋwàʼlè ə̀ Mâk 1:5

Ghɨghe ə fɨə apàs endaʼ ə Njòndyâzè kè əkɨ̂m è Njèlusalɛ̀m ndùə se zɨtê sê vəyn, chîə èkome ewìyn kûmə̀ sèpi sə ghənə̂sè, e və fo m̀mo sê ghənə ə tsô èghaʼâ ə̀ Njondàyn.

Tom èchùŋ kè kə Lûk tè nyaʼ 22:57

Pità ə toynə̂ ə piə nə, “Wùzhɔyn vɨ̂yn, m ke pi va vəyn.”

Njɔyn 17:25

Pɨ̀a Vɨ̂m ve èchùŋ vɛ ə ò nyi chichi! Mbi ke va Gho, pîza M ke Ghò, ghənə è ke nə ə̀ tom Ghô Mi.

Ətefɨ̂aʼ 19:18

Ghɨə pomə e tsɨəghe e fɨə pə̀ kə ə ndayn, tsâ ə̀ghɛ pi ghɛ ə ghənə tè nə tsɔ̀fə kə ghənə pomə.

Ŋwàʼlè ə̀ Pɔ̂l sê ghɨə Lûmghè 3:26

Pîza fa ashìŋə̀ è nyi mə È və tyə̀yn se ghɨghe nə È nyiə nə̂ ə̀ghɛ chichi, mə È və tyə̀yn se ghɨghe əkɨ̂m nə Zhi tə fiə ndò nâʼàpî ndè vɛ ə è pomə sê Njisə̀s.

1 Kɔlìŋ 1:9

Zhə̀fè pìə èghɛ, nə̂ kə zəynze. Ə̀ nyi Fəynfe ə Fe tɔŋə ghàyn nə ghàyn ə fɨaʼà sə eghɛ èmɔ̀ʼ è Va vəyn, ə Pɛ̂pɛ ə ghâsènì Njisə̀s Klâys.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 11:11

Ə̀ tè nyi tɔynə̂ ekyî epomə̂zè kə Sèla, ə wùə mə è və ndumə̂ tsɛ se pîə ə vayn, tè nyi kàʼa è piə vayn kûmə̀ nə è və tə samsê Zhə̀fè nə fe nə̀ nə̂ èghɛ zɛ ə fe tè tsɨ̀ne.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

1 Njɔyn 1:7

Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

Etyə̂yn ə paynsêzè 15:3

zhəmə sènjàŋ sə Mosîsè, ə wùə èfɨaʼa ə̀ Fèzhə̀, è njàŋ sə Vâ Ndzèsè piə nə: “Pɛ̂pɛ Zhə̀fè, Pɛ̀ etwɔʼ ekɨ̂m. Ò nə̀ əghɛ ə ghaʼâ ə kayntəghe! Ò nyi fɔ̀yn se mbi èkɨ̂m. Ndom tɛte nyi chichi fɨyn nyi səmɔʼ!