1 Njɔyn 1:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ə ghâsènì piə nə ghâsènì kyi va fɨ̂atə̀ fə pife ə ghâsènì endam, ə ghâsènì ə lesə̂ kə sèngɨŋ sə ghasènìse, səmɔʼ e va ə ghâsènì ətəm.

1 Njɔyn 1:8 ပူးပေါင်းရင်းမြစ်များ

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ŋwàʼlè ə̀ Pɔ̂l sê ghɨə Lûmghè 3:10

Ə nyàʼ ə ŋwàʼlè ə Fèzhə̀ nə, “Wùə vîvè va chichi. Wùə va pî èmɔ̀ʼ ə è nyi chichi.

Ŋwàʼlè ə̀ Pɔ̂l sê ghɨə Lûmghè 3:23

Nâʼà ghɨghe əkɨ̂m ə nə̀yn pi, wùə vîvè kwəynə̂ va se kyî epomsê ə Fezhə̀zè.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

Ngàleshyà 6:3

Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

Njə̂m 3:2

Ghâsènì əkɨ̂m nyìə nə̂ pofsə̂ ə̀ghɛ. Ə wùə nə̀ pofsə va ə vəyn ewàmnè, ə nyi mə wùə ə̀təyn ə ndəmə̂ kwəyn, nyi mə è kàʼa è chise ngɨŋə̂ vəyn əghɛ ə mɔ̀ʼɔghe əkɨ̂m.

2 Pità 2:13

Zhə̀fè tə ndâʼà ghənə kèpî è ngəʼ nə zɨnə̀ ə ghənə tè fo sê ghɨə mɔ̀ʼɔ. Ghənə zɨə èfɔm ezhoghɛ ə ghənə nə̂ ghɛ ghɛ ə njà èwìyn ə̀ ghənə̂ kyiŋə atɛ ə chwîkè. Ghɛ zɛ ə ghənə nə̂ nyi èghomə̂zè, ghənə e nyi kə ndi èpi ə ghàyn ə fètəyn. Shîŋə̀ kɛ ə ghənə tsɨsə se zhi ghâyn ghə̀ ghənə, ghənə e zɨə èfɔm ezhoghɛ ə ghənə lesə̂ ghàyn.

1 Njɔyn 1:10

Ə ghâsènì pìə nə ə pâʼà nə̀yn pi, ə ghâsènì ə njiə vəyn sə wùə àkaŋ, tom ə vəyn e kyi va luʼve ə ghâsènì endam.

1 Njɔyn 1:6

Ə ghâsènì sè piə nə ghasènìə ghə̀ Zhə̀fè nyì sə afɨa àmɔ̀ʼ pîza fɨnə kwîə alɨm, ə ze ə tyə̂nə̀ nə ghâsènì wamə àkaŋ, nə̂ va ghɛ zɛ ə ze nyi səmɔʼ.

1 Njɔyn 2:4

“Ə wùə pìə nə e ke ndô Zhə̀fè”, pîza ndə̂mə̀ va lwɔ̂ŋ ə Vəynve, ə è və nyi wùə àkaŋ, səmɔʼ e va ə vəyn ətəm.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

2 Njɔyn 1:2

M kɔ̂ŋɔ̀ ghàyn kûmə̀ səmɔʼ zɛ ə è nyi ə ghâsènì əfètəyn, ə səmɔʼ zɛ ə è tə ndamə faŋə.

3 Njɔyn 1:3

Ghɔnyì yîghe tè pə̀yn tsâyn sê mi nə ò nə̀ kə nâʼà èghɛ zɛ ə ze nyi səmɔʼ, tyəm ke eghɛ zɛ ə ze nyi səmɔʼ, m saŋnə̂ nâʼà sə ŋaŋ.