1 Njɔyn 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Pîza, ə ghâsènì kwîə əfètə̂ èpayn kèpi eghɨ kə Zhə̀fè nyi əfètə̂ èpayn, ə ghâsènì ə tsɨ̂yntè nyi ke sə afɨa àmɔ̀ʼ, ə ndə̂m mə̂ Njisə̀sə̀m, ə Va Fèzhə̀ shuə zosê ghâsènì ə ghâsènì ə sepi sekɨ̂m.

1 Njɔyn 1:7 ပူးပေါင်းရင်းမြစ်များ

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Njɔyn 12:35

Njisə̀s ə pìə sê ghənə nə, “Ə ghàyn fe pa kyi epayn kè sə fendiŋə̀ fə ashìŋə̀fè nyî, ə ghànə kwîə, luʼte e pa panə, kə lɨma nə̂ ka ghàyn. Ə wùə kwìə alɨm, ə è və fe kê va nə e ndùə ghaynze ə?

Ŋwàʼlè ə̀ Pɔ̂l sê ghɨə Lûmghè 13:12

Tuʼve se nyi ke se zo, pɨəynke se panə mɨ̂sə̀ pə̂ ndò. Ə ghâsènì zàmaʼà ə̀ghɛ pi ghɛ ə ghâsènì tè nə̂, ə maʼ fɨa eghɔ̀ŋ vɛ ə nô ətəyn əfètə̂ epayn.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

Njə̂m 1:17

Nâʼàpî èfo echûŋ èkè, è nâʼàpî èghɛ èkè zɛ ə ze kyi va ləʼke ndò pə̂ ekwùtwəyn sê Zhə̀fè, ə fɛ ə fe tè fɛte payn tekɨ̂m tɛ ə te nyi awulə. È kwiynə̂ tsɛ̂ va kə anyɨ̂ŋsè kɛ ə ke kɨŋtə tsɛ̂ kəndò.

1 Pità 1:19

Pîza Fe tè zhɔyn ghàyn è ndə̂m mə̂ Klâysə̀m, ə̀ nyi m̀ndəm kyi àtyaʼ. Klâys tè nyì ke kə vâ ndzè, kyi va ndi nâʼà səkɔs.

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

1 Njɔyn 1:5

Tom zɨ̀nə ə ghàs ndàʼà sê ghàyn zôyn nyi mə ghàs zɨ sê Njisə̀s Klâys. È nyi nə: Zhə̀fè nyi epayn, kyi va ghɛze se nə̀yn è lɨma nâʼà səkɔs.

1 Njɔyn 5:6

Ə̀ nyi Njisə̀s Klâys nə vɨ̂yn ə è ndò ekwùtwəyn ə pə̀ ə chi, ə fiə m̀mo ə fɨnə kwuə ə tsosə̂ m̀ndəm mə Və̂ynmè. È tè pâʼà fi ke môm, è və tè kwu kepî ə sɨsə m̀ndəm mə Və̂ynmè. Ə̀ nyi Sèzuʼ se Ŋwaʼase ə se tyəm tsɛ̀ èsaʼ sê ghɛ nə ghɨyn kûmə̀ nə Zuʼse Ŋwaʼase wamə va kaŋke.

1 Njɔyn 5:8

Ghe nyi kepî ə̀ ta ə ghe tyəmə tsɛ̀ èsaʼ fa chi, ə Sezuʼ, è môm è kɨsè ndə̂mə̀m. Ghɛ nə ghɨnə mə ə ta e pomə̂ èghɛ èmɔ̀ʼ ghâsènì kê səmɔʼ kûmə̀ Njisə̀s kûmə̀ nə Zuʼse tsâ ndò sê ghâsènì, ghâsènì nyîə ke nə ə tə fo môm sê Njisə̀s è môm, È və sɨ̀sə̀ m̀ndəm mə vəynm̀ kə È tè kwu. Ndom tɨ̀nə tèta tyə̂nə̀ nə Klâys nyi Vâ ə Fèzhə̀.

2 Njɔyn 1:4

M saŋnə̂ nâʼà sə ŋaŋ kə m fe ghɔyn ghɛghe nə̂ kə èghɛ zɛ ə ze nyi səmɔʼ, ndamə kə eghɨ kə Pɨ̀a tè pì sê ghâsènì.

3 Njɔyn 1:4

Ghɛ zhîze va ə ze kaʼa ze nəyn, ə m fɨyn tɔʼ saŋne tsɛ̂ kə m zɨ nə ghɔyn ghɨmə tyəm ke eghɛ zɛ ə ze nyi səmɔʼ.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Etyə̂yn ə paynsêzè 12:11

Ghɔnyì ə ghâsènì nə ghɨ̀nə̀ ə nò ə zhiə vəyn tɔynə̂ m̀ndəm mə Va Ndzèm, tɔynə̂ ə səmɔʼ zɛ ə ghənə tè tsâ, è kɨsè nə ghənə tè nyîə nyi èpɨaʼtêzè se kwu ezhoghɛ ə kwuze pə̂yn.

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.