1 Kɔlìŋ 9:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Wùə ènyɨŋə vɛ ə è nə̀ fɨ̂aʼ ə vəynze kyi sə̂ chûmtə̀ elwɔ̂ŋ enyɨŋəve. Ghənə nə̂ e nə̂ za se kyi emaʼte, ve va se ndamə faŋ, pîza ghâsènì nə̀ e nyi se kyî emaʼte vɛ ə ve tə ndamə faŋə.

1 Kɔlìŋ 9:25 ပူးပေါင်းရင်းမြစ်များ

1 Kɔlìŋ 15:54

E za nyi nə shîŋə̀ kɛ ə zɨnə mə tə kyânə̀, ghɨ ghɛ ə fîə ə kwiynə̂ nduə se ghɛ ə ghe fîə va, ə ghɛ zɛ ə nyi mə ə nyàʼ ə ŋwàʼlè ə̀ Fèzhə̀ ke pə̀yn səmɔʼ nə, “Ə pofsê kwue, tɨmə ezhize ə pə̀yn mɨsè.”

Ngàleshyà 5:23

kyi engɨmnê, ke se kyiə sengɨŋ. Lâŋ kyîke kwiynsə̂ va nâʼà èghɛ èmɔ̀ʼ əfètəyn ə̀ghɛ nə ghɨ̂yn.

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

2 Timotì 2:5

Wùə ènyɨŋə vayn kàʼa è nyɨŋ zhi ə̀ tsɛ̂ kə va mə è və ndə̀m saʼ te nyɨŋəte.

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Ipilù 12:4

E nyi səmɔʼ nə ghàyn nô pi ə ghàyn ə tendam pîza wùə vîvè paʼà nò se nduə fɨ andiŋ kɛ kə zhwi vəyn.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 1:4

ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.

1 Pità 5:4

Ə ghàyn nəyn nyi, ə wùə vɛ ə è nyi tu ə sengyəynke tə kɛse pəyn pi etuʼ èkwə̀, ə è ndaʼ ghàyn è fɔ ə tefɔ̀yn ə kayntəke mə ke tə ndamə faŋə.

2 Pità 1:6

Famə ə ghàyn etɔf, famə ə ghàyn e kyîə sèngɨŋze, ghàyn e kyi kepî èwəynsê, wəynsə kə va ndô pîza fɨnə ndamə èndam zɛ ə ze nə̂ Zhə̀fè e saŋnə̂,

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 3:11

Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.

Etyə̂yn ə paynsêzè 4:10

chəʼ sɛ mghɨm pɛ̀ njòse kyàʼ ə tɨmə ə̀ngwuʼ ə wùə vɛ əshi ə è tsɨs əfekyə̀ fə efɔ̀ynfè za ngɨmnə̂ vəyn vɛ ə è ndamə sə teshìŋə̀ tekɨ̂m. Ghənə tè màʼà kepî fɔ ə ghənə̂ və tefɔ̀ynvè ashi ə fèkyə̂ fə efɔ̀yn nə fɛ, pìə nə,

Etyə̂yn ə paynsêzè 4:4

Kyə̀ mə tefɔ̀yn mîmè e nyi m̀ghɨm pɛ̀ njòse kyàʼ mə m̀ mə kyɨ̀ŋ ka kyə̂ fə efɔ̀yn nə fɛ, chəʼse tsɨs ətəyn mə sə màʼ ndzɨse fɨfə̂sè ə sò efɔ ə tefɔ̀ynvè mə ə fɛte è ngôl.