1 Kɔlìŋ 9:22 - Ŋwàʼlè ə̀ Fèzhə̀ Mkâyn Mə̂ Fèm

²² Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

1 Kɔlìŋ 9:22 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

Ŋwàʼlè ə̀ Pɔ̂l sê ghɨə Lûmghè 14:1

Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Ŋwàʼlè ə̀ Pɔ̂l sê ghɨə Lûmghè 14:2

Pomə əghɨ̀ yîghe zâ ndò nə ghənə zhi nâʼàpi àkè, pîza ghɨ ghɛ ə pomə ghənə̂zè tɛ va, ghənə zhiə kə èmbàs.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

Ŋwàʼlè ə̀ Pɔ̂l sê ghɨə Lûmghè 15:2

Ghâsènì kyi sə̂ nə̂ ə̀ghɛ endom vɛ ə ve nə̀ nə̂ nə ghɔnyì ə ghasènìghe nə pomə̂ ə ghənə̂zè ə tɛ.

1 Kɔlìŋ 10:33

Ghàyn e nə̂ kə kə m nə̂, m mɔmsə̀ se nə̀yn nə nâʼàpî ndè ə saŋnə̂ əghɛ ə̀kɨ̂m ghɛ m nə̂, kwaʼtə̀ va sê chùŋ zɨ̂mè, pîza kwaʼtə̀ se chùŋ ə̀ nâʼàpî ndè, kə Zhə̀fè kàʼa ə fe sɔza ghənə.

1 Kɔlìŋ 7:16

Ghò wùzhɔyn èpomə, wùə keva, ze kaʼa ə ze kyayn nə ò kàʼa ò sɔza ndom vɛvè, è ghò wùə èndomə̀ èpomə, wùə keva, ze kaʼa ə ze kyayn nə ò kàʼa ə ò sɔza zhwi vɛvè.

1 Kɔlìŋ 8:13

E za nyi nə ə fɨazhiəve nyi se nə̀yn nə ànyìə vɨmve nəyn pi, m tə tàʼa fɨnə kwɨlə njà, kə ndɔ̀ʼɔ m nəyn ə è pfɨ ə pi.

1 Kɔlìŋ 9:19

M nyi sə mì ə ngɨŋ, vachi àkɔs ə wûə vîkè, pîza mə nə̀yn sə nyi àkɔs se nâʼàpî ndè kè endom se nə̀yn nə zə pɔynə̂ kə ghɨə pomə̂ nâʼà setsɨ̀ setsɨ̀.

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 11:29

Ə m fe wùə è ve pɔ, ghɛ ətəynze fo ngəʼ sê mi, ze ə nə̀ mi m pɔŋə pɔ. Ə wùə pfɨ̀ əfètəyn əpi, ghɛ ətəynze fo ngəʼ sê mi nâʼà sə ŋaŋ.

Ngàleshyà 6:1

Ghɔnyì ghɨmə, ə wùə sê ghàyn nə̀yn nâʼàpî pi èkè, ghàyn ghəmɔ̀ʼɔ ghɛ ə Zuʼse ŋwaʼase chisə ghàyn, ghàyn mɔmsə̀ se tyə̀yn endom sê vəyn è pɔ̂ynè. Ə ghàyn piə tyə̀ynə̀, ghàyn e tɔ̂ʼnə̀ è ngɨŋ saynse ə̀ va za, ə nâʼà ghàyn kàʼa pɔŋ pfɨ̀.