1 Kɔlìŋ 9:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ M nyi sə mì ə ngɨŋ, vachi àkɔs ə wûə vîkè, pîza mə nə̀yn sə nyi àkɔs se nâʼàpî ndè kè endom se nə̀yn nə zə pɔynə̂ kə ghɨə pomə̂ nâʼà setsɨ̀ setsɨ̀.

1 Kɔlìŋ 9:19 ပူးပေါင်းရင်းမြစ်များ

Matyò 18:15

Njisə̀s ə fɨnə pîə nə, “Ə ànɛ̂ nə̀yn pofse sê ghò, o ndùə fe vəyn elùʼ mə ə̀ nyì ke ghàyn vəyn ə̀pɛ̀ ə tsà èghɛ zɛ è pofse. Ə è fe ke nə zhiə ə nə̀yn pofsê, ə nyi mə ə fɨyn pɨaʼtê.

Ŋwàʼlè ə̀ Pɔ̂l sê ghɨə Lûmghè 1:14

Fɨ̂aʼ zɛ m kyi se nə̀yn nyi nə m ndaʼa tom èchùŋ se ghɨghe əkɨ̂m, kɨ̀sə ə nyi əghɨ endaʼa, kɨ̀sə ə̀ nyi əghɨ mbvɨynghe. M kyi se ndàʼa tom ə̀təyn sê ghɨ ghɛ ə ghe kyi tɔfze, è kɨsè se ghɨ ghɛ ə ghe kiva.

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

Ŋwàʼlè ə̀ Pɔ̂l sê ghɨə Lûmghè 15:2

Ghâsènì kyi sə̂ nə̂ ə̀ghɛ endom vɛ ə ve nə̀ nə̂ nə ghɔnyì ə ghasènìghe nə pomə̂ ə ghənə̂zè ə tɛ.

1 Kɔlìŋ 10:29

m pîə chîəva ghɛ nə ətəm ə saʼaghe, pîza kûmə̀ ə̀təm ə saʼa ə wûə vɛ ə è tsàyn sê ghò ə ghe nə̀ fɨmsə̂ vəyn. Pîza wùə vîvè nə̀ pîə nə, “Kûmə̀ ghè ə ze nyi nə m vayn kàʼa ə m nəyn ghɛ zɛ ə m kyiŋə se nə̀yn kûmə̀ nə m fânə̀ nə təm ə wûəghè nə̀ saʼa vəyn ə?

1 Kɔlìŋ 10:33

Ghàyn e nə̂ kə kə m nə̂, m mɔmsə̀ se nə̀yn nə nâʼàpî ndè ə saŋnə̂ əghɛ ə̀kɨ̂m ghɛ m nə̂, kwaʼtə̀ va sê chùŋ zɨ̂mè, pîza kwaʼtə̀ se chùŋ ə̀ nâʼàpî ndè, kə Zhə̀fè kàʼa ə fe sɔza ghənə.

1 Kɔlìŋ 7:16

Ghò wùzhɔyn èpomə, wùə keva, ze kaʼa ə ze kyayn nə ò kàʼa ò sɔza ndom vɛvè, è ghò wùə èndomə̀ èpomə, wùə keva, ze kaʼa ə ze kyayn nə ò kàʼa ə ò sɔza zhwi vɛvè.

1 Kɔlìŋ 9:1

M va sə mì ə ngɨŋ ə̀? M va wùətom ə̀? M tè paʼà fe Njisə̀s Pɛ̂pɛ ə̀ ghâsènì ə? Ghàyn va etwɔm efɨ̀aʼ zɨmze ə Pɛ̂pɛ ə̀?

2 Kolìŋ 12:14

Ghàyn e ke nə ə̀ zô se nyi tè shîŋə̀ tèta kə m pə̂ se fe ghàyn, nyi se pə̀yn se tàʼa pfɨf afɨa sê ghàyn kûmə̀ nə m kyiŋə kə ghàyn, ə̀ va chi èkɛ vaynve. Ə̀ pɨl kyi ə̀pɨà ghɔnə è nyì ə ghɔynghe sə̂ ndə̂tə̀ ndəmə èkɛ se tə tɔ̀ʼnè è ghɔynghe ətəyn, ə̀ va chi əghɔyn sə̂ ndətə̀ ndə̂mə̀ se ghənə.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

Ngàleshyà 5:1

Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

1 Timotì 4:16

Ò tɔ̂ʼnə̀ è ngɨŋ zɛ̂zè endom vɛ ə ò nə̀ ghɛghe ətəyn, ò tɔ̂ʼnə̀ se nə̀yn nə ghɛ zɛ ə ò zaʼlə kûmə̀ Fèzhə̀ nyì səmɔʼ. Ə ò nə̂ nyiə mə, ə Zhə̀fè sɔza ghò, ə è fɨyn sɔza ə̀ghɨ ghɛ ə zɨtə ghɛ zɛ ə ò zaʼlə.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

1 Pità 3:1

Zənə ghàyn pɔŋ tsosê sèngɨŋ saynse əchi sə̂ zɨə sê ndom ghaynghe. Ə ghàyn nə̀ nyi, ə ndam techûŋ taynte kaʼa ə te nəyn ə ndom ghayn ghɛ ə ghe tàʼa nyìəmə pomə, kwiyne təm ə ghənə̂, ə pomə sê Zhə̀fè ndɔ̀ʼɔ ghàyn fɨyn pi pî èghɛ sê ghənə,