1 Kɔlìŋ 9:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ə m nə̂ fɨ̂aʼ zɨmze mə ə̀ kɔŋ mi sə̂ nə̂, ə nyi nə ə kyi sə̂ ndàʼà mi; pîza m nə̀ nə̂ kə kûmə̀ nə ə̀ nyi eghɛ, m kyi ke se nə̀yn, mə ə̀ fo Fezhə̀ èfɨaʼ ətəynze nə mə nə̂.

1 Kɔlìŋ 9:17 ပူးပေါင်းရင်းမြစ်များ

Matyò 10:41

Ə̂ fi pi ndè fɨ̀aʼtè kûmə̀ nə è nyi fɨ̀aʼtè ə̀ Fèzhə̀, ə è və kyi èmâʼte kèpi kə̂ fɨaʼtə̀ Fèzhə̀, ə fi ndzɨse pindè wùə kûmə̀ nə wùə ə̀təyn nyi chichi ə Zhə̀fè əshi, ə è və kyi emâʼte ə wùə chichize.

Matyò 24:25

Ghàyn tɔʼ zɨtê! Mə kàynè tsayn ghɛ nə ghɨ̂yn sê ghàyn tsɔ̀fə ə ghe tə kyayn.

Tom èchùŋ kè kə Lûk tè nyaʼ 12:42

Pɛ̂pɛ ə pə̀ynsə̀ nə, “Wufɨ̀aʼa vɛ ə è zɨə pɛ̀ èfɨ̀aʼ ə̀ vəyn fɨnə tɔfə nyi vɨ̂yn? Ə̀ nyi vɛ ə pɛ̀ èfɨ̀aʼ ə̀ vəyn piə è ndùə èkwî, ə è ndəm vəyn əshi, ə è fo tyaʼa kə è və tɔ̂ʼnə̀ è ndɛ vəyn, fo efɨazhiəve sê ghɨ ashìŋə̀ kɛ ə ghənə kyiŋə ətəyn.

Njɔyn 4:36

Zôyn ə ndaʼà ndò wùə vɛ ə è kwìə fɨazhiə ətəynve, è zûŋtə̀ èfɨazhiə təynve sê ndam zɛ ə ze tə mîə va. Kə wùə vɛ ə è zho è vɛ ə è kwìə fɨazhiə ətəyn tə pə̂ ə tsɨyntə̀ saŋnə̂.

1 Kɔlìŋ 3:14

Zhə̀fè tə maʼtə̀ nâʼàpî ndè ezhoghɛ ə nyɔ̂ʼ fɨa vɛ ə njì se pɛ fumə achi ə ndɛke, ve ə tàʼa fu.

1 Kɔlìŋ 3:8

Wùə vɛ è zho è wùə vɛ e sɨ̀s môm nyi ke èghɨ, nâʼàpî ndè e nyi se tə kyiə emaʼtə vəynve kè kə̂ è tè fɨ̀aʼa.

1 Kɔlìŋ 4:1

Ghɨ kyi sə̂ njîə ghàs kə̂ ghɨ fɨaʼa ə Klâys ghɛ ə Zhə̀fè nyi mə fe ə fo fɨ̂aʼzè nə ghàs ə ndaʼà ə̀ghɛ ə ndətə səmɔʼɔ kûmə̀ vəyn.

1 Kɔlìŋ 9:16

M kiva sə̂ ghaŋsə ewìyn kûmə̀ kə̂ kə m ndaʼà tom èchùŋ. Nâʼà sə kàyn, ə̀ se nyi efɨaʼ mə ə ndə̀m nə m kyi sə̂ nə̂, mə m tàʼa ndaʼà ə tom èchùŋ ə̀təyn, ə tsôs ekaynə və nyi ə mì ətu!

1 Kɔlìŋ 9:18

Mâʼtè zɨme za nyi nâʼà ghè? Mâʼtè zɨme nyi ke nə mə ndaʼà tom èchùŋ, pfɨfə va mâʼtèzè, nyiəmə, kiva fɨa vɛ ə fe nyi eluʼ vɨmve sə̂ kyi kə wùə vɛ ə è ndàʼà tom èchùŋ.

2 Kolìŋ 8:12

Kûmə̀ nə ə ghàyn piə fo afɨa saŋnə̂ se fo kɛ ə ghàyn kyi, ə Zhə̀fè fi fo ətəynze kûmə̀ nə ə̀ nyi afɨa kɛ ə ò kyi, mə è kyiŋə va nə ò fo kɛ ə o kyi va.

Ngàleshyà 2:7

Ghənə tè pɨl fe nə Zhə̀fè ə fo fɨaʼè se mi nə m ndaʼa tom èchùŋ sê ghɨ ghɛ ə tè va əghɨ ə Njûsə̀, kèpi eghɨ kə fe tè fo sê Pità nə è ndaʼa sê ghɨ Njûsə̀.

Kòlosè 1:25

Ə̀ nəyn Fezhə̀ nə mə nyi wùə èfɨaʼa sê ghɨ ghɛ ə ghe pomə se Klâys. È və tom mi nə m tɔʼ ndaʼà tom nə zɨnə mə se ghàyn achûŋ.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

Filemùyn 1:14

pîza m nə̀ ndəmə̀ zâ va vəyn ə̀ tsɛ̂ kə va mə o pomə̂ kə ze ə tyə̂nə̀ nə nâʼàpî chùŋ èkè zɛ ə ò nə̀yn sê mi ə nyi mə ò nə̀yn ke ə ghò ekɔ̀ŋ, ə̀ vachi nə m ŋamne ndò ghò.