1 Kɔlìŋ 9:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Pîza m paʼà pfɨf fɨa vɨ̀yn pî kə ə̀ nyi eluʼ vɨmve se pfɨfə vəynve. M nyâʼà pîə va ghɛ zɨnə̀ nə ghàyn fo sê mi fɨa vɛ ə m nyi se kyî. Wùə vîvè vayn kàʼa è tyəmse ghaŋsê zɨmze wìynze kûmə̀ èghɛ nə zɨ̂yn.

1 Kɔlìŋ 9:15 ပူးပေါင်းရင်းမြစ်များ

Matyò 18:6

Ə̀ nə̀yn pîndè nə kyì ə vayn nə vɨ̂yn pfɨ ə vəyn epomə̂, ə zə tsɔ̂fə̀ nə ə kolə chi eghaʼâzè ə vəyn emì ə ndu mâʼà vəyn ə enjwì ə fengwaŋve mə ve lɔŋə̂ kə nyî.

Ətefɨ̂aʼ 18:3

kûmə̀ nə Pɔ̂l tè tàsə kəpi èfɨa è pfɨ̀ sə nyâmsè kə ghənə, e və ke faŋ fɨaʼà yî ghə̀ ghənə.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 20:33

M paʼà tyəmə pə̂ kɔ̂ŋɔ̀ se kyiə ekɛ ə wùəvè kɨ̀sə sendzɨs.

Ətefɨ̂aʼ 20:34

Nâʼà ghàyn nyîə ke sə ghàyn ə ngɨŋ nə, pi ghè vɛ ə ghasè ghɨ anɔ̀yn ghɨmə tè kyi, nyi mə ə̀ fɨ̂aʼ kê mi è gho ghɨmə.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

1 Kɔlìŋ 4:12

Ghàs fɨaʼà è tyaʼa, kè nâʼà è gho ghasə. Ə ghɨ sôylə̀ ghàs, ghàs e pɨlə tsə̂mə̀ nə Zhə̀fè pɔse ghənə, e tsə̀fsə̀ ghàs, ghàs e wəynə kə ndò.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:18

Mâʼtè zɨme za nyi nâʼà ghè? Mâʼtè zɨme nyi ke nə mə ndaʼà tom èchùŋ, pfɨfə va mâʼtèzè, nyiəmə, kiva fɨa vɛ ə fe nyi eluʼ vɨmve sə̂ kyi kə wùə vɛ ə è ndàʼà tom èchùŋ.

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

2 Tèsàlonikà 3:8

Ghàs tè paʼà zhi fɨa ə wûəkè ə faŋə se ndàʼ. Ghàs tè pɨlə fɨ̀aʼa nâʼà è tyaʼa, èchwì è kɨsè ètuʼve endom se kyî ekɛ kə ndɔ̀ʼɔ ghàs ə pfɨfə èkɛ se ghàyn se zhɔyn efɨa vɛ ə ghàs kyiŋə.