1 Kɔlìŋ 9:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:12 ပူးပေါင်းရင်းမြစ်များ

Tom èchùŋ kè kə Lûk tè nyaʼ 11:52

Ngəʼ èghaʼâ nyi sê ghàyn ə tyə̀ynsè sə alàŋsè, kûmə̀ nə ghàyn ndə̀tə̀ àchɔʼ kɛ ə ke chɔʼɔ cho ndɛ etɔfe, nâʼà ghàyn e njiə va ətəyn, fɨnə tâmtə̀ ə ghɨ ghɛ ə ghe kyiŋə se nji ə ndɛ etɔf nə zɨ̂yn.”

Ətefɨ̂aʼ 18:3

kûmə̀ nə Pɔ̂l tè tàsə kəpi èfɨa è pfɨ̀ sə nyâmsè kə ghənə, e və ke faŋ fɨaʼà yî ghə̀ ghənə.

Ŋwàʼlè ə̀ Pɔ̂l sê ghɨə Lûmghè 15:22

Ə̀ nyi ekwî zɛ ə m kwîə tsɛsə̀ ə ze nə̂yn nə mə va se pə mòtə ghàyn.

1 Kɔlìŋ 13:7

Wùə vɛ ə è kɔ̂ŋè, è pɔ tsɛ̂ va, shîŋə̀ tekɨ̂m è nyiə kyi èpomə, è nyiə kwaʼtə̀ lɨmtə̂ se kyî afɨa kɛ ə è lɨmtə, kyi kepî èwəynsê ewìynze.

1 Kɔlìŋ 6:7

Sə̂ kyîə kə nâʼà sèsaʼ ə ghàyn ə fètəyn, ze tyə̂nə̀ nə ghàyn laynse nyi mə ə pfɨ̀. E tsɔ̂fə̀ nə ghɨghə pɨlə nə̂ pi sê ghàyn. E tsɔ̂fə̀ nə ə pɨlə ndô ə̀ghɨ ndô, fiə èfɨa vaynve.

1 Kɔlìŋ 9:14

Kèpi èghɨ, Pɛ̂pɛ ə tsɛ̀sè sə esaʼ nə ghɨ ghɛ ə ghe ndaʼà tom èchùŋ kyîə èfɨazhiə ə ghənəvè fumə ə tom èchùŋ nə zɛ mə ə ghənə ndâʼà.

1 Kɔlìŋ 9:15

Pîza m paʼà pfɨf fɨa vɨ̀yn pî kə ə̀ nyi eluʼ vɨmve se pfɨfə vəynve. M nyâʼà pîə va ghɛ zɨnə̀ nə ghàyn fo sê mi fɨa vɛ ə m nyi se kyî. Wùə vîvè vayn kàʼa è tyəmse ghaŋsê zɨmze wìynze kûmə̀ èghɛ nə zɨ̂yn.

1 Kɔlìŋ 9:16

M kiva sə̂ ghaŋsə ewìyn kûmə̀ kə̂ kə m ndaʼà tom èchùŋ. Nâʼà sə kàyn, ə̀ se nyi efɨaʼ mə ə ndə̀m nə m kyi sə̂ nə̂, mə m tàʼa ndaʼà ə tom èchùŋ ə̀təyn, ə tsôs ekaynə və nyi ə mì ətu!

1 Kɔlìŋ 9:18

Mâʼtè zɨme za nyi nâʼà ghè? Mâʼtè zɨme nyi ke nə mə ndaʼà tom èchùŋ, pfɨfə va mâʼtèzè, nyiəmə, kiva fɨa vɛ ə fe nyi eluʼ vɨmve sə̂ kyi kə wùə vɛ ə è ndàʼà tom èchùŋ.

1 Kɔlìŋ 9:2

Ə m va pî wùətom se ghɨə mɔ̀ʼɔghe, m mə ke nə m nyi ndô sê ghàyn kûmə̀ èndom vɛ ə ghàyn nyi ətəyn sə eghɛ èmɔ̀ʼ ghâyn ghə̀ Pɛ̂pɛ. Zɨnə mə chwîtə̀ nə m nyi wùətom.

2 Kolìŋ 11:12

M faŋə ndùə kə nyî sə̂ nə̂ kə èghɛ zɛ m nə̂, kə m nəyn ə ghɨətom ə mɔ̀ʼɔghe ə kyi va ghɛze sə̂ pfɨ̂nə̀ àngàŋtè ətəyn pîə nə ghənə nə̂ kəpi èghɛ zɛ ə ghàs nə̀.

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

2 Kolìŋ 2:12

Ə̀ tè nyi kə m pə̂yn tâyn ə Tɨ̀luwàs se ndàʼa tom èchùŋ ə̀ Klâys, ə fe nə Pɛ̂pɛ nyi mə è və pɨaʼtê nə m ndaʼa,

2 Kolìŋ 6:3

Ghàs kɔ̂ŋɔ̀ va nə wùə vîvè pofse fɨ̂aʼ kaske. Ə̀ za nyi eghɛ zɛ ə ghàs nə̀ va ghɛze kə ze kaʼa ə ze nəyn ə wùə nyɔʼse tɔŋve.