1 Kɔlìŋ 9:1 - Ŋwàʼlè ə̀ Fèzhə̀ Mkâyn Mə̂ Fèm

¹ M va sə mì ə ngɨŋ ə̀? M va wùətom ə̀? M tè paʼà fe Njisə̀s Pɛ̂pɛ ə̀ ghâsènì ə? Ghàyn va etwɔm efɨ̀aʼ zɨmze ə Pɛ̂pɛ ə̀?

1 Kɔlìŋ 9:1 ပူးပေါင်းရင်းမြစ်များ

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 14:14

Ə pə̀ kə Pɔ̂l yî Pànapàs zɨ ghɛ zɛ ə ghɨə təynghe tè kyiŋə se nə̀yn, ghənə pàytə̀ sendzɨs sə ghənə̂sè ə nyɨŋə njiə anɔ̀yn nə kɛ ə fètəyn, ə zhə̀tə̀ pɨa piə nə,

Ətefɨ̂aʼ 14:4

Pîza ghɨ ghɛ ə ghe tè nyì fu endaʼ ə kyîə echyâsè ewìynze, ghɨə mɔ̀ʼɔghe e tɔ̀ʼɔ̀ ə̀ghɨ Njûsə̀, yîghe e tɔ̀ʼɔ̀ ə̀ghɨtomə.

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”

Ətefɨ̂aʼ 9:15

Pîza Pɛ̂pɛ ə pìə sê Ànàniyàs nə, “Nduə, kûmə̀ nə mə chɔʼ wùə nə vɨ̂yn nə è fɨ̂aʼ sê mi. È nə nə̂ ə ghɨ atumə è fɔ̂yntə ghənə̂tè, è ghɨə Isìlâyghè, ke Mi.

Ətefɨ̂aʼ 9:17

Ànàniyàs ə ndò ə ndùə njiə ndɛ zɛ ə Sɔ̂l tè nyi ətəyn ə ndə̀mə̀ ə̀gho ə vəyn atu ə pìə nə, “Ànyì vɨ̂mè Sɔ̂l, Pɛ̂pɛ è ngɨŋə̂ vəyn ə tom mi sê ghò, ə Njisə̀s è ngɨŋə̂ Vəyn vɛ ə È fə pfɨ̀ŋə̀ fɨ ə ghò əshi endom kə ò fe pə fâyn. È tom mi sê ghò nə ò kɛse fe tèluʼ ə ò lwiyn è Zuʼse Ŋwaʼase.”

Ətefɨ̂aʼ 9:3

Ə pə̀ kə Sɔ̂l pə̀yn paʼse ə Ndàmaskùs, ghol emɨanəze ə pfɨ̀ŋə̀ mɨ̂anə̀ ekwùtwəyn ə panə wiynə vəyn vekɨ̂m.

Ətefɨ̂aʼ 9:5

Sɔ̂l ə pfɨfə nə, “Pɛ̂pɛ, Ə̀ nyì ghô ndè?” Kyə̀ ə̀təyn ə pə̀ynsə̀ nə, “Ə̀ nyi mi Njisə̀s, vɛ ə ò tsə̀fsə̀ vəyn za.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 1:5

Ə̀ nyi ə Vəyn ezə kə Zhə̀fè nyi mə fə fo mi èfùʼkè ə ndə̀mə̀ mi nə mə nyi wùətom kə ghɨ ghɛ ə̀ va əghɨ ə Njûsghè pomə ə zɨ sê Klâys.

Ŋwàʼlè ə̀ Pɔ̂l sê ghɨə Lûmghè 11:13

Ghɛ zɛ m kyiŋə se pì zôyn nyì se ghàyn ghɨ ghɛ ə̀ vachi ə̀ghɨ ə Njûsghè. M nyi wùətom se ghɨ ghɛ ə̀ vachi ə̀ghɨ Njûsghè, nyiəmə ndə̂mə̀ àtu ə mì efɨaʼ nâʼà sə ŋaŋ.

1 Kɔlìŋ 1:1

Ə nyaʼ mi Pɔ̂l ŋwàʼlè zɨ̀yn. Ə̀ tɔŋə Fezhə̀ mi nə mə nyi wùətom ə̀ Klâys Njisə̀s. M nyâʼà ŋwàʼlè zɨ̀yn ghasè ànyìə ghâsènì Sòstinìs.

1 Kɔlìŋ 10:29

m pîə chîəva ghɛ nə ətəm ə saʼaghe, pîza kûmə̀ ə̀təm ə saʼa ə wûə vɛ ə è tsàyn sê ghò ə ghe nə̀ fɨmsə̂ vəyn. Pîza wùə vîvè nə̀ pîə nə, “Kûmə̀ ghè ə ze nyi nə m vayn kàʼa ə m nəyn ghɛ zɛ ə m kyiŋə se nə̀yn kûmə̀ nə m fânə̀ nə təm ə wûəghè nə̀ saʼa vəyn ə?

1 Kɔlìŋ 10:30

Ə m nji fɨazhiə vɨmve ə fo àzɔ̀ŋnè sê Zhə̀fè tsɔ̀fə kə m zhi, pɔ̀m ghè ə wùə nə̀ ghamə̀ mi kûmə̀ efɨazhiəve mə mə fo zɔ̀ŋnèkè ətəyn ə?”

1 Kɔlìŋ 11:16

Pîza nâʼàpî ndè vɛ è kyiŋə se pì nə ghɛ nə zɨnə mə tsɔ̂fə̀ va, ə mə kyi ke se tsàyn se vəyn nə ghàs, pî ndɛ ə̀ Fèzhə̀ fɨyn kyi va ndom vîve sə̂ ngɨmnə̂ ətəyn.

1 Kɔlìŋ 3:6

M zho ngwàʼ, Àpolòs e sɨsə̀ m̀mo esas ətəyn, pîza ə̀ nə̂ Fezhə̀ kə ngwàʼ ə̀təyn ndəmə.

1 Kɔlìŋ 9:19

M nyi sə mì ə ngɨŋ, vachi àkɔs ə wûə vîkè, pîza mə nə̀yn sə nyi àkɔs se nâʼàpî ndè kè endom se nə̀yn nə zə pɔynə̂ kə ghɨə pomə̂ nâʼà setsɨ̀ setsɨ̀.

2 Kolìŋ 10:7

Ghàyn nji shîŋə̀kè ə ghàyn fɛte naynê ə̀ghɛ. Ə wùə pìə nə e nyi wùə ə̀ Klâys, ə è tɔʼ kwàʼtè èghɛ zɛ ə è pìə kûmə̀ nə̀ ghàs pɔŋ nyi kepî ə̀ghɨ Klâysə̀ kə vəyn.

2 Kolìŋ 11:5

Ghɨətom nə̂ ghɨynə ə ghàyn njì nə ə nyi nâʼà ə̀ ghɨətom ə tɛ tsɛ̂ va mi nâʼà eghɛ zhîze.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ngàleshyà 5:1

Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

1 Tèsàlonikà 2:6

Ghàs tè nə̂ va ghɛ nə ghɨghe ə tsîtə̀ ghàs, ə vachi ghàyn, pî ə̀ghɨ ə mɔ̀ʼɔghe sə̂ pɔmsə̂ ghàs.

1 Timotì 2:7

Ə̀ za nyi eghɛ zɛ ə tè tom mi kə wùətom è wùə èzaʼlə ə̀ghɨ ghɛ ə tè va əghɨ Njûsghè, nə m zaʼle tom èkyî epomə̂ zɛ ə e nyi səmɔʼ sê ghɨ ghɛ ə̀ vachi ə̀ghɨ ə Njûsghè. M wamə chîəva kaŋke, m lotə̂ pîə kə nâʼà èghɛ səmɔʼ!

2 Timotì 1:11

Zhə̀fè ə chɔʼ mi nə mə nyi wùətom, è wùə èzaʼlə, nə m ndaʼa tom èchùŋ.