1 Kɔlìŋ 8:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàyn tɔʼne, kə ndom vɛ ə ghàyn nə̀ ghɛ ə chûŋghè ətəyn kə ghɨ ə pomə nəyn ə ghɨ ghɛ ə pɔylə ə ghənə epomə̂ pfɨ ə pi.

1 Kɔlìŋ 8:9 ပူးပေါင်းရင်းမြစ်များ

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

1 Kɔlìŋ 10:24

Kə wùə vîvè se ghàyn ə fɨaʼà sê ngɨŋə̂ vəyn, pîza ghàyn e pɨlə fɨaʼà sə̂ tsâmtə̀ ə̀ghɨ mɔʼɔghe.

1 Kɔlìŋ 10:28

Pîza ə ò piə o zhiə ndò, wùə ə pìə se ghò nə, “Fɨazhiə vɨnə nyi mə ə fo sə efo se zuʼse pise,” kə ò zhi fɨazhiə ətəynve kûmə̀ wùə vɛ ə è tsàyn se ghò è kɨsè kûmə̀ ə̀təm ə saʼaghe,

1 Kɔlìŋ 10:29

m pîə chîəva ghɛ nə ətəm ə saʼaghe, pîza kûmə̀ ə̀təm ə saʼa ə wûə vɛ ə è tsàyn sê ghò ə ghe nə̀ fɨmsə̂ vəyn. Pîza wùə vîvè nə̀ pîə nə, “Kûmə̀ ghè ə ze nyi nə m vayn kàʼa ə m nəyn ghɛ zɛ ə m kyiŋə se nə̀yn kûmə̀ nə m fânə̀ nə təm ə wûəghè nə̀ saʼa vəyn ə?

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 8:10

Ò ke nə ə wùə mə è vayn kaʼa è nji chɔʼnêzè eghɛ zɛ ə nyi eghɛ echûŋzè è ghɛ zɛ ə va eghɛ echûŋzè fe ghò è tɔf zɛ ò kyi, ò tsɨs ə ndɛ àfɨ̂aʼsè zhiə, ə ze chiynte vəyn nə è zhi fɨazhiə vɛ ə nyi mə ə màʼtè sə eshyə̀ se fɨ̂aʼsèvè.

1 Kɔlìŋ 8:12

Ə ghàyn nə̀yn nyi, ə̀ zə nyi mə ghàyn nəyn pi sê Klâys tɔynə̂ ə pi zɛ ə ghàyn nə̀yn sê ghɨə pomə əmɔ̀ʼɔghe kûmə̀ nə ghàyn ə pofsê təm ə ghənə̂ghè, ghənə e pîə va ghɛ zɛ ə nyi eghɛ echûŋzè, è ghɛ zɛ ə̀ nyi eghɛ epize.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.

2 Kolìŋ 11:21

M ghomə̂ se pì nə ghàs tè pâʼà nə̀yn ghɛ nə ghɨnə sê ghàyn! Nâʼàpî èghɛ èkè zɛ ə ghɨə kyi təmə se pfɨ̀yn angàŋtè kûmə̀ zəyn, m kyi kepî ndò təmə se pfɨ̀yn angàŋtè kûmə̀ zəynze, (kə ghàyn lɛse nə m wâmnə̀ kə kə ango)

2 Kolìŋ 11:29

Ə m fe wùə è ve pɔ, ghɛ ətəynze fo ngəʼ sê mi, ze ə nə̀ mi m pɔŋə pɔ. Ə wùə pfɨ̀ əfètəyn əpi, ghɛ ətəynze fo ngəʼ sê mi nâʼà sə ŋaŋ.

2 Kolìŋ 6:3

Ghàs kɔ̂ŋɔ̀ va nə wùə vîvè pofse fɨ̂aʼ kaske. Ə̀ za nyi eghɛ zɛ ə ghàs nə̀ va ghɛze kə ze kaʼa ə ze nəyn ə wùə nyɔʼse tɔŋve.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

1 Pità 2:16

Ghàyn e ndamə èndam zaynze kə əghɨ ghɛ ə va ekɔ̂s sê wùə vîvè, pîza kə ghàyn nji zɨnə mə se ndə̀tè ə pi ə ghàyn ə tendam; ghàyn pɨl ndam kə ekɔ̂s sê Zhə̀fè.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.

Etyə̂yn ə paynsêzè 2:14

Pîza, m ghâmə̀ ghò ə mghɛlə̀ mə mɔ̀ʼɔmè. Ghɨə mɔ̀ʼɔ nyi fɛ ə ghò anɔ̀yn chûmtə̀ ezaʼlê ə Palàmzè. È və tə zaʼle Palàk kə è kàʼa è nəyn ə ghɨə Isìlâyghè nəyn pi mə ghənə zhiə èfɨa mə màʼtè sê fɨ̂aʼsèvè, è kɨsè mə ə nə̂ ə̀ghɛ ə nyələghe.