1 Kɔlìŋ 8:3 - Ŋwàʼlè ə̀ Fèzhə̀ Mkâyn Mə̂ Fèm

³ Pîza mə wùə kɔ̂ŋɔ̀ Zhə̀fè, ə Zhə̀fè ə ke vəyn.

1 Kɔlìŋ 8:3 ပူးပေါင်းရင်းမြစ်များ

Matyò 7:23

Ashìŋə̀ nə kɛ ə m pi sê ghənə nə, “M paʼà tyə̂m kê ghàyn. Ghàyn ndo ə mì etipì, ə ghɨ epi ghɨnə̀!”

Njɔyn 10:14

M nyi ngyəyn èchùŋ. M nyîə ke sèndzè sɨmse, ndzè sɨmse e ke Mi

Njɔyn 21:17

Njisə̀s ə fɨnə tɔŋtə̂ vəyn, nə ə sè nyi tèshiŋə̀ tèta, ə pìə nə, “Shimùyn, Va Njɔyn, ò kɔ̀ŋɔ̀ ndò Mi ə?” Ghɛ ətəynze e sè fo ngəʼ sê Pità kə Njisə̀s pfɨf nə ndu shîŋə̀ teta nə, “Ò kɔ̀ŋɔ̀ ndò mi ə?” È və ke pì sê Njisə̀s nə, “Ò nyîə ke ə̀ghɛ ə̀kɨ̂m ə Pɛ̂. Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “O tɔ̂ʼnə̀ è ndzè sɨmse.

Ŋwàʼlè ə̀ Pɔ̂l sê ghɨə Lûmghè 11:2

Zhə̀fè tè pâʼà tə ghɨ ə vəyn ghɛ ə è tè chitê ə zhə̀te. Ghàyn keva ghɛ zɛ ə ŋwàʼlè ə̀ Fèzhə̀ pì kûmə̀ Èlanjà kə è tè chyatə Zhə̀fè, tsâ ə̀ghɛ ghɛ ə ghɨ Isìlâyghè tè nə̂ sê vəyn.

1 Kɔlìŋ 13:12

Ghɛ ghɛ ə ghâsènì fe zôyn nyì ke kə ghe nyi anâynè mə ke tɔ̂ʼɔ̀ panə va, pîza ghâsènì tə fe shwi m̀shwi awulə. Ghɛ zɛ m ke zɔ̂yn nyì ke àpɨaʼ, mə awulə, m tə kê nâʼàpî ghè, kepî kə Zhə̀fè ke nâʼàpî ghè kûmə̀ mi.

1 Kɔlìŋ 2:9

Pîza kè kə nyâʼ ə ŋwàʼlè ə Fezhə̀ nə: “Ghɛ zɛ wùə tàʼa tyəmə fe, Pî se tyəmə zɨ, Ghɛ zɛ ə wùə tàʼa tyəmə kwàʼtè nə ze kaʼa ə ze kyayn ə̀ nyi zəynze ə Zhə̀fè nyi mə fə pɨaʼtê sê ghɨ ghɛ ə ghe kɔ̂ŋɔ̀ Vəyn.”

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

1 Njɔyn 4:19

Ghâsènì kɔ̀ŋə̀ sèngɨŋ sə ghasènìse kûmə̀ nə Zhə̀fè ə tə kɔ̀ŋ ghâsènì sə shi.

1 Njɔyn 4:7

Ghɔnyì ghɨmə, ə ghâsènì ə kɔŋə̀ sèngɨŋ sə ghasènìse, kûmə̀ nə kɔ̂ŋè ndò pə̂ se Zhə̀fè. Nâʼàpî ndè vɛ ə è kɔ̀ŋə̀ nyi va Fèzhə̀, ke Fèzhə̀.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.

Etyə̂yn ə paynsêzè 2:19

M nyiə ke ə̀ghɛ ghɛ ə ò nyi mə o nə̀ynə gho tefɨ̀aʼ. M nyiə ke èkɔ̂ŋ zɛ ə o kyi, è ndom vɛ ə ò fɨ̀aʼà è təm ghɛghe əkɨ̂m, è kɨsè təm ə kolə ghɛ ə ò kyi ə ghò efɨ̀aʼ. M nə̂ ke nə ò nyîə fɨaʼà zôyn tsɛ̂ kə ò tè fɨ̀aʼa sə shi.

Etyə̂yn ə paynsêzè 2:9

M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.