1 Kɔlìŋ 8:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ò ke nə ə wùə mə è vayn kaʼa è nji chɔʼnêzè eghɛ zɛ ə nyi eghɛ echûŋzè è ghɛ zɛ ə va eghɛ echûŋzè fe ghò è tɔf zɛ ò kyi, ò tsɨs ə ndɛ àfɨ̂aʼsè zhiə, ə ze chiynte vəyn nə è zhi fɨazhiə vɛ ə nyi mə ə màʼtè sə eshyə̀ se fɨ̂aʼsèvè.

1 Kɔlìŋ 8:10 ပူးပေါင်းရင်းမြစ်များ

Ətefɨ̂aʼ 15:20

Ə ghâsènì pɨl nyaʼ ŋwàʼlè ə tsayn sê ghənə nə kə ghənə zhi fɨazhiə vîve mə ve zo kwəynə̂ va kûmə̀ nə ə fo vəynve sê zhə̀mè, ə ghənə ə nyɨŋə̀ va è zəynghe kɨ̀sə ə ndômnè, ə kwɨlə va nyàm zhîzè mə ə paʼà se mîzè, pî se zhi mndəm.

Ŋwàʼlè ə̀ Pɔ̂l sê ghɨə Lûmghè 14:14

Kə m nyi ghasè Pɛ̂pɛ Njisə̀s sə afɨa àmɔ̀ʼ, e nə̂ ndò nə mə ke nə fɨazhiə vîve va ə ve zo va ə Zhə̀fè əshi, pîza mə wùə pomə nə fɨazhiə vîve nyi ndô ə ve zo kwəynə va ə Zhə̀fè əshi, kə è zhi vəynve.

Ŋwàʼlè ə̀ Pɔ̂l sê ghɨə Lûmghè 14:23

Pîza, ghɨ ghɛ ə kyi mɛnêzè nə ə kiva se zhi ekyì efɨazhiə vîve, pɨlə zhiə vəynve, nyiəmə, Zhə̀fè nə̀ pîə nə ghənə ə nə̀yn pi kûmə̀ nə ghənə ə njì pomə̂ ə ghənə̂zè se nə̀yn eghɛ zɛ ə ze nyi səmɔʼ. Ə wùə nə̀yn ghɛze mə è mɛnə̂ ndò nə ze nyi achûŋ mə ze va achûŋ ə, ə ze ə nyi nə è və nə̀yn pi.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 8:4

E za nyi nə se pì eghɛ kûmə̀ èfɨazhiə vɛ ə màʼtə̀ kə eshyə̂ sê fɨ̂aʼsèvè, ghâsènì ke ndô nə fɨ̂aʼsèvè vachi ndɨŋndɨŋ àfɨa kyîke fa mbi. Ghâsènì ke kepî ndô nə Zhə̀fè nyì ke fèmɔ̀ʼ.

1 Kɔlìŋ 8:7

Nâʼàpî zâ, ə̀ vachi ə̀ghɨ əkɨ̂m ə ghe ke ghɛ nə zɨnə̀. Ghɨ yîghe nyi mə ə ketê fɨaʼsè nə vɨ̂yn kə ezhoghɛ ə ghənə zhi fɨazhiə vɛ ə mâʼtè sə eshyə̀ se fɨ̂aʼsèvè, ghənə e kwaʼtə̀ nə fɨazhiə ətəyn nyi mə ə maʼte se shyə̀ se zhə̀ fîfe, zamə ghənə e va eŋwaʼze ə Zhə̀fè əshi kûmə̀ nə ghənə keva se njì echɔʼnê eghɛ zɛ ə̀ nyi eghɛ echûŋzè è ghɛ zɛ ə̀ va eghɛ echûŋzè.

1 Kɔlìŋ 8:9

Ghàyn tɔʼne, kə ndom vɛ ə ghàyn nə̀ ghɛ ə chûŋghè ətəyn kə ghɨ ə pomə nəyn ə ghɨ ghɛ ə pɔylə ə ghənə epomə̂ pfɨ ə pi.